أفيدووني ياقمآري :)

[د. هدّولا]

السلام عليكم ورحمة الله وبركاته

رمضاااانكم كريم وصياامكم حلوو ياارب



أنا ياقماري من مكة ..

فحابة أستفسر عن الباصات اللي تودي وتجيب
هي شركة معينة ولا من نفس الجامعة
وإللي مسجلة كيف الدفع في الترم أو في السنة
وكم السعر ؟!!
وهل التوصيل يكون لحد البيت << حسستني أنها بيتزا لوول
ولا في مكان معين ويجي ولي الأمر يستلم بنته ؟
وكيف مواعيد الانطلاق << حشا صواريخ مو باصات لوول

أفيدووني بليز



اختكم التي كويسة
د . هدّولا

[دانة جدة]

لا مو من نفس الجامعة فية كدا شركة تقدري تتعاقدي معاهم ينزلو من مكة لجدة وطبعا ك اول الشه تدفعيلهم وب400 اغلبهم ويشيلوكي من عند باب بايتكم الين الجامعه ونفس الشي يرجعوكي بس ماني فاكرة ايش هيا الشركات الي بالظبط من مكة لجدة بس اعتقد شركة ابو سرهد تشيل من مكة للجامعه جربي اتصلي عليهم وبالتوفيق

[fofy]

هدولا لو لقيتي أحد أعطيني خبر تكفين

[أحلى زيزو]

عندك بصات الخالد والمحروسة وابو سرهد

في باصات كثير

[د. هدّولا]

دانة جدة تسلمي ياقمر ..

fofy من عيوووني ^_^

أحلى زيزو ..
طيب ممكن اذا عندك ارقامهم أو شي لو سمحتي

[د. هدّولا]

محدش يعرف ياجماااعة :( :(

[خآآلد]

يابنت التي كويسه .. !





نصيحه من اخو واخت واب وام < حشى ماصارت



المهم خذي نصيحتي وانا اخوك .. خذي السكن اللي بالجامعه .. !


ولا استاجري شقق ولا دبري اي صرفه .. !



ترا والله اني ناصحن لك وابغى لك الخير .. !


انا خويي فقد اخته بحادث باصات بس كانت باصات ثانويه ... وهي من نفس المدينه .. كيف من مدينه لمدينه



وبعدين ياكثر مشاكلها .. يمكن يكون السواق نذل واناني .. وانتي عارفه وش يصير لما تقرين بالجرايد .. !


انا والله مابي احطمك ... لكن كل شي له جانب سلبي وجانب ايجابي .. !


انا ماقولك لاتروحين .. لكن حاولي تدورين بجده سكن .. واذا حدتك الظروف الله يعينك ويوفقك وعساك عالقوهـ ..



وانتي فكري فيها بعقل ... يبغالك تصحين قبل الدوام بفتره طويله ... والباص اشك انه يواعدكم بمكان محدد ..


ولو بياخذ كل وحده من بااب بيتها .. اجل احسبي لها وقت غير مشوار الطريق ... !



لكن اولا واخيرا .. الله يعينك والشي راجعلك والله يحفظك ويستر عليك

[أحلى زيزو]

المشاركة الأصلية كتبت بواسطة د. هدّولا دانة جدة تسلمي ياقمر .. fofy من عيوووني ^_^ أحلى زيزو .. طيب ممكن اذا عندك ارقامهم أو شي لو سمحتي

والله العظيم الحين ماعندي ولا رقم إن شاء الله يوم السبت حاااااااااااااااااول أجبلك كم رقم

[د. هدّولا]

أخويا خالد
جزاك الله خير على نصيحتك ..

وأنا لو بيدي ما حديت نفسي على تعب المشوار ..
لكن هو وضع مؤقت ..
وإن شاء الله لمن تتسهل أدور لي سكن ..

ومحد يموت ناقص عمر اللي ربي كاتبه بيصير ..
ويعطيك الف عافية أخوي

[د. هدّولا]

fofy

هذا رقم أخذته من وحدة من قريباتي
كانت تنزل جدة مع شركة أبو سرهد

وهذا رقم الرجال اسمه أحمد علي المجنوني
0556551534


واذا حصلتي أنتي
أو اي أحد مانقول لأ أعطونا ..