مالي احد غيركم محتاجه لرايكم

[wise shark]

المشاركة الأصلية كتبت بواسطة حلاها زايد السلام عليكم انا عارفه مو وقته والكل مشغول بالتخصصات بس قلت مالي غيركم اساله المهم انا محتاره في موضوع اخويه هو انقبل في الكليه الصناعيه وهي تخصصاتها هندسه كيميائيه وهندسه ميكانيكيه ومدري ايش كمان وفي نفس الوقت جاله قبول في شركه الكهربا وهم يعطونه دبلوم اعتقد سنتين مع مكافئه وبعدين يوظفوه وانا محتاجه رايكم ايش يختار يكمل دراسته في الهندسه ولا يختار شركه الكهربا وانا صراحه ماني عارفه كيف الموظفين في شركه الكهربا يعني رواتبهم ودوامهم حلو ولا كيف ياليت اذا عندكم معلومات عن شركه الكهربا ياليت تقولولي ربي مايحرمكم الاجر

الأخت الكريمة:
كنصيحة أخوية لوجه الله لا تخليه يترك الدراسة لأي سبب من الأسباب وخاصة اذا كان التوظيف بشركة الكهرباء لعدة اسباب:
1_حيفضل طول عمره فني ولايقدر يكمل دراسته
2_الشركة وضعها محبط وخاصة بالغربية
3_الكل يتمنى كلية ينبع الصناعية لانه حيتخرج مهندس وشهادته قوية واي شركة حتقبله بضعف راتبه بشركة الكهرباء
4_راتبه اذا اتعين حيكون الاساسي 4200 و500 بدل نقل و15000 بدل سكن (تنزل مع كل راتب جزئية منها) وبدل وردية 15% اذا كان يعمل بجدول ورديات.
5_ كنصيحة اخيرة لا تخليه يدمر مستقبله وهاذي نصيحة موظف بالشركة.