طلب من بنات اشعه سنه ثالثه

[Amal.S.A]

طيب أكمل لكم بشكل سريع باقي المواد .. وطلعت اللي باقية 4 مو 3 > ياللهول ..
دوبني أستوعب انو مواد الترم الأول كانت 8 ..

المهم فيه مادة اسمها medical ethics هذه من نوع المواد اللي تكون في الجيب .. سهـلة جدا زي مهارات الاتصال..
بس اهم شي الحفظ يكون بتركيز عشان أحيانا في الصح والخطأ تصير لخبطة ..

فيه مادة كمبيوتر بس طبعا خاصة بأجهزة الأشعة والله اني ناسية ايش اسم المادة بالضبط ..
المهم انها حلوة .. واحنا كانوا يدونا هيّ المعيدين مدري انتوا كيف لأنو المعيدين أغلبهم اذا مو كلهم سافروا ..
وطبعا مذاكرتها تكون من السلايدات ..

ومادة فيزياء الأشعة هذه يبغالها شدة حيل شوية .. واذا د حنان تدرسكم ترى تجيب الأسئلة حقت الميد تيرم سهلة لدرجة تقولوا بنجيب ال100 واحنا مغمضين .. بس الفاينل يجي شوية عجيب .. والمسائل حاولوا قد ماتقدروا تطلعوا منها كل الأفكار .. وقوانين الرياضيات لاتنسوها لأنو برضو تدخلها عرض مع الفيزياء ..

مادة الراديوبايولوجي عاد هذه احمدوا ربكم واسجدوا سجود الشكر انو الدكتور محمد عبدالرحمن ماراح يدرسكم هيّ .. والمادة مررررررة ممتعة .. وعاد مااقدر أتكلم عليها لأنو الدكتور اللي كان يدرسنا كان شي مرض اعطانا نسخة من كتاب وكمان نذاكر من سلايديات وفوق هذا كله مايجي الا شوية والباقي يطلع الأسئلة من النت ..بس ان شاء الله يجيكم دكتور كويس لأنو المادة من جد رائعة ..


وهذا باختصار كل شــي ..
وزي ماقلت لكم ..شدوا حيلكم من البداية عشان ترتاحوا بعدين ..

[crazy chance]

مواد سنة ثانية اشعه الفصل الاول:
1) علم التشريح للا شعة anatomy
2)اللغة العربية (1
3)الثقافة الا سلا مية (1)
4)علم وظائف الا عضاء physiology
5)فيزياء وأجهزة الا شعة السينية x-ray physics & equpment
6)الحاسب الآ لي و طرق التصوير Computer & Image Modalities1
7)الوظائف الحيوية والوقايةمنالا شعةradiobiology&radiation protection
8)أخلاقيات المهنة والعناية بالمريض ethics &patient care

[_maraim_]

ربي يعطيك العافيه Amal .s.a
افدتينا باموور ممكن نتفاداها بهالترم ..
وان شاء الله موفقين ...
طيب ياليتك توضحي لنا اموور الكتب والشيتات اللي راح تنزل .. وايش اللي يحصل
سمعت من بنات تانيين .. انو بس نشتري كتب التخصص لانو راح نستفيد منها
بس المواد العامه ماله داعي ناخذها ..
انتي شنو رايك ؟؟ ودا صحيح ؟

ماشاء الله التفاعل حلوووو ..
نستنى بقية البنات وتجااااربهم :)

[Amal.S.A]

المشاركة الأصلية كتبت بواسطة _maraim_ ربي يعطيك العافيه amal .s.a افدتينا باموور ممكن نتفاداها بهالترم .. وان شاء الله موفقين ... طيب ياليتك توضحي لنا اموور الكتب والشيتات اللي راح تنزل .. وايش اللي يحصل سمعت من بنات تانيين .. انو بس نشتري كتب التخصص لانو راح نستفيد منها بس المواد العامه ماله داعي ناخذها .. انتي شنو رايك ؟؟ ودا صحيح ؟ ماشاء الله التفاعل حلوووو .. نستنى بقية البنات وتجااااربهم :)

يعافيك ربي مرايم ..
أغلب الظن انو مافي كتــب الا اذا غيروا طريقتهم في التدريس..
بس الاناتومي اللي يحتاج له كتاب .. وحتقول لكم الدكتورة عليه ..
والشيتات الدكتور أو الدكتورة بتعطي الليدر حقتكم نسخة وتروح الليدر تحطها في (الكوبي سنتر)
وأقرب واحد لنا في مبنى 11 حق الصيدلة ..المهم تاخذوا نسخ مصورة من هناك ..
وزي ماقلت لك احنا مااخذنا كتب لا مواد وتخصص ولا غيره ..
اللي يحتاج له كتب عربي وثقافة واناتومي بــس ..
وموفقيـــــــــن ..