تجمع طلاب مادة bus103

[المستشار1]

صباح الخير

مبارك عليكم رمضان جميعاً

ياشباب ألى عنده أي معلومة عن مادة إدارة أعمال بالإنجليزي فلا يبخل علينا لأن زي ماأنتو عارفين الأختبار في 20/9 والمادة دسمه شوي فالي عنده ملخص أو معلومة يعطينا الله يعطيكم العافية

[ضحايا الصمت]

مبارك علينا وعليك يارب

انا اجتزت المادة هذي من زماااان ولا ادري ايش الي صاير عليها الان




كل الي اعرفه انها اسهل بكثيييييير مما ذكرت .... وانا مستعد اشرحلك اي شي مانت فاهمه

سواء هنا ولا حتى لو ودك نتقابل واشرحها لك



بالتوفيق يارب

[أبو رسيل]

هلا والله وغلا

انا كنت ابي اخذها الترم اللي راح ولكن أجلتها للترم القادم

وعندي أكثر من ملف يتعلقون بالمادة

حملتهم الترم اللي راح

مدري اذا يفيدونك او لا

والله يوفقك يارب وطمنا على اختبارك

لك تحياتي وتقديري

ابو رسيل

[المستشار1]

الله يعطيكم العافية ياشباب ومانستغني من خدماتكم وأسأل الله لكم ولي التوفيق

بالنسبة لي ماتبقى لي على التخرج ألا هالمادة لاتنسونا من صالح دعائكم والعقبا لكم إن شاء الله

[غالي الاسلمي]

المستشار
اي معلومه محتاجها فى هالماده حاضرين لك تقدر تراسلنى باي وقت نزل اللى انت مو فاهمه وابشر بعزك

تحيتى لك ومبارك عليك الشهر وعلى فكره الماده مره سهله لاتهمك وانا اخوك


غالي

[4abdulaziz]

المادة سهلة بشرط يكون عندك خلفية متوسطة باللغة الانجليزية والاسئلة اغلبها واضحة ,,
فيه ملخص جدا ممتاز وشامل ومختصر للاخ الفاضل /الزائر الحزين ان شاء الله اذا حصلته ارفقته وممكن تبحث عنه في المنتدى ..
بالتوفيق للجميع

[المستشار1]

الله يعطيكم ألف عافية على هذا التفاعل

وأسأل الله لي ولكم التوفيق في الدارين

[yesyes]

المادة أخذتها الترم الماضي ؛ ومن سهولتها لمن أراد النجاح ( قد يكتفي بــ الحفظ النظري دون التعمق بالفهم اللغوي )
عموما اللي أبغى أقوله وأكرره إن المادة سهله جدا وأسئلتها دائماً من رأس الموضوع وليس من بين السطور وأستثني من كلامي هذا أسئلة الترم الماضي اللي أختبرتها أنا لأنها كانت مفاجئة جدا وكانت فيها اسئلة من المحذوف ؛

طبعا هــ الكلام ما ينطبق على المادة عموما ولكن بشكل خاص الترم الماضي أما الأعوام السابقة فكل من أخذها درجته تتراوح بين 85 إلى 90 من سهوله المادة وسهوله دكتورها الدكتور الخلوق والمحترم والإنساني جدا ناصر كدسة


أتمنى اكون فدتكم بشيء

[شهـاب]

على فكره الماده سهله انا نجحت فيها الترم الي فات

وجبت درجه حلووووه

بس يبغالك شووويه انجليزي ونشاء الله فوق ال 80

اتذكر كان فيها اشياء محذوفه بس مع الاسف الملخص مو معاي الحين

بتلقاه اكيد في المنتدى انا خذت المحذوف من المنتدى

واهم شي تذاكر من الملخص ترى جدا سهل

وبالتوفيق

[محمد عبدالله الدوسري]

بالله يا اخوان ممكن احد يعطينا أسئلة الترم الماضي

بصراحه اختبرت الترم الماضي والحمد لله على كل حال رسبنا في هالماده

لكن نقول عسى الله يفرجها هذا الترم ....