مسآعده > أفضل مدآرس أهليه بجده ( ثآنوي )

[Daniaa.]

المشاركة الأصلية كتبت بواسطة eng.soul وبعدين ترى مين قالك إن الحكومي الكتاب كله

انا كنت في حكومي ,, كنا نحفظ الكتاب كللللللو
بس حلو يعني .. تحس نفسك عملت انجاز

طيب أرتآح في الثآنوي وأخلي التعب للجآمعه :(

لا بالعكس .. تتعبي من دحين عشان لمن تدخلي الجامعة ما تنصدمي
اصلا التعب دا اللي تتكلمي عنو,, بس تخصلي السنة و يبدأ الصيف تنسيه ..

[Eng.SouL]

المشاركة الأصلية كتبت بواسطة daniaa. انا كنت في حكومي ,, كنا نحفظ الكتاب كللللللو بس حلو يعني .. تحس نفسك عملت انجاز

المواد العلمية كنا نكتب في الدفتر من السبورة ..
والمواد الأدبية كنا نخطط في الكتاب نهاية كل حصة أو قبل الإختبار النهائي يحط حصة كاملة للتخطيط
وبعض المدرسين يعطوننا ملخص بالأوراق ..

يمكن تفرق مدرسة عن مدرسة.. لكن المدرسة اللي كنت أنا فيها كانت من أفضل المدارس
والطلاب اللي فيها أعتقد إنهم من أفضل طلاب جدة ما شاء الله عليهم - طبعاً أنا أتكلم عن نسبة كبيرة منهم وليس الكل - .. فكنا نضبط المدرسين صح


أنصحك أخت غادة تروحين لثانوية مطورة - بنظام الساعات - أنا درست فيها وكانت ممتازة جداً
تدرسين 6 - 7 مواد في الترم الواحد فقط .. وهي مثل نظام الجامعة تماماً
فإذا تخرجتي منها راح تكونين مؤهله تماااماً على نظام الجامعة وراح تتأقلمين عالجامعة في أول اسبوع بعكس الباقين اللي راح يكون شي جديد عليهم
ومن ميزات النظام هذا إنك انتِ تسوي جدولك بنفسك .. تختاري المدرسة ووقت الحصة والمواد اللي تبين تاخذينها وكل شي.. وبهذي الحالة تقدرين تختارين المدرسات الممتازات، وإذا نزلت مادة فيها مدرسة مو كويسة تقدرين تأجلين المادة للترم اللي بعده وراح تنزل المادة عند مدرسة ثانية
والمدرسة اللي ما ياخذ عندها طالبات كثير راح تنجبر إنها تصير طيبه وتلخص لكم كثير وتساعدكم .. وهالطريقة مجربة وهالنظام ناجح ولله الحمد وكل سنة تزيد المدارس اللي تمشي على هذا النظام وخلال السنوات القادمة مادري متى بالضبط راح يكون هذا النظام في السعودية كلها
وإذا عجبك نظام المدرسة قوليلي وبإذن الله راح أعطيك شرح كامل عنها ..

[Daniaa.]

Eng.soul

الكلام اللي قولتو دا بالنسبة لمدرستك ... انا كنت في مطورة " ال 27 "

هوا نفس النظام من5-7 مواد بالترم و الاختبارات مو كل يوم زي النظام العام
بس حكاية انو انا اختار المدرسة وانا اللي ازبط جدولي والمواد ومدري ايش ...ابدا ولا شي
وكانو مشددين مرا على حكاية الملخصات دي...لو تموت قدامهم مااااااافي تلخيص الا ازا كانت وحدا يناسو عليها
غير الواجبات و الانشطة والابحاث والمشاريع اللي تطلع عيونك...بس برضو كلو في مصلحتك

وعن جد زي ماقال ,, مرا حتستفيدي لو دخلتي النظام دا,, صح حتتعبي وتكرهي عمرك " بتكلم عن ال27 " بس انتي المستفيده في النهاية

بتكلم عن مدرستي واللي شوفتو مدري عن المدارس التانية كيف

[Eng.SouL]

المشاركة الأصلية كتبت بواسطة daniaa. eng.soul الكلام اللي قولتو دا بالنسبة لمدرستك ... انا كنت في مطورة " ال 27 " هوا نفس النظام من5-7 مواد بالترم و الاختبارات مو كل يوم زي النظام العام بس حكاية انو انا اختار المدرسة وانا اللي ازبط جدولي والمواد ومدري ايش ...ابدا ولا شي وكانو مشددين مرا على حكاية الملخصات دي...لو تموت قدامهم مااااااافي تلخيص الا ازا كانت وحدا يناسو عليها غير الواجبات و الانشطة والابحاث والمشاريع اللي تطلع عيونك...بس برضو كلو في مصلحتك وعن جد زي ماقال ,, مرا حتستفيدي لو دخلتي النظام دا,, صح حتتعبي وتكرهي عمرك " بتكلم عن ال27 " بس انتي المستفيده في النهاية بتكلم عن مدرستي واللي شوفتو مدري عن المدارس التانية كيف

