ممكن اسمع رأيكم في تنفيذ مشروع "

[ستايل]

مرحبا

بصراحه ياجماعه أنا اتخرجت من فترة طبعاً معايا بكالوريوس رياضيات ودورات في الحاسب واللغة وماانقبلت طبعاً في الماستر لدي السنة إدارة أعمال فإلي حبيت أعملو مشروع معهد للحاسب الآلي للسيدات فإذا ممكن تدوني رأيكم من ناحية نجاح أو فشل دا المشروع وخصوصاً أنا إلي ح أشرف على الإدارة طبعاً لأنو مابغى اكلف على اهلي وفي الأخر ماينجح وكمان بالنسبة للإدارة هل بالضروري يكون معايا بكالوريوس إدارة أعمال في حالة التقديم لتنفيذ المشروع وكمان لأنو ممكن يكون طريق ليا لإكمال الماستر بإذن الله لأنو من ضمن الشروط للماستر الخاص خبرة لوظيفية قيادية بالنسبة للماستر إدارة الأعمال الخاص

وحكون شاكرة ليكم ردكم عليّا وشكراً "

[seham alwead]

في البداية اللى يوفقك.. بس المشروع يبغى راس مال عشان تجهيز المعهد والاجهزة واذا راح توظفين معك احد وطبعا الدعاية وكمان شي ثانى حطيه في اعتبارك اللى هو حكاية النجاح والفشل لانه ممكن تكون الفكره حلوه بس العوامل للنجاح غير متوفره اوانه الشخص لا يمتلك مهارات الادارة .او ان كل الامور تمام بس النجاح يحتاج وقت وبالتالى لابد ان يتحلى بالصبر ولا يستعجل النجاح.
بس اذا تبغين نصيحتى قدمى انتي على اى معهد للتعليم فيه متعاونه اوموظفه لفتره لاكتساب الخبرة واعطى نفسك فرصة للاحتكاك والتعرف على المجال عن قرب.. والله يسهلك ويكتب لك الخير ويوقفك ياكريم

[lafander]

السلام عليكم ورحمة الله ... اهلين اختي ستايل ... خطوة بالمرة ممتازة لإقامة مشروع ماشاء الله عليك ... الله يبارك لك ويوفقك ... شوفي يا قلبي انا مع مقولة د. طارق السويدان
أفضل استثمار لطاقة الفرد هو انه يدرس و يعمل ويتطوع في مجاله هذا افضل استثمار لطاقة الفرد

بمعنى فكرة المشروع حلوة لكن ينقصها اركان و شويت حاجات بسيطة حتتغلبيها المطلوب منك الان انك تركزي على هدفك و تحددي خطواتك وعلشان تحددي خطواتك اعملي دراسة جدوى للمشروع وادرسي الفكرة ببالك مضبوط ... وبالنسبة للرأس المال لا تخليه عقبه ممكن تعملين مشروع صغير يدخل عليك راس مال يساعدك على القيام بالمشروع الكبير ... وهذة قصة واقعية حصلت مع وحدة اعرفها ... كان في بنت مقيمة "مصرية الجنسية" درست وتعلمت هنا في السعودية وطبعا بعد الثانوي تبغى تكمل جامعة وماقدرت هنا وما عندها قدرة على السفر والدراسة في مصر خصوصا ان اهلها حالهم ضعيف ...
البنت بدات تعطي دروس خصوصية في البيت لبنات 4 -5-6 ابتدائي في الشهر الاول دخلت 1600 على 4 بنات كل وحدة على 400 الشهر تعطيهم درس رياضيات من سنة خامس كل يوم وفي الشهر اللي بعده الاربع بنات زادوا ما شاء الله ... المهم البنت كملت الترم الاول وبناتها ماشاء الله اخذين الفل مارك في الرياضيات تحول العدد من 7 بنات الى 16 في الترم اللي بعده ... وعلى اخر الترم بالضبط الاسبوع الاخير للاختبارات جوها 5 من اول المنهج
وبس يا قلبي الله بارك لها وفضل من الله ودعاء الوالدين البنت قدرت تتعلم في جامعة الاسكندرية تخصص تجارة بعد 3 سنوات من المشروع ... ورجعت بعد الدراسة لا زواج والا وظيفة كملت مشروعها حق الدروس الخصوصية وبعد 5 سنين كمان البنت قدرت تعمل استثمار مضبوط اشترت مزرعة في مصر وعملت مشروع زراعي ومبسوطة هي واهلها وما شاء الله عليها الله يبارك لها

مثل ما قلت لك لو حطيتي هدف حتوصليله بتحديد الخطوات ... بالتوفيق على فكرة اول ما يقوم المشروع اعزمينا حتى نكون اول الطلاب ... بالتوفيق

[lafander]

هذة مواقع لدراسة الجدوى ... يارب تفيدك

http://www.shatharat.net/vb/showthread.php?t=6818

http://www.4eqt.com/vb/forum116.html

http://www.4uarab.com/vb/showthread.php?t=41223

http://www.ibtesama.com/vb/showthread-t_25257.html

[ستايل]

المشاركة الأصلية كتبت بواسطة seham alwead في البداية اللى يوفقك.. بس المشروع يبغى راس مال عشان تجهيز المعهد والاجهزة واذا راح توظفين معك احد وطبعا الدعاية وكمان شي ثانى حطيه في اعتبارك اللى هو حكاية النجاح والفشل لانه ممكن تكون الفكره حلوه بس العوامل للنجاح غير متوفره اوانه الشخص لا يمتلك مهارات الادارة .او ان كل الامور تمام بس النجاح يحتاج وقت وبالتالى لابد ان يتحلى بالصبر ولا يستعجل النجاح. بس اذا تبغين نصيحتى قدمى انتي على اى معهد للتعليم فيه متعاونه اوموظفه لفتره لاكتساب الخبرة واعطى نفسك فرصة للاحتكاك والتعرف على المجال عن قرب.. والله يسهلك ويكتب لك الخير ويوقفك ياكريم

شاكرة ليكي وأنا عارفه حتواجهني كثير من الصعوبات وبالنسبة لإكتساب الخبرة فأنا قدمت من أول ع الوظائف من وقت تخرجي من 5 سنوات تقريبا قبل ماأفكر في المشروع دا للأسف مافش وظائف وهدا السبب الرئيسي لتوجهي لتنفيذ مشروع خاص بيه
دعواتكم ليًا بالتوفيق

[ستايل]

المشاركة الأصلية كتبت بواسطة lafander السلام عليكم ورحمة الله ... اهلين اختي ستايل ... خطوة بالمرة ممتازة لإقامة مشروع ماشاء الله عليك ... الله يبارك لك ويوفقك ... شوفي يا قلبي انا مع مقولة د. طارق السويدان أفضل استثمار لطاقة الفرد هو انه يدرس و يعمل ويتطوع في مجاله هذا افضل استثمار لطاقة الفرد بمعنى فكرة المشروع حلوة لكن ينقصها اركان و شويت حاجات بسيطة حتتغلبيها المطلوب منك الان انك تركزي على هدفك و تحددي خطواتك وعلشان تحددي خطواتك اعملي دراسة جدوى للمشروع وادرسي الفكرة ببالك مضبوط ... وبالنسبة للرأس المال لا تخليه عقبه ممكن تعملين مشروع صغير يدخل عليك راس مال يساعدك على القيام بالمشروع الكبير ... وهذة قصة واقعية حصلت مع وحدة اعرفها ... كان في بنت مقيمة "مصرية الجنسية" درست وتعلمت هنا في السعودية وطبعا بعد الثانوي تبغى تكمل جامعة وماقدرت هنا وما عندها قدرة على السفر والدراسة في مصر خصوصا ان اهلها حالهم ضعيف ... البنت بدات تعطي دروس خصوصية في البيت لبنات 4 -5-6 ابتدائي في الشهر الاول دخلت 1600 على 4 بنات كل وحدة على 400 الشهر تعطيهم درس رياضيات من سنة خامس كل يوم وفي الشهر اللي بعده الاربع بنات زادوا ما شاء الله ... المهم البنت كملت الترم الاول وبناتها ماشاء الله اخذين الفل مارك في الرياضيات تحول العدد من 7 بنات الى 16 في الترم اللي بعده ... وعلى اخر الترم بالضبط الاسبوع الاخير للاختبارات جوها 5 من اول المنهج وبس يا قلبي الله بارك لها وفضل من الله ودعاء الوالدين البنت قدرت تتعلم في جامعة الاسكندرية تخصص تجارة بعد 3 سنوات من المشروع ... ورجعت بعد الدراسة لا زواج والا وظيفة كملت مشروعها حق الدروس الخصوصية وبعد 5 سنين كمان البنت قدرت تعمل استثمار مضبوط اشترت مزرعة في مصر وعملت مشروع زراعي ومبسوطة هي واهلها وما شاء الله عليها الله يبارك لها مثل ما قلت لك لو حطيتي هدف حتوصليله بتحديد الخطوات ... بالتوفيق على فكرة اول ما يقوم المشروع اعزمينا حتى نكون اول الطلاب ... بالتوفيق

ميرسي لافندر الله يخليك بمساعدتك ليّا بالمعلومات دي وبعد شويه حأدخل عالروابط إلي نزلتيها
بالنسبة لتكاليف المشروع بابا الله يديه الصحة هوه إلي حيشرف ع الموضوع ماديا لكن من ناحية نجاح أو فشل الموضوع ماني عارفه حاسه بالمسئولية مرا كبيرة يمكن لمن أبدأ أول خطوة واعمل التصاريح نكسر الحاجز شويه وكمان المشروع حيأخد وقت مرا طويل من ناحية توظيب المعهد والتصريح والتأمين ع المعهد والكلام دا

وحتكوني أول المدعوات لمن يتم إفتتاح المشروع من دحين "

[rubi]

ماشاء الله عليك الله يوفقك

وانا وبعض البنات بنفكر نعمل مشروع برضو فالموضوع المثبت هنا

لكن فكررتنا اننا نعمل مقهى


فكرة مشروعك حلوة لكن حطي فبالك ان المعاهد كترت في شمال جدة وجنةب جدة فكل مكان معهد

فا انا رايي انك اذا عزمتي على فكرة المعهد


خلي المعهد حك فيه ميزة عن بقيه المعاهد

مثلا فالديكور
او اسمو

وطبعا حتيجي افكار منك ابداعية باذن الله مادام انك تبغي دا الشي


الله يوفقنا كلنا يارب دنيا واخرة

امين

[ستايل]

ميرسي كلك ذوق لكن مشروعي إلي بإذن الله حأنفذوه فى مكة مش جدة