هنا الأجوبة للأسئلتكم التي وعدتكم بها,,

[آيـة محمد]

السلام عليكم

اتـــأسف عن التأخيــر .. لكن الويرلس قطع عندناا :)

واتمنى لكل الي سئلني انو شاف موضوعي .. يرد ويطمني


1- اختبار الانجليزي للانتساب الي عنده ظروف ومايقدر يجي الاختبار .. وش يسوي ؟؟

قالت : لا لاازم تجي الا في حالة مرض لا سمح الله تجيبي كشف طبي غير كدا ماتقدري تسوي شي .. قالت :ايش السبب .. قلت: ماتقدر تجي جدة. قالت: لا تحاول تجي.

2-للتحويل من كلية لكلية في إمكانية نحول اول ترم ؟؟

قالت : ..بس تقدر تجي في تاريخ 9/10 حتكون الجامعة مفتوحة وتحول..

3- بخصوص إدارة الأعمال متى بيفعلون التحويل ؟؟

قالت حيفعلوها ولازم يفعلوها واذا مافعلوها تروحوا تراجعوا الجامعة في تاريخ 9/10 <<بس خلاص مبرووك عليكم التحويل :)

4-اذا حولنا انتظام نقدر نتخصص انجليزي من غير الاختبار ؟؟

قالت : لااا لااااازم تتجاوز الاختبار دام علامتها في الانجليزي ضعيفة ..

5- انا دحين في كلية الآداب لو حولت انتظام ودرست ترم او ترمين وجبت معدل عالي (اقدر احول على كلية الحاسبات ؟؟

قالت: ايوا تقدري ..وكلن بشرطان
أ-ماتكون حولت من كلية لأخرى >>يعني انتبهي لا تحولي من الآداب لشيء تاني ..
ب- شهادة الثانوية علمي

6- عادي اخوية يروح وحولني للكلية التي اريدها ؟؟

لا .. لازم هي تجي بنفسها >>عشان في استبانة لازم تمليها بنفسك وتوقعي وكدا زي ماسويت ..

7- ارسلت معاملة الكترونية مكتوب عندي " سبب التحويل الاستكمال اللازم" ايش معنى دي الكلمة؟؟
قالت: يعني لازم تروح الجامعة وتكمل اللازم <<يعني تروحي الجامعة وتكملي الناقص زي مايقولوا

8- وحدة معدلها 3.96 وجايبة في الانجليزي مرة a ومرة b والحاسب d تقدر تحول حااسب ؟؟
وحدة تانية قالت : لا المعدل غير كافي لأنها تحول حاسب >>يعني كملي الترمين وشدي حيلك فيهم زيييين ..

9- بالنسبة للكلام الي تبوا تتأكدوا منو وخايفين منو ..
اذا حولنا انتظام رح يغيرولنا التخصص ؟؟
وللأسف الكلام صحيح

[هيبة ملاك]

مشكورة يآقلبي
طيب عندي سؤآل يمكن تعرفي إجآبتو
إزآ دخلنآ إدآرة آعمآل إنتظآم درآستنآ بتكون برابغ؟
إزآ برآبغ ينفع نحول لجدهـ؟؟

[*زهرة السوسن*]

يعطيكي العافية

[pink-22]

ألـــــــــــــــف شكـــــــــــــر يا ايه مااااقصرتي<<بس الحمدلله انا كمان روحت اليوم وحولت لكلية الاداره والاقتصاد الحمدلله

[Super Linux]

وعليكم السلام ورحمة الله وبركاته

حيالله ايه وجزاك الله خير على التوضيح الي الكل منتظره

المشاركة الأصلية كتبت بواسطة آيـة محمد 9- بالنسبة للكلام الي تبوا تتأكدوا منو وخايفين منو .. اذا حولنا انتظام رح يغيرولنا التخصص ؟؟ وللأسف الكلام صحيح

يعني كلامي صح
حسبي الله ونعم الوكيل

انا لله وانا اليه راجعون


ع العموم يعطيك الف الف الف عافيه وبيض الله وجهك وماقصرتي

[Bison]

5- انا دحين في كلية الآداب لو حولت انتظام ودرست ترم او ترمين وجبت معدل عالي (اقدر احول على كلية الحاسبات ؟؟ قالت: ايوا تقدري ..وكلن بشرطان أ-ماتكون حولت من كلية لأخرى >>يعني انتبهي لا تحولي من الآداب لشيء تاني .. ب- شهادة الثانوية علمي

الجواب هذا اعتقد فيه اشكاليه انا قالي الدكتور عبد الفتاح انه ماتقدرر ياليت تتأكدي من الجواب

ويعطيكي العافيه ،،

[رغد محمد]

وعليكم السلام ورحمة الله وبركاته

الله يسعدكِ ياقلبي ..
ما تدري إنك بروحتكِ للجامعة والأسئلة هذه أفدتِ بنات كثيييييييييييييييييير والله ..
الله يجزاكِ ألف خير ويعوضكِ مجهودكِ يااااااااااااارب ..

9- بالنسبة للكلام الي تبوا تتأكدوا منو وخايفين منو ..
اذا حولنا انتظام رح يغيرولنا التخصص ؟؟
وللأسف الكلام صحيح

أما بخصوص هذا الكلام ...
الله يستر ..الله يستر ..الله يستر ...

تقبلي مروري ..
رغوووووودة ...

[آيـة محمد]

المشاركة الأصلية كتبت بواسطة هيبة ملاك مشكورة يآقلبي طيب عندي سؤآل يمكن تعرفي إجآبتو إزآ دخلنآ إدآرة آعمآل إنتظآم درآستنآ بتكون برابغ؟ إزآ برآبغ ينفع نحول لجدهـ؟؟

سمعت وحدة تسال عن هادا الموضوع والجواب هو انو الانتظام بإدارة الاعمال حيكون بجدة ..وسمعتها عالماشي مو متأكدة ..ياريت وحدة راحت اليوم وسالت تجاوب عليكي

[آيـة محمد]

المشاركة الأصلية كتبت بواسطة *زهرة السوسن* يعطيكي العافية

الله يعافيكي

[آيـة محمد]

المشاركة الأصلية كتبت بواسطة pink-22 ألـــــــــــــــف شكـــــــــــــر يا ايه مااااقصرتي<<بس الحمدلله انا كمان روحت اليوم وحولت لكلية الاداره والاقتصاد الحمدلله

نفس الشي بالزبط ،،،
حولت إدارة واقتصاد الحمدللة شكلي كدا شفتك وكلمتك :)