أهل التسويق ، أهل النظم ، أهل العمليات ، سؤال عن مواد من فضلكم (انتظام) ..

[.,.نيــــــــــــــــــــران.,.]

حايسة بدنياي الله يسعدك على افادتك لي ماقصرتي :)

طيب ادارة قواعد بيانات كيف طريقة اسلئة استاذة ريم النظري؟
وكيف كان الاختبار العملي عبارة عن ايش؟


ولو كان عندك ادارة قواعد بيانات وتجارة الكترونية تختاري ايات فيهم؟

[حايسه بدنياي]

كتبتلك كلام مرا كثييييييير وفجأه طار وين مابعرف
بس لعيونك راح ارجع اعيده وان شاء الله افتكر اللي كتبته
انا راح اكتبلك اللي افتكره بالتفصيل الممل وانتي قرري
بالنسبه لماده قواعد بيانات الاختبار الاول كان عبارة عن صح وخطأ بدون تصحيح واختياري وسؤال صلي ( للمعلومية الصلي كان عبارة عن كلمات بالانجليزي توصلي لمعناها بالعربي او الكلمة بالانجليزي توصلي لتعريفها بالعربي ) واخر سؤال كان عبارة عن فراغات امممم اتوقع مو اكثر من 5 فراغات
,,,,,,,,,,,,,,,,,,,,,,,,,,,,,,,,,,,,,,,,
اما بالنسبة للاختبار الثاني فهو عملي .. طبعا راح تعطيك الاستاذة ريم ورقه مكتوب عليها الخطوات المطلوبة منك عشان تطبيقها ع البرنامج .. وراح تطبقي ع برنامج الاكسس الخطورات خطوه بخطوه .. اممم يعني مثلا ممكن تطلب منك بالبداية انشاء جدول وتكتبي بداخله البيانات المطلوبه وتنشئي المفتاح الاساسي وتعملي العلاقات وتعملي نموذج وووالخ
الاختبار متوسط الصعوبه بس اذا كنتي شاطره بالمرا في برنامج الاكسس اتوقع راح تلاقيه سهل جدااا بس نصيحة لك لو ماعندك اي خلفية عن البرنامج خذي لك دورة في الجامعة لان الاستاذة لما راح تشرح لك البرنامج راح تشرحه شرح سريع وغير مفصّل وراح تعاملك ع انك طالبة نظم ومن المفروض انه عندك خبرة في هالبرامج
,,,,,,,,,,,,,,,,,,,,,,,,,,,,,,,,,,,,,,,,,,
اما بالنسبة للاختبار النهائي كان عبارة عن صح وخطأ بدون التصحيح واختياري وسهل جدااااا بس كان في سؤال شوي صعب وهو انك ترسمي قاعدة بينات وتححدي المفاتيح الرئيسيه بس طبعا ع الورق مو ع جهاز الكمبيوتر وهيا راح تكتبلك المعطيات بس انا ماتوقعتها تجيبه عشان كذا ماتدربت عليه بس هو اصلا راح تطلب منك تكليف انك تسوي قاعده بينات ع برنامج الاكسس وتعملي هالرسمة لو اخذتي المادة راح تفهمي وش اقصد لاني مو عارفة اوضحلك
,,,,,,,,,,,,,,,,,,,,,,,,,,,,,,,,,,,,,,,,,
نجي لمادة تجارة الكترونية انا بصراحة في البداية حسيت المادة مرا تطفش وغلسة وملخبطة فيها والدكتور كان يخربط شوي بس بعدين حسيتها مو بطالة يمكن الاختبار الاول هو كان اصعب شوي لانه ماكنا عارفين صيغة الاسئلة واضطرينا اننا نحفظ عشان التعدادات كثيره بس عموما هوا دخل بس فصلين معانا يعني ماكان كثير اما الاختبار الثاني والنهائي كانو مرا سهله وتعتمد المذاكره فيهم ع القرائه بتركيييييز وفهم بدون حفظ ووضحتلك قبل كيف كانت الاسئلة والتكليف عباره عن بحث في حدود 15 او 20 صفحه من النت او من اي مرجع ثاني يعني سهل وواضح ومايبغاله شي
انا عن نفسي بصراحة اختار ماده تجارة لانها مايبغالها اي خبره في الحاسب وكمان ماتعتمد ع الحفظ يعني اغلبه ع القرائه بتركيز بس انتبهي انا اخذت المادة مع دكتور محمود الزيود يعني ممكن لو اخذتيها مع اي استاذ ثاني تختلف طريقته في الاسئله والتكاليف
..................................... وفي الاخير القرار يرجعلك عشان ماحط بذمتي شي
سوري تكلمت كثير بس عشان حبيت اوضحلك الصوره وترتاحي

[حايسه بدنياي]

متأكدة ياقلبي ان رمز اقتصاد دولي econ 320 ؟؟
والله تلخبط لان في بنات قالولي econ 102