انا عن نفسي درست في مدرسة متوسطة كرهتني الدنيا
كرهت شي اسمه مدرسة وأغيب كثير ولا أذاكر،، وأذكر إني تضاربت مع مدرس وانا بثالث متوسط من زود كره الدراسة والمدرسين..
لكن يوم دخلت الثانوية صرت أحبها أكثر من بيتي وأتمنى إني أجلس فيها وما أطلع
عرفت مدرسين مميزين.. وتعرفت على طلاب صاروا أكثر من أخوان لي
وبالنسبة للجدول،، أنا درست في ثانوية عرفات وفي الصيفي درست في ثانوية أم القرى
في الثانويتين كلها كنت اسوي جدولي بنفسي واختار كل شي في الجدول ..
وبالنسبة للبحوث،، كنت ناسيها تصدقين لأني درست صيفي مرتين وخلصت كل المواد العلمية والمواد الصعبه من بدري، وألغوا الإختبار النصفي وانا في ثالث، فما عشت هالوضع لوول
لكن البحوث راح تساعدها كثير في الجامعة لأن الجامعة فيها بحوث .... فراح تكون الثانوية المطورة تعطيها تأهيل كبير جداً لحياة الجامعة ..

[MeeNo92]

المشاركة الأصلية كتبت بواسطة eng.soul ا في الثانويتين كلها كنت اسوي جدولي بنفسي واختار كل شي في الجدول .. وبالنسبة للبحوث،، كنت ناسيها تصدقين لأني درست صيفي مرتين وخلصت كل المواد العلمية والمواد الصعبه من بدري، وألغوا الإختبار النصفي وانا في ثالث، فما عشت هالوضع لوول لكن البحوث راح تساعدها كثير في الجامعة لأن الجامعة فيها بحوث .... فراح تكون الثانوية المطورة تعطيها تأهيل كبير جداً لحياة الجامعة ..

حتى احنا قسم الأولاد في مدرستنا كانو يقدرو يعدلو جداولهم وياخذو صيفي وكل شي .. بس البنات للأسف ماا عندهم الميزة هذي .. جدولهم ينزللهم .. نقدر طبعا نروح للإدارة نقلهم انو ما نبغا المادة هذي نبغا ننزل مادة ثانية .. بس لازم الصف كلللو يكون موافق مو كل بنت لحالها

المشاركة الأصلية كتبت بواسطة ǁ غــلأآإ ، رٍوٍحــي ǁ ^^ < تتأكد من المنتدى لجآمعه عبدالعزيز .. ولآ وزآره التربيه التعليم

سوري غلا تحمسنا :$

[MeeNo92]

المشاركة الأصلية كتبت بواسطة eng.soul متى يمديهم يذاكرون ولا ياكلون ولا ينامون وبعدين ترى مين قالك إن الحكومي الكتاب كله

أنا معاك في هالنقطة ..

مدري عن جدة .. بس عندنا في الدمام كانت مداارس الحكومة ثلاث ارباااعها تخطييط وملاازم

وأنا مدرستي مع انها اهلية , والحمدلله معروفة في الشرقية واي احد تسألي عنها يعرفها ..

كنا لاازم نذاااكر كللللللللللل شي

ما كان في شي اسمو ملازم , ولا تلخيصات , ولا ذااكري هالكم ورقة وتنجحي

ما كان كذة .. كنا ندخل الإختباار مذاكرين كل شي ومو مخطط لنا شي ..

وكمان انا كنت مطور فكاانو مشدديين علينا مرة ..

كنت اتذمر من هالنقطة .. بس دااخل نفسي عارفة انها راح تفييدني للجامعة

وطلع صح كلامي , لأنو صاحباتي اللي كانو في مداارس " التخطيط والتلخيص والدف " من الدفعة اللي قبلي , اتبهذلو مرررررررررررة في الجامعة وتعبو .. اما اللي كانو في مدرستي , مرررة كانت سهلة عليهم السنة التحضيرية , سوااء في الشرقية او الريااض ..

صدقيني انصحك نصييحة .. لا تقولي ارتاح دحين واتعب بعدين في الجامعة لاحق ..

ترا السنة التحضيرية فرصة ماا تتعوض , خليكي جااهزة لها ..

ما حيكوون في قدرات وتحصيلي يخرب عليكي .. ما دام انها نفس اللي درسناه في الثانوي , شدي حييلك في الثاانوية وارتااحي بعدين في الجامعة

هذا راايي .. والله يوفقك فين ما رحتي وايش ما اخترتي

المشاركة الأصلية كتبت بواسطة daniaa. eng.soul الكلام اللي قولتو دا بالنسبة لمدرستك ... انا كنت في مطورة " ال 27 " هوا نفس النظام من5-7 مواد بالترم و الاختبارات مو كل يوم زي النظام العام بس حكاية انو انا اختار المدرسة وانا اللي ازبط جدولي والمواد ومدري ايش ...ابدا ولا شي وكانو مشددين مرا على حكاية الملخصات دي...لو تموت قدامهم مااااااافي تلخيص الا ازا كانت وحدا يناسو عليها غير الواجبات و الانشطة والابحاث والمشاريع اللي تطلع عيونك...بس برضو كلو في مصلحتك وعن جد زي ماقال ,, مرا حتستفيدي لو دخلتي النظام دا,, صح حتتعبي وتكرهي عمرك " بتكلم عن ال27 " بس انتي المستفيده في النهاية بتكلم عن مدرستي واللي شوفتو مدري عن المدارس التانية كيف

صح كلامك 100%

وزي ما قلت انا كنت مطورة واهلية بس نفس نظاامك .. اوف ذكرتيني بالمشاريع