سؤال شخصي للاخ الكريم الخبير ولكل المشرفين ولكل من اجتاز المستوي السادس

[عبدالله بن عبدالرحمن]

المشاركة الأصلية كتبت بواسطة the expert حيـاكــ الله يا عبدالله النسبه لي ياطويل العمر فلدي دبلوووم communication درست سته اشهر فقط كورس أنجليزي مكثف مع مدرسين بريطانين ودرست سنتين تخصص أتصالات باللغه الأنجليزيه ومدرسين بريطانين والان لي خمس سنوات موظف وعندي في القسم 2 بريطانين و2 نيوزلندين يمارسون نفس تخصصي بالظبط. طيعا يا طويل العمر دراااااااستي السته أشهر هذي خلتني لا أواجه اي مشكله في تخصص اللغه الأنجليزيه في الجامعه من المستوى الأول الى المستوى السابع ولله الحمد لم أتعامل مع مدرس خصوصي . معدلي في الترم الأول بالظبط مثل معدلي في الترم السابع <== يعني لا تخاف كثير من المستويات المتقدمه فهي تحتاج الى مجهود أكبر وليس عقل أكبر تخصصنا بسيط للي عنده أساسيات في اللغه<== قواعد لان الجامعه غير مهتمه في موضوع القرمر ابدا وتأكد انك من الان الى ان تتخرج لن تدرس ماده قرمر . تخصص الأنجليزي للمنتسبين من واقع خبره بسيطه يجب ان تتوفر بعض الميزات في طلابه 1 - يجب أن يكون لدى الطالب معرفه بقواعد اللغه الأنجليزيه (قبل الدخول الى القسم ) 2- لديه رغبه جامحه لتعلم اللغه الأنجليزيه 3- لديه وقت كافي للمذاكره فمواد اللغه الأنجليزيه لا تحتاج منك الا ثلاث خطوات قرائه المنهج + ترجمه + حفظ = a+ شوف يا أستاذ عبدالله خلنا نفرض ان طلاب اللغه الأنجليزيه للأنتساب ينقسمون الى قسمين فقط قسم فلته وبلبل في الأنجليزي وقسم نص ونص ويادوب يخارج نفسه في أبسط الأمور أتفقنا مواد المستوى الثالث والرابع (أسماع + قراءه + كتابه )؟ الفلته بدون ما يذاكر هذي المواد راح ينجح فيها وبالراحه واذا قراها قرائه ماراح تقل درجته عن ممتاز اما اللي مستواه نص ونص فيحتاج يذاكر بشكل مضاعف في هذي المواد حتى يقوي مخزونه اللغوي من ناحية المفردات فحسب مذاكرته فقط راح يجيب (ممتاز أو جيد جدا أو جيد أو يرسب )؟ بالنسبه لـ ( مقدمه في اللغويات + السيمانتكس + السينتاكس + فونتكس + فونولوجي +مورفونولوجي )؟ هذي مواد تأكد كل التأكيد أنك أنت واللي والد في أمريكا راح تدخلونها بنفس الغموووض فهي ماتحتاج منك الا قرائه ومذاكره سواء لغتك فلته والا ماعندك سالفه فالفلته لو ماذاكر مثل هذي المواد راح يرسب واللي مستواه يعني في اللغه لو ذاكر راح يأخذ فيها ممتاز طبعا تفرق من ناحية ان الفلته امكن الماده ماتأخذ منه أسبوع بالكثير اما اللي اموره نص ونص ممكن تأخذ منه الماده اسبوعين او أكثر بالنسبه للمواد الأدبيه ( مقدمه في الأدب + الفكشن + الدراما + شكسبير )؟ لغه أنجليزيه قديمه جدا وكلمات تطفش لانها غير دااارجه فهي مواد مطفشه للفلتات وللي مستواهم نص ونص وتحتاج مجهود مضاعف في هذه المواد وهذا مايمنع ان طلاب مستواهم مش ولابد جابو فيها جيدجدا مرتفع فيه طلاب اعرفهم دخلوا القسم وهم ماعندهم أي شيء في اللغه وتخرجوا الترم الماضي ولكن تعبوا الى ان تخرجوا فكانو يبدأون في المذاكره قبل الأختبارات بثلاث اشهر على الأقل وأعرف طلاب تخرجوا بتقدير ممتاز وأزيدك من الشعر بيت في كل دفعه يتخرج من 2 الى 7 بتقدير ممتاز يا عبد الله تخصصنا ما يحتاج واحد من مواليد تكساس والا لندن..يحتاج واحد يذاكر ويحفظ ويكتب هذا كل ماعندي واتمنى أني قدرت أوصلك اي شيء من اللي تبغاه أنت أخـــــــوكـــ the expert

اما انت ياأكسبيرت يبغالك جلسة خااااااااصة
:)
اولا ماشاء الله تبارك الله طال عمرك على الشهادات اللى عندك وتصدق ارتحت لمن قلتلى عندك شهادات لانى من زمان اقول بقلبي ((بدري عليك تصير زي الاكسبيرت))خخخ
اسال الله يوفقك.
اخوي الميزات اللى تفضلت وذكرتها المطلوبة فى الطالب المنتسب مابقولك عندي 100% فلدي القليل وليس العدم من قواعد اللغة ولدي الرغبة القوية القوية لحد المبالغة فى تعلم اللغة==وبينى وبينك هذا اللى معطينى دافع كبير داخلى لكن احيانا اتخوف وهذا اعتقد شي طبيعى خلانى اجيب فى بعض المواد اللى خفت منها 100 والبعض 96 وللة الحمد.
بالنسة للخطوات اللى ذكرتها للمذاكرة هذى فعلا طريقتى اقرأ الدرس واترجم الكلمات الجديدة واكتبها فى دفتر خاص لدي للكلمات بحيث ماارجع اقرا الدرس لانى عارف الكلمات اللى فية اصير اركزواحفظ الكلمات الجديدة اللى عندي بالدفتر واخذها معاى العمل احيانا اتسلى واذاكرها واراجعها هل هذى جيدة ياعزيزى..؟؟

بالنسبة لشرحك عن المواد اللغوية والادبية فأبدعت ايها الخبير ومابقيت لى اى سؤال ببالى بصراحة
وريحتنى الله يريحك
وفية كلمى بقلبي نفسي اقولها لك يا خبير من بدايات دخولى المنتدي ورأيتى لمواضيعك ولابداعك لانى كنت ادخل هنا من قبل لا اتخصص انجليزي وكأن هناك علاقة بينى وبين هالقسم من قبل تخصصي((سبحان الله))
الكلمة هى فقط (زيما تفيد الناس بدون مقابل فأسأل الله يرزقك الجنة بدون حساب) فعلا مثال يحتذى بة يا ايها الغضنفر العمري == جيرانكم احنا تري خخخ
وشرف لى ردك الكريم اخوي اكسبيرت
تقبلى احترامي وفائق امنياتى لك بالتوفيق