الهم الانقلش

[طامحه للرقي]

سلاموووو
حبيت اسأل عن بشر ناس تعرف تشرح للانتساب لغه انجليزيه لاني بتخرج ياعالم والانقلش مجنننني وشكرا لكم

[خالد الفقيه]

ايش الماده اللى تبغيها بالضبط عشان نساعدك ,,

اذا تتكلمي على ادارة اعمال بالانجليزي او موارد بشرية بالانجليزي

ما يبغالها شرح ,, يبغالها شوية حفظ ,, وحل اسئلة لسنوات سابقه ,,

ربنا يوفقك ,,

[ضحايا الصمت]

اختي زي ماتفضل الاخ خالد ... وضحي طلبك وابشري


بس قولي ايش اسم المادة وايش المشكله الي بتواجهيها فيها وان شاء الله الجميع ماراح يقصرو معاكي



بالتوفيق يارب

[Joey Tribbiani]

اذا كان قصدك مادة اللغة الانجليزية نفسها احنا حاضرين , اما الموارد البشرية بالانجليزي او التسويق او ادارة الاعمال على حسب دكتور المادة ومنهجه لكن اغلبهم يجيب اسئلة اختبارات سابقة وكلمات للحفظ , ادارة الاعمال بالانجليزي جانا فيها سؤال مقالي لا يقل عن 100 كلمة اضافي .

[طامحه للرقي]

أنا أقصد اللغه الانجليزيه المستوي الاول لانه والله قربت اتخرج والمستوي الاول لسه مااخذته ولسه باقي مستوي ثاني وباقي مادتين بالانقلش وشكرا لكم

[ضحايا الصمت]

المشاركة الأصلية كتبت بواسطة طامحه للرقي أنا أقصد اللغه الانجليزيه المستوي الاول لانه والله قربت اتخرج والمستوي الاول لسه مااخذته ولسه باقي مستوي ثاني وباقي مادتين بالانقلش وشكرا لكم

الله يهديكي وبس .....

الان انتي مستوى سابع وباقي ما اخذتي ولا وحده فيهم ؟؟

على كدا انتي حيتاخر تخرجك كم ترم بسبب المواد هدي .... لازم تاخديها الترم هدا لانه اربعه مواد متطلبات لبعضها

وشوفي ايش حتنزلي منها وتعالي والجميع مابيقصر


بالتوفيق يارب

[طامحه للرقي]

أصلا مافيها كلام نزلت ليا هالترم المستوي الاول
وش اسوي بالله حظي كده هههههههههه لازم اعدي منها الله يحرق هالماده
ربي يسهلها لاتقفلها بوجهي

[ضحايا الصمت]

انا ما قفلها اختي ...


بالعكس انا باقول الله يوفقك وييسرلك لكن انتي تاخرتي في المواد هدي لانك الان مستوى سابع ومابقي شي على تخرجك ان شاء الله


وترى والله المادة سهله بس لو تروحي لدكتورة المادة وتشوفي ايش المطلوب منكم بالضبط وتحضري معاها الدورة التأهيلية عشان اضمنلك تعدي ان شاء الله

لكن ابعدي عن ملخصات ابو 10 لان ترجمتها مشي حالك


ترجمة حرفية






وزي ماقلتلك شوفي ايش تحتاجي او ايش الي مانتي فاهماه وانا باشرحلك هوا

وبالتوفيق يارب

[طامحه للرقي]

ربي يسعدك ماقصرت مرررة
يارب اعدي منها بس ومرة شكرا لك