ملزمة دكتور عز stat210 ch.2-3

[FroOosi]

حبيت انزل لكم ملزمة الدكتور عز لنظرية الاحتمالات الفصل الثاني والثالث اتمنى تكون واضحه ولاتنسونا من الدعاء.

[Roy Mustang]

مشكور حبيبي بس ما فيه شي للفصل الاول ؟

[Th4m3r]

يسلمو! يا غلاهم


و الله ما قصرت ^_^

[Th4m3r]

المشاركة الأصلية كتبت بواسطة roy mustang مشكور حبيبي بس ما فيه شي للفصل الاول ؟

الا

تفضل حمل المرفق

[Roy Mustang]

المشاركة الأصلية كتبت بواسطة tom tom الا تفضل حمل المرفق

مشكوووووور بس هذا يغطي الشابتر الاول كامل ؟

معليش بس انا ما حضرت ولا محاضره بالشابتر الاول ولا عندي كتاب

[محتاج لها]

الله يعطيك العافية

[محتاج لها]

المشاركة الأصلية كتبت بواسطة roy mustang مشكور حبيبي بس ما فيه شي للفصل الاول ؟

الفصل الاول ترى سهل


تفضل شرح من أحد الطلاب الله يعطيه العافية

المشاركة الأصلية كتبت بواسطة asooom السلام عليكم ورحمة الله وبركاته أخواني أخواتي أشكر لكم تشجيعكم ليا الصراحه خوفتووني خخخخخخخخخخخخخخخخ بس إن شاء الله الشرح يكون مرضي بإذن الله بسم الله نبدأ الشبتر الأول بعنوان combinatorial analysis يتكلم عن 3 قوانين أساسية counting\1 (مبدأ العد) arrangement\2(الترتيب) selection\3(الإختيار) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ 1/ counting هذا القانون مررره بسيط أخدنا في المدرسة وأخدنا في السنه التحضيريه ,,, القانون بسيط في الحفظ لكن لازم نركز عشان نستوعب متى نستخدمه القانون = m*n m= عدد عناصر المجموعه الأولى . N= عدد عناصر المجموعه التانيه ex./ شوفوا مثال 2a في الكتاب صفحة 2 10 حريم كل حرمه عندها 3 أولاد ,,,, بكم طريقة ممكن نختار ولد ووالدة السنه ,, عندنا هناا المجموعه الأولى الحريم عددهم 10 والمجموعة التانيه الأولاد عددهم 3 3*10=30 عندنا 30 طريقة ممكن نختار فيها ولد ووالدة السنه ex/ مثال 2b في الكتاب صفحة 3 لجنة تخطيط تتكون بشكل عام من 3 freshman 4 sophomores 5 juniores 2 seniors تبغي تسوي عدة لجان كل لجنه مكونه من 4 أشخاص , بحيث يكون شخص واحد من كل مجموعه ,, " one preson of each class " عندنا 4 مجموعات ,, نطبق القانون حق العد ,, ونضرب عدد عناصر كل مجموعه في بعضهاا se*ju*so*fr = 2*5*4*3 = 120 الأمثلة مرره بسيطة بس المشكله متى نعرف المسألة إلي تحتاج قانون العد ... لمن يجي في السؤال يقوولك how many ways ,, how many different choices ,, بهذا الشكل تعرف إنو يبغى عدد الطرق عدد الإحتمالات هنا نستخدم قانون العد ... وعادة قانون العد يتكلم عن المسائل بشكل عام يعني ما يشترط أي شروط في المسأله لكن في صيغة أسئلة تحل بطريقة قانون العد ويكون فيها شرط ويطلب برضوو عدد الطرق زي المثال الثاني بالزبط لمن قالك يكون شخص واحد من كل مجموعة (one preson of each group) الــ group ممكن يكون فصل ممكن يكون نوع معين من الأطعمة ممكن يكون أي شي .... وطلب برضو how many subcommittees عشان كدا أستخدمنا قانون العد إن شاء الله فهمتوا

المشاركة الأصلية كتبت بواسطة asooom 2/ (الترتيب)arrangement هذا القانون أسهل من القانون السابق وأخدنا من المتوسطه والكل أكيد يعرفوا المضروب (factorial ) ,, إلي ما يعرف المضروب ,,, مثلا مضروب 5 = 5! = 5*4*3*2*1 = 120 متى نستخدم هذا القانون ,, لمن يقولك رتب ,, يتكلم عن الترتيب ما يتكلم عن عدد الطرق ولا عن أي شي تاني يتكلم عن الترتيب ex/ مثال 3a صفحة 4 يقولك في المثال عندنا فريق بيسبول مكون من 9 لاعبين لو نرتب (orders)اللاعبين بحيث كل لاعب يقدر يضرب الكوره << طبعا محد عارف كيف يعني نضرب الكوره مالنا ومال البيسبول والكريكت والكلام الفاضي دا فريق كورة قدم مكون 11 لاعب ولو نبغى نرتب (orders) كل اللعيبه عشان يشوتوا البلنتيات كيف ممكن نرتبهم على طوول نستخدم قانون المضروب ونحط عدد اللاعبين في المثال حق البيسبول 9 لاعبين يعني 9*8*7*6*5*4*3*2*1 = 9! = 362880 في المثال إلي من عندنا حق كورة القدم يسير نفس الطريقه مضروب عدد اللاعبين المراد ترتيبهم 11! = 11*10*9*8*7*6*5*4*3*2*1 = 39916800 ex/ مثال 3a صفحة 4 يقولك في المثال هذا كلاس لنظرية الأحتمالات مكون من 6 رجال و 4 حريم دخلوو إختبار وكل واحد جاب درجة غير عن الثاني بكم طريقة ممكن نرتبهم (rankings) بناءً على درجاتهم الطلب الأول يبغى ترتيبهم كلهم بناءً الدرجات ,, ما دام طلب الترتيب بشكل عام راح نجمع عدد العناصر كلها ونجيب مضروبها ,, ليش المضروب لأنو طلب الترتيب ,, راح نقول 4+6=10 .. 10! = 3628800 في نفس السؤال يبغى طلب تاني يقولك لو رتبنا الرجال لحال والحريم لحال كم طريقة ترتيب ممكن نحصل نفس الجواب إلي فوق بالزبط بس بدل ما ناخد مضروبهم كللهم يعني جمعهم والمضروب لأ راح ناخد مضروب عدد الرجال ,,, ومضروب عدد الحريم كل واحد منفصل عن التاني 6! = 720 مضروب الرجال مضروب الحريم 4!=24 في النهايه راح نضرب النواتج مع بعض 720* 24 = 17280 ..... مين يعرف ليش ضرب مضروب الرجال في مضروب الحريم ؟؟؟ لو ركزنا في السؤال التاني راح نلاقي مكتوب بكم طريقة ممكن نرتب > طلب عدد الطرق < قانون العد فنضرب النواتج ما نضرب عدد العناصر من البدايه , نضرب النواتج لأن قال عدد الترتيبات الترتيبات أول شي تطلع بعدين نطلع عدد طرقها طيب هادي هوا الــ arrangement نستخدم معاه قانون المضروب نميز السؤال إلي يبغى الترتيب من أكتر من كلمة أنا كاتبها في كل مثال فوق كلمة orders و rankings وكمان كلمة arrangement في بعض الأسئلة ,,, هادي كلها صيغ لأسئلة الرتيب .... وإن شاء الله أخواني أخواتي راح أكمل شرح القسم التالت للشبتر إلي هوا selection في الليل لأنو عندي مشواير ضروريه جدا أتمنى يكون الشرح أفادكم بإذن الله وسامحوني لو في غلط أو قصور والشرح مفتوح للجمييييييييع عدلوا فيه زي ما تبغوا ولو في غلط صححوا ولو فيه أسئله أسألوا وخدوا راحتكم brb

[CrEaTiVe4ever]

السلام عليكم ورحمة الله وبركاته

المشاركة الأصلية كتبت بواسطة roy mustang مشكور حبيبي بس ما فيه شي للفصل الاول ؟

تفضل أخي ..

نسخة التشابتر الأول من الكتاب ..

بالتوفيق :) ..

[Roy Mustang]

محتاج لها و CrEaTiVe4ever

مشكورين والله ما قصرتوا الف شكر

[naa]

[size=5][color=red]مشكورين واللـــــــه يعطيكم العافية كل أبوكم وتلقونها في ميزان حسناتكم إن شاء الله

[/color][/size]