خريج كلية الهندسة وفرع رابغ وخليص والشمال

[تهندسي تكهربي]

ابشركم تخرجت من كلية الهندسة من قسم الهندسة الكهربائية وتم تعييني كمعيد بفروع الجامعة برابغ وخليص والشمال اي وحدة ما ادري والله ( ما شاء الله تبارك الله ) المهم انا لا اعرف شي عن اماكنها وهل هي بعيدة من جدة ام لا وهل يتوفر سكن لأعضاء التدريس ام لا وهل هيا فرع واحد ام عدة فروع للجامعة اللي عندو اي فكرة عن هذي الفروع يفيدني الله يخليكم ,,,

تقبلو تحياتي المهندس : تهندسي تكهربي

[البارود2007]

اولاً ألف مبروك وبالنسبة للفروع انا راح أفيدك في فرع الشمال وه يقع في منطقة عسفان ومازال تحت الإنشاء لذلك سيتم توفير عمائر بشكل مؤقت الى ان يتم انشاء مباني الكليات والفصول الدراسية والسكن والمستشفى

هذا وصلي اللهم على النبي المختار

[السيف99]

ما شاء الله تبارك الله
ما شاء الله تبارك الله
ما شاء الله تبارك الله

بس كم سؤال اذا ممكن اخوي

متى تخرجت ومتى جات الوظيفة ؟ وايش يعني معيد ما فهمت وظيفتك؟

[تهندسي تكهربي]

تخرجت الترم اللي راح وجاتني الوظيفة في بداية شهر رمضان ,,, معيد يا اخوي معناها محاضر ( مدرس ) بكلية الهندسة ,,, بس يا شبااب ما في احد رد الدراسة قربت ,,,

[المهندس تركي]

اولا الف الف مبروك يا بشمهندس/ تهندسي تكهربي
بالنسبة لي رابغ تبعد حوالي 160 كيلو تقريبا عن مدينة جدة
هم دحين قعدين يجهزو مباني دراسية على البحر فاخرة ..بالنسبة لي السكن والله اعلم انو فيه بدل سكن من الجامعة نفسها
بس سكن خاص انسى لانه من دحين مافي سكن للطلاب ..

سلامي م.تركي الجهني

[تهندسي تكهربي]

طيب مهندس تركي فيي سكن الواحد يقدر يستاجر والا اداوم من جده كل يوم ؟؟؟

[المهندس تركي]

فيه سكن اكيد ....بس عيب رابغ جشع اصحاب العقار