تجارب و خبرة الطالبات مع أعضاء هيئة التدريس (ضبطي جدولك معانا و ارتاحي )

[خلود المشاعر]

انا تخصصي محاسبه وبنزل دا الترم مآده اختياريه بصراحه مره محتاره

ياليت الي قسمها محاسبه تنصحني ايش اخد مواد ومين هما الأستاذات


أختي عسل

انا اخدت في الترم اللي فات مادة استثمار مع نسمة حشمة وجبت في المادة +A الحمدلله المادة اتفه من الماليه سهله مرررره

ودا الترم بنزل إن شاءالله بحوث عمليات بما إن المادة يقولو عنها صحباتي انها سهلة ومع أمل تركستاني بيمدحو فيها

وحاطه في بالي كمان مادة النظام السياسي السعودي صحبتي اخدتها الترم اللي فات مع أمل هاشم وتقول مرره سهله الماده وقليله

الله يوفقنا جميعا :)

_________________________

أختي مس نوفا

ليتني اقدر افيدك واساعدك .. بس بنات الإدارة ما راح يقصرو معاكي اكيد

موفقة :)

[عـــســـل]

خلود المشاعر يسلموو على ردك ..

انا مقرره آخد استثمار مع سحر مهران لاني اخدت معاها الترم الي فات ماليه كانت مره تفهم وتشرح تمام التمام قلت آخد معاها استثمار

فإذا تعرفي آحد آخد استثمار مع سحر ياليت تقوليلي كيف شرحها ؟؟


اما بالنسبه لـ بحوث برضو قالولي انها مع امل بس للأسف وقت المحاضره مو مع الجدول ..


النظام السياسي السعودي . ماعرف والله خلاص بحاول انزلها دا الترم بس على ماعتقد ان الشعبه مقفله :(



آدعوووولي بليييييييييييييز


وبالتوفيق للجميع يآرب

[خلود المشاعر]

المشاركة الأصلية كتبت بواسطة عـــســـل خلود المشاعر يسلموو على ردك .. انا مقرره آخد استثمار مع سحر مهران لاني اخدت معاها الترم الي فات ماليه كانت مره تفهم وتشرح تمام التمام قلت آخد معاها استثمار فإذا تعرفي آحد آخد استثمار مع سحر ياليت تقوليلي كيف شرحها ؟؟ اما بالنسبه لـ بحوث برضو قالولي انها مع امل بس للأسف وقت المحاضره مو مع الجدول .. النظام السياسي السعودي . ماعرف والله خلاص بحاول انزلها دا الترم بس على ماعتقد ان الشعبه مقفله :( آدعوووولي بليييييييييييييز وبالتوفيق للجميع يآرب

أهلين يا عسل

انا زيك اخدت مع سحر مالية وكانت ممتازة .. بس بقولك انو نسمة في الاستثمار افضل من سحر لانها ارتب منها بكثير في منهج الاستثمار

وبالنسبة لبحوث عمليات ان شاءالله بضيفها هيا او النظام السياسي السعودي

وترا شعبة النظام السياسي السعودي اكيد راح يفتحوها لنا لانو في بنات كتير يبو يضيفوها كإختياري

موفقه اختي عسل وترا مالنا إلا بعض بعد الله وانا موجوده وقت ما تحتاجي شي

أدعولي السخونه وحلقي والزكام بهدلوني

[عـــســـل]

المشاركة الأصلية كتبت بواسطة خلود المشاعر أهلين يا عسل انا زيك اخدت مع سحر مالية وكانت ممتازة .. بس بقولك انو نسمة في الاستثمار افضل من سحر لانها ارتب منها بكثير في منