رساله أو مشروع

[nectarرحيق]

السلام عليكم ورحمة الله وبركاته
لمن رحت للحذف والأضافه كان في خانه تحديد نوع الدراسه وطلبت مني مرشدتنااحدد على المشروع لان لسه ماعندي فكره عن دراسة الماجستير قلتلها انا بدي رساله لأن عرفت انو المعيدات لازم يكونو رساله قالت ايوه بس انتو مو معيدات لمن تعرفي الوضع قرري سألتها يعني حقدر احول بعدين عادي قالت عادي
وحطيت مشروع
المهم اتصلت على دكتوره في كليتنا قالت هما يحاولو قد مايقدرو أنو يوفرو دكتوراتهم لمناقشة الرساله لطالباتهم(بنات الجامعه) وللمعيدات فلو ماسجلتي من دحين ممكن الدكتورات مايرضو تحويلك لانهم مومتفرغين
حاولي من دحين تعمليها رساله
فلو سمحتو هل كلام مرشدتنا صحيح يمديني أحول بعد المواد التكميليه ولادبستني في المشروع
وسوأل تاني هل المشروع أقدر أكمل بعدودكتوراه
ولمين أقدر ألجأعلشان ينصفني وأحدد الي أبغاه

[جديدة في جامعتكم]

للرفع

[الدرروالحور]

للرفع

[الفجر الاحمر]

تراكي بتندمين اذ اخذتي مشروع لانه لا يمكن اكمال الدكتوراه بالمشروع
وصدقيني لو كانت الرساله موضوعهافي المريخ الله سبحانه يسهل جمع الماده العلميه لانك في طريق يحبه الله وهو العلم
فلا تضيعي نفسك وخذي رساله حتى لو حطت قدامك اعذار ترى بعض الدكاتره الكذب عندهم تخصص اهم شئ يريحون دماغهم وبالتوفيق
نصيحه من وحده سألت عن الامر بكليه الاداب

[nectarرحيق]

الله يعين اروح اتفاهم معاها
بس سؤال الاختيار يكون من دحين ولا بعد التكميلي هيا حاليا حطتني مشروع
ومشكورين بنات

[همس المشاعر]

الممشروع تقدر تكمل دكتوراة

[ayat@]

السلام عليكم ياريت اللي يعرف يفيدنا عشان نقرر من بدري
اخت يا رب أسالك التوفيق ما اقدر اردلك عالخاص لانه عدد مشاركاتي ما يسمح لي

[دفق العطاء]

دراسة الماجستير بنظام المشروع يحق فيها تكملة الدكتوراه ، أنا أدرس الماجستير التربوي هنا في الجامعة بنظام المقررات والمشروع البحثي ، والطالبات والطلاب اللي تخرجوا قبلي من القسم انقبلوا دكتوراه في جامعات المملكة وأيضاً خارج المملكة ..وأقرب شيء عندك هنا في المنتدى د.عماد الحسن تخرج من الماجستير بنظام المشروع من هنا في الجامعة ، وانقبل ماشاء الله هذه السنة دكتوراه في كلية الآداب قسم علم المعلومات .
لكن بالنسبة لنا في قسمي هو مجرد اسم إنه الماستر بنظام المشروع البحثي لكن الشغل والنظام المتبع في إنجازه حتى مناقشته نفس نظام وتعب الرسالة بنقعد نشتغل فيه سنة دراسية كاملة ..لو تشوفين البحث في الآخير ماتفرقين بينه وبين الرسالة ..هذا وإحنا ندرس مقررات مع إنجاز البحث في نفس الوقت مو متفرغين فقط للبحث مثل اللي بنظام الرسالة ..لكن الحمدلله الله يعين .


بالتوفيق