مالية شركات مع الفضلي

[ROMANILO]

المادة لها كتاب قديم 1000 صفحة تقريبا ههههههههه
لكن مافي ولا طالب في الجامعة كلها اشترى الكتاب

حتى الدكتور قال لنا لا تشتروه


و الأوراق الي يعطينا هيا الدكتور مصورة من الكتاب نفسه
و لو فهمتها كويس ما تحتاج لا كتاب ولا ملخص ولا شي

يعني الدروس الي تحتاجوها من الكتاب
الدكتور يصورها و يعطيكم هيا

أهم شي خلي عندك ملف خاص بالمادة
و جمع فيه كل الأوراق الي تخصها
و رقمها بالترتيب عشان لا تتلخبط مع بعض


و ترى المادة لو كنت مركز من البداية و فاهم راح تشوفها ماده حلوة و مسلية
أنا قبل الإختبار الأول كنت أكرهها و أشوفها صعبة

لكن شوية شوية لما فهمتها وركزت فيها
صرت استمتع فيها و أحل مسائل و أنا مستمتع والله


لما تحل المسألة صح تحس كأنك كنت تلعب مباراة نهائية صعبة و فزت فيها
و تحس بفرحة الفووووز <<<< كيف التشبيه


الكمي 2 سهل
و هذه سهل لو كنت فاهمها

و ميزتها عن الكمي 2 ان منهجها أقصر


و أي استفسار انا جاهز

و ترى عندي ملف المادة كامل و معاه أوراق و تمارين وأسئلة أخذتها من مدرس خصوصي
إذا تحب أعطيك هيا أنا حاضر