مادة ليست من متطلبات كليتي

[mo0onymo0on]

أهلين ياحلوين؟؟

عندي استفسار أنا كنت مسار اداري وحولت مسار علمي

وطبعا اللي يحول مسار علمي لازم يدرس مادة وحدة بس علمية

ونزلولي مادة فيزياء

وأنا ابغا ادرس مادة الكيمياء والأحياء كمان بس مهي من متطلبات كليتي

سؤالي: كيف أقدر أدرس هالمادتين ؟؟

في حل؟؟

[mo0onymo0on]

^_^.......................................^_^

[بحر الحرية]

طيب لا تعصبي

ااااممممم

طيب المادتين دي إزاا تبغيهاا يعني ما تقدري تاخديهاا كمواد حرة يعني ولا إيش بالزبط؟؟

وايش السبب اللي تبغي تنزلي المواد يعني، تبغي ترفعي المعدل، ولا انتي كويسة فيهاا ولا ايش بالزبط..

ياريت توضحي استفساارك أكتر..

موفقة يااارب؛؛

[mo0onymo0on]

بصراحة انا ابغا ادرس هالمادتين عشان اقدر احول عالكلية الصحية

والمسؤولة اللي سوتلي الجدول اخلاقها مرة عالية فالواحد مايقدر يتفاهم معاها

وحسب اللي قدرت افهمه منها انه ما اقدر ادرس دي المواد ومني عارفة اذا هي تصرفني ولا من جد

ومررررررررررة يهمني ادرس دي المواد فسؤالي هل اقدر ادرسها كمواد حرة ؟؟ ولا لأ

ولا لازم اقدم طلب ادرسها كطالب زائر ؟؟

بصراحة انا ما اعرف شي عن الطريقة اللي اقدر فيها اخليهم يسمحولي ادرس هالمادتين ؟؟

فياريت تساعدوني ...

[بحر الحرية]

أهلين أختي..

بحسب اللي بعرفوو ف كليتنا، إنوو عند كل طالب من طلاب النظام الجديد اللي بالتحضيري 6 ساعات مواد حرة، والفيزياء والكيماء وانتي طالبة ف الاقتصاد والادارة تعتبر مواد حرة لأنها من خارج الكلية ومو من المواد الاختيارية للقسم الإداري..

لكن هل لو أخدتيهاا تقدري تحولي ولا لا، دي ما حقدر أفيدك فيهاا، لازم تتأكدي منهم هناك أفضل، ولازم تتأكدي قبل تاخديهاا إنهم راح يحولوكي لو أخدتيهاا..

موفقة يااارب؛؛

[mo0onymo0on]

مرة شكرا أخي على ردك ومساعدتك
ويارب يوفقك انت كمان
وبكرة بسألهم اذا اقدر احول او لأ