ما عندي خبره ولا دورات اعطوني امل بليييييييز

[sunset2]

السلام عليكم
كيفكم جميعا ؟
باختصار انا ما عندي لا خبره ولا دورات . تخرجت هذا الترم من كلية التربيه تخصص ادب انجليزي وحابه اكمل ماستر لغويات . انا اختبرت قدرات وجبت 73 واختبرت كفايات وجبت 85
سؤالي هل في امل اني انقبل والا فرصتي قليله لان اكيد فيه غيري عندهم دورات وخبرات ... الخ
واذا في اي احد زيي يا ريت تفيدوني بتجاربكم
بالتوفيق جميعا
على فكره اذا مافيه امل عادي قولوا لي عشان ما اتعب نفسي واتعلق بالماستر

[مطلع الفجر]

وعليكم السلام
أهلا أختي إذا كنتي ناوية تكملي ماستر في تخصصك اللي هو إنجليزي أو لغويات ..اللي أعرفه أنه ماله علاقة الدورات والخبرات في القبول في الدراسات العليا لبرامج الماجستير العام ، أهم شيء معدلك مايقل عن 3،75 ، وممكن قبول الحاصلين على تقدير جيد مرتفع لكن بشرط معدلك في مواد التخصص لحالها مايقل عن جيد جدا وبس . مع توفير الأوراق المطلوبة للتقديم في عمادة الدراسات العليا.
درجتك في الكفايات حلوه ماشاء الله تبارك الله ، لكن بالنسبة للقدرات ما أعرف هل يطلبون اختبار قدرات للتقديم للماستر في تخصصك أو لا ؟؟ اللي أعرفه أنه إختبار القدرات مطلوب في برامج الماجستير الخاص . وأنتي القسم اللي ناوية تقدمين عليه يعتبر من برامج الماجستير العام ..ممكن مطلوب فيه إختبار من نفس القسم في التخصص اللي مقدمة عليه فقط والله أعلم كل قسم له طريقته في قبول المتقدمين عليه .. لكن ممكن يكون مطلوب اختبار قدرات السنة هذه عند التقديم في برامج الماستر العام ..الله أعلم لأنه عمادة الدراسات العليا كل فترة تستحدث شروط جديدة في القبول .
وأيضا أضيف بالنسبة للدورات والخبرات هيه تفيد للمتقدمين للبرامج الماجستير الخاص المدفوع التكاليف من قبل الدولة حفظها الله ، مو لبرامج الماجستير العام مثل تخصصك .

حبيت أفيدك بنبذة مختصرة حسب معرفتي

أطلعي على هذا الرابط راح يفيدك بإذن الله بتفصيل أكثر ، وتابعي أيضا موقع عمادة الدراسات العليا باستمرار حتى تعرفي المستجدات في شروط القبول ومواعيد القبول :

http://www.skaau.com/vb/showthread.php?t=153758

والله يوفقك

[the busy mother]

سؤال لازم اختبار الكفايات وقدرات للماجستير مايكفي التوفل او بديل التوفل؟؟؟؟؟؟؟؟

[همس المشاعر]

اختبار كفايات هو اختبار لغة انجليزية يكفي هو او التوفل

القدرات احتمال يكون لبعض التخصصات عوضا عن اختبار القسم

[شواطئ البحر]

خلال ترم واحد تقدري تأخذي أكثر من 10 دورات داخل الجامعة

عمادة خدمة المجتمع والتعليم المستمر تطرح دورات متعددة كل ترم (خلي هذا الرابط محفوظ عندك راح ينزلو جدول الدورات الفصل القادم عليه)
http://www.kau.edu.sa/content.aspx?S...www.kau.edu.sa

وكالة شئون الخريجات في مينى 69 خلف مبنى 420 ينزلو دورات مجانية للخريجات
زي دورة التفكير الأبداعي
دورة أستراتيجية التخطيط والتنفيذ
دورة مهارات التعامل مع ضغوط العمل
دورة الانجاز الوظيفي في العمل الاجتماعي

بتفيدك أذ طبقو النظام الجديد الدورات والخبرات عليها 20% في مفاضلة

[sunset2]

الف شكر لك اختي همسة فجر وانتي كمان شواطيء بحر الف الف شكر
طمنتوني الله يريح بالكم

[blessed]

أختي( sunset2) بارك الله لنا ولكم فيما تبقى من الشهر الفضيل ؛انا قبل كدا سألت عن اختبار القدرات وردت عليه وحده من الاخوات جزاها الله خير انه كلمت العمادة وقالوا قسم اللغه الانجليزيه ما يحتاج اختبار .يمكن اختبار قسم وهذا هو المهم ركزى من الان وذاكرى كتب اللغويات وخدي اكبر قدر من المعلومات .بالنسبه للدورات ماشاء الله ما قصروا الاخوات الله يوفقهم ردوا عليك وانا والله استفدت وراح اسعى واجمع كذا دوره عشان الجامعه زي ما تعرفي كل يوم حاجه جديده وكمان عشان استفيد لأنه الدورات حلوه .الله يكتب الخير لك وليه ولكل وحده ناويه تقدم على القسم .واذا فيه أي حاجه جديده راح ابلغك عنها بأذن الله .
بس حبيت اسأ ل الاخوات الدورات اللي في الجامعه لاي احد لانه انا خريجه من ثلاث سنوات وموظفة ينفع اخذ دورات من الجامعه والا لا.

[شواطئ البحر]

أيوه تقدري تأخذيه في أحدى الدورات كانت معانا مديرة مدرسة أهلية

دورات خدمة المجتمع برسوم تدفعيه في بنك سامبا في جامعة وتأخذي السند تديه الموظفة أ/حنان في غرفة 318 المبنى الثالث الدور الثاني ع يسار
ودورات وكالة شئون الخريجات جيبي معاك صورة للوثيقة فقط

[so0os9]

وعليكم السلام اختي قبولك في الماستر العام يحدده المعدل واجتياز اللغه واختبار القسم
انا من البنات اللي انقبلو في الماستر بدون خبرات ولا دورات ومعدل جيد مرتفع
اتمنى اني اكون رفعت معنوياتك شوي

[علوم فلكية]

نسبتك لها دور كبير و اجتيازك لشرط الانجليزي

موفقة