تعرف ع بنات الصيدله الجدد

[مشمشانا]

بنوتات ايش رايكم نتقابل بكرة عند مبنى كلية الصيدلة الساعة 9 او 9.30


بالنسبة للبوابة الاقرب اعتقد اللي من عند المستشفى الجامعي ..

[ميعاد]

ايييوه صح من وييين نرووح للكليه من بواابة الطيير وبعديين فين نرووح ,

بنوتات ايش رايكم نتقابل بكرة عند مبنى كلية الصيدلة الساعة 9 او 9.30

اوكي ان شاءالله بس فين في الكليه ..

وكييف حنعرررف بعض /:

[مشمشانا]

عند بوابة المبنى

اممممم

بكرة باذن الله بكون لابسه شنطه بيج فيها وردة ع جنب

[Dr.HMD]

اهلين ياحلوين

انا اللي اعرفه من عند بوابة الطير نمشي على طول وعلى يدنا اليمين مبنى على مااذكر 3 او 4 مكتوب كلية الصيدله

بس في دورة teach me medicine

لما دخلنا الكليات الطبية كان مبنى الصيدلة 11
وكمان دكتوره سوما الله يسعدها قالت انه ال محاضرات في مبنى 11 فاذا كان هو ذا المبنى من وين ندخله ؟؟؟

[sooma]

جيراننا كلية العلوم الطبية الله يسعدهم حطو الموقع بالتفصيل

كنت أحاول أسوي لكم موضوع مخصص .. بس اعذروني لاني من الجوال أكتب ما عرفت :$

شوفو الموضوع وأي سؤال انا حاضرة

http://www.skaau.com/vb/showthread.php?t=97872

مممم بالنسبة لسؤالكم عن بوابة الطير
أول ما تدخلي
أول لفة يمين ( شارع المستشفى )
بعدين أول لفة يسار ( على يسارك عمادة سكن الطلاب )
وتمشي طوالي (جهة المواقف)
حتلاقي البوابة قدامها دوار (بوابة غربية طب )
بعد كده حتمشي في وسط الجامعة
حتلاقي قدامك مبنى 9 .. تمشي يسار وتخليه على يمينك المبنى
حتلاقي أول لفة يمين تدخليها ( قدامك درج )
تمشي هناك حتلاقي كلية الأسنان على يسارك
وكلية الصيدلة قدامك بالزبط
حتدخليها من جهة اليمين

وبس يارب يكون كلامي واضح ..
أكتبوه عندكم في نوت وأمشو عليه ويااارب أكون وفيت في شرح الطريق

[Dr.HMD]

تسلمين ياقمر تعبناكي معنا

ربي يسعدك ويوفقك
ويجعلك في كل خطوة سلامه <<< مصريه هع

[ميعاد]

المشاركة الأصلية كتبت بواسطة sooma مممم بالنسبة لسؤالكم عن بوابة الطير أول ما تدخلي أول لفة يمين ( شارع المستشفى ) بعدين أول لفة يسار ( على يسارك عمادة سكن الطلاب ) وتمشي طوالي (جهة المواقف) حتلاقي البوابة قدامها دوار (بوابة غربية طب ) بعد كده حتمشي في وسط الجامعة حتلاقي قدامك مبنى 9 .. تمشي يسار وتخليه على يمينك المبنى حتلاقي أول لفة يمين تدخليها ( قدامك درج ) تمشي هناك حتلاقي كلية الأسنان على يسارك وكلية الصيدلة قدامك بالزبط حتدخليها من جهة اليمين وبس يارب يكون كلامي واضح .. أكتبوه عندكم في نوت وأمشو عليه ويااارب أكون وفيت في شرح الطريق

قرااته اكثر من مرره مو قاادره اركز وللاسف ماافهمت شي لكن انا حطبعه وحعطيه ابويا , وان شاءالله نوصل المكاان الصح..شكرا سوما ..

[sooma]

لا تعب ولا حاجة :)

ميعاد اناتوقعت انكم ما تفهموني بس ياويلي من بابتك كمان لو مافهم
طيب شوفتي الخريطة اللي حطوها البنات وريها بابتك

وبالنسبة لداخل الجامعة اقرأي اللي مكتوب وشوفي الخريطة كيف تمشي
وخللي الورقة معاكي لما تدخلي
حتلاقي كل شي واضح ان شاءالله

على فكرة ميعاد ما عندك رقمي ؟؟
لو عندك اتصلي علي الصباح عااااادي اوكي :)

[مشمشانا]

الناس اللي جاية مع سواق تنح ايش تعمل همممف

شكلي كدا راح احوس حوسة خصوصا يا سوما اني ما فهمت شي لووووووووول

[miss.иάdσ]

إش هيّا بوابة الطير ؟