درجتي في الانقلش 28.8 +10+9 < رايكم <وخبر غريب من مدرسنا

[ولد حلال]

السلام عليكم ورحمة الله وبركاته

كيفكم شباب وشابات

دي درجتي للانقلش 28.8 +10+9 = 47.8 من خمسين وبعد ما قالنا استاذنا انو درجات الاورال حتكون خمسة بس يعني كله يكون من 45 مو من خمسين يعني اللي جايب 10 في الاورال حيكون 5 درجتي انا حتكون = 42.8 من 45 ايش رايكم ؟؟

ان شاء الله اقدر ادخل طب ولا لا

بصراحة استاذنا حيرنا اليوم يقولدرجات المستوى الثاني والثالث ما راح يدخلو في المعدل العام للانقلش اذا تبغو تدخلو طب بس راح يهتمو لدرجة المستوى الربع ولانو امريكي وما يعرف كلمة عربي ما قدرت اساله اذا انها داخلة في المعدل العام ولا لا

ياليت تريحونا هل هيا داخلة في المعدل الخاص والعام ولا بس العام ولا ولا واحد فيهم زيها زي المستوى الاول؟

[Ḏŕєα๓ṥ あ]

انت في أي مستوى ؟

انا لسى بآقي بكرآ اعرف درجآتي

بس الخبر غريب اول مررآ اسمعه ورآح اسأل استآذتي [ تتسآمح معآنآ وتخليني أتكلم معآهآ عربي ]

رآح اسألهآ عن الموضوع هذآ

[ولد حلال]

انا في المستوىالتاني

ياليت احد يفيدنا

[fatjoe]

والله ماادري لكن سمعت خبر انو الاختبار الفينال راح يكو ن غي 10 بونص افيدونا

[fatjoe]

راح يكون فيه 10 بونص

[عصموصه]

على البركه

وربي يوفقك في بقيه الاختبارات

[mo0dy]

شوف ياعسل ترى انت لازم تشد حيلك اذا في المستوى الثاني لانو داخل في المعدل وهذا كلام موثوق منه ميية لمية وانت يمديك تتأكد بنفسك انت يوم جيت سجلت ماكانو يوزعون اكياس فيها اوراق تعرفك بالجامعة والتخصصات صح وقلم ومش عارف ايه.
المهم في هذا كله ياعسل راح تلاقي ورقة تخص المعهد حق اللغة الانجليزية راح تلاقي انو المستوى الاول مو داخل في المعدل مجرد نجاح او رسوب يعني لو رسبت فيه لاسمح ترجع تدرسه ولو نجحت كان بها بس درجاتك مو داخل في المعدل وانت روح وشوف الطلاب حقين المستوى الاول تلاقي عندهم في الساعات حق الانجليزي 0
بعكس حق المستوى الثاني مكتوب في الساعات 2 يعني انه داخل في المعدل وزي ماقولك المصدر من ورقة المعهد
وهذا هو السبب الي خلاني ابدأ من المستوى الاول علشان ماعليه درجاتك وعلشان الاساس يكون عندي في الانجليش قوي والسلام خير ختام

[ولد حلال]

10 درجات بونص ؟؟

ياليت تتاكدو

ومشكورين على ردودكم