اختبار قدرات أم هدم قدرات.....!

[المتخرجة]

أولا: سلااااااااام ياحلوين
تانيا: آآآآآآه يا مخي يا مسكين بذل بجهود جبار امس هع
انا ماصدقت خلصت الاختبااااار وخرجت مرة تعبت وصدعت حسيت الأسئلة متعبة للمخ
امممم الأشياء المنطقية اللي زي الألعاب اللي يحطوها في المجلات والجرايد حسيتها سهلة وحليتها بكل ثقة
ماعدا اتنين امكن ماعرفتهم
والجزء اللفظي بصراحة كان اسهل من المتوقع
بس القطع والاسئلة اللي عليها كل قطعة في وادي والأسئلة في وااااادي تاني<<< شختك بختك
بس برضو في كم كلمة ماعرفتها <<<< نسيت ايش هما<<< حتتلطش
أما المسائل الحسابية في حاجات سههههلة وعلطول تنحل
وفي حاجات تجيب المدري ايش<<< قصدها تجيب الجنان هع

بس بصراحة انا ماحسيت بالبرد زيكم<<<< قولو ليش
بعد نص ساعة من الاختبار وانا منهمكة في الحل ألاقي قدامي (صرصاااااار كبيييير) ماشي
قعدت اراقبو واستعد لو قرب مني زيادة حنط من مكاني وطز في الاختبار<<< عشان كدا ماحسيت بالبرد بالعكس عرقت من الخوف
وقعدت ارقبو الييييين عدا من قدامي ومدري في راح
رجعت اكمل حل لقيت يدووووب باقيلي كم دقيقة وعشرومية سؤال انقهرت مررررة مو وقت صراصير
لاتضحكو عليا كويس ما صرخت فنص الاختبار


بس بصراحة قهرووووووني هدولا المراقبات مرررررررة لكوعين وماقدّرو انو سياراتنا برة من زمان
وما خلونا نبدأ الاختبار بعد المغرب بنص ساعة <<<< زي ماهم كاتبين في الموقع
هادا غير انو قبل مانبدأ شغلولنا فيلم طويل عريض عن الارشادات بكل لكاعة وبطء أففففف
حتى بعد ماخلصنا الاختبار وأخدو الاوراق برضو ماخرجونا وقاعدين يتلكعو ويتدلعو ومدري ايش يسوو في الاوراق وماهمهم سياراتنا اللي برة <<<< زوجي من الساعة ٧ برة الين ١٠ ونص
المفروض كانو يقولولنا من البداية انو الاختبار واجراءاتو حتاخد اكتر من ٣ ساعات
عالاقل اللي عندو مشاوير تانية يلحق يروح يخلصها ويجي

وايش فيها لو اخدو فينا اجر ووزعولنا نسكافيه عشان ندفا ونصحصح
او مويه عالاقل <<< المراقبات جابو لنفسهم مويه واحنا طووووز احنا مانعطش
مويتي في شنطتي بس الشنطة خلوني أقلعها مدري فين
وجع وجع وجع افففففففف
انا مرة مقهوووورة ومعصبة من امس
حسبي الله عليهم كولهم


على فكرة
كل هادا حصلي وانا ترا حامل في الشهر الثامن <<<< يارب الاجر بس
ظهري اتفكفك من القعدة وياريتها كلها كنت بختبر نص الوقت لكااااااعة

نفسي امسك المراقبات ارميهم من فوق برج المملكة
ونفسي أسأل اللي حطو الأسئلة اقولهم على اي اساس حاطين دي الاسئلة
هادي الاسئلة ماتقيس القدرات
اللي تخصصهم علمي حيحلو الكمي بسهولة يعني موقدراتهم
واللي تخصصهم ادبي حيحلو اللفظي بسهولة
واللي يحبو ألعاب المجلات والجرايد<<< حيشوفوها سهلة
كل واحد وتخصصو
القدرات مالها دخل


بس اتوقع اجيب ٧٠٪
سامحوني طولت عليكم