أي استفسار عن إدراة وتنظيم موارد بشريه هنا على طووووول بدون تردد :)

[حبي لذاتي قمة أولوياتي ~]

المشاركة الأصلية كتبت بواسطة bombom girl انا حالتي من جد حاااااااااااالة معدلي اول مادخلت كان 4.03 وبدا ينزل لين سار 3.77 والصيفي اخدت الي فات ار 3.76 والحل انا طالعة سنة 3 ومرا نفسيتي زبالة الله يكرمك من جد حالتي بابلا اخاف ينزل كمان ومو عارفة الحل حاخد الترم الجاي الي هوا الخامس ادارو عمليات ادارة موارد بشرية تخطيط وتمنية موارة بشرية ثقافة 2 مقرر اختياري ومقرر حر تنصحيني بايت استازات وايش الحر والاختياري بجد ابغى ارفعو مرا مستائة بليز ساعديني ولعلمك انا سمي وموتي الحفظ بس ربنا حطني واختارلي دا المجال من يوم مابدينا حفظ بجد وانا كلو c+ ابغى مادة اختياري تكون مسائل وتكون حلوة يعني مالية دولية او مالية شركات 2 كيف حلوين يعرفو ولا ينزلو وازا يرفو مع مين وازا في غيرهم مسائل حلوين قوليلي دا بالنسبة للاختياري نجي للحرة اديني كزا خيار عشان لو مالقيت دا احط دا ومع مين وغيركدا مالية شركات 1 اخدتها مع سحر مهران ادتني 75 ومو عارفة لي مع اني حليت والمادة عبيطة والاستثمار اخدتو مع محمود الزيود اداني 80 تخيلي الدوري الاول كويس مافي دوري تاني في بحث والنهائي 15 اختياري وسؤال اخير فقراتو عبيطة بس 4 تخيلي وكل الاختبار علي 30 كيييييييف كدا في بنات اخدو 90 بس شكلو من بحثي انا اصلن دايمن احل وبالاخير ماجيب معرف مني ولا من التظليل اما نظم معلومات اخدتها مع منى الرفاعي الله يجازيها اسئلة زفت وماصححت اوراقنا جابتها بالكلاس احنا نصححها وبالاخي اداتني 70 11 درجة بالنهائي طارو فين معرف مساعدتك بليز

حأخد الترم الجاي الي هوا الخامس
إدارة عمليات << مع خديجة ضباب أسئلة سهللللللللللللللللللللة بس شدي همتك دوري اول موووية مسائل وحركات وحفظ مرره واضح وصح وخطأ دوري
ثاني شوي معقد والناهئي مكرر مصطلحات وصح وخطأ ومسائل 3 يعني حتعجبك المادة
ادارة موارد بشرية >> مع ريم مشاط وبس
تخطيط وتمنية موارة بشرية >> ريم مشاط وبس إذا فيه ولو فيه غير حياة صوفي قولي أسمها واقولك يس او نووو
ثقافة 2 >> من دون كلام مع تهاني رجب ياقلبي عليها الله يوفقها وين ماتروح أنسانة راقية جداً
مقرر اختياري >> أخلاقيات عمل مع هيفاء حسين ، تسويق دولي مع جيهان فكهاني ، نظام سياسي سعودي مع أمل عرب
ومقرر حر << إدارة مدرسية مع سهام المرزوقي ، صحة نفسية مع خديجة مشهور ، نظام تعليم عن بعد مع سهام مرزوقي وانتي مغمضمة امتياز وفيه فن الإقناع مع
انمار المطوع ( رجال )
تنصحيني بايت استازات وايش الحر والاختياري
جاوبتك ياعسل
بجد ابغى ارفعو مرا مستائة
راح ينرفع بجنوووون
مالية دولية خذيها وانا أدبي جبت فيها 92 حلووووووووووة مع سحرمهران وبس مالية شركات 2 ماأعرفها ابداً جديدة شكلها
فيه مادة اختياري تحليل إحصائي كلها أرقام وقوانين وكذا بس لازم تاخذي دورة في كلية إقتصاد وإدارة ب400 على ماأتوقع
اهم شيء مافيه شيء يستاهل زعلك هوني وتهووووون
دعواتك ياقلبي ربي يرزقني باللي يرضي قلبي
لاتترجي أحد انا معاك قلباً وقالباً أي شيء تبغيه بس تعالي هنا واسألي :)