اتمنى مروركم الكريم

[زوينة]

و الله هو ادارة اعمال جيدة و تخصصاتها اكتر بس انا عن نفسي افضل ادارة عامة و موفقة انشالله .

[Jeddah Glamor]

أتمنى محد يزعل مني ..

لكن صعوبة الشي وسهولته تختلف من شخص لآخر ..


أتمنى توضحوا محتوى التخصصين .. وعن ايه بيدرس .. وايش ممكن استفيد منه .. وايش لازم يتوفر فيني كطالبه عشان ادرسه ..

لأنه بعض الاقسام تحتاج فهم أكثر .. وبعضها حفظ .. ومنها تحتاج خلفيات في الرياضيات وغيرها لا ..


يالله يا بنات .. ارجعوا وقولوا ايش الفرق بين القسمين ..؟؟!!

[زوينة]

اول حاجة ادارة اعمال فهم اكتر و شغل اكتر و تعب اكتر لكن في النهاية تاخدي ثمرة جهدك اللي تستحقيها و غير كدة يبغالها معدل لا يقل عن 4 و فيها رياضيات اكتر.
تاني حاجة ادارة عامة حفظ اكتر شغل مو مرة اي معدل ممكن تدخلي بيه فيها رياضيات لكن مهي زي ادارة الاعمال يعني رياضياتها اقل بكتير على حسب علمي و من ناحية الوظيفة ادارة الاعمال زي ما قلت من قبل مراكزها مرموقة اما ادارة عامة في مستشفيات و ممكن غير كدة طبعا بس في دحين شركات كتير بحاجة ناس ادريين يعني عندهم ادارة عامة لكن انا عن نفسي افضل ادارة عامة و الله يختارلك اللي فيه الخير و الصالح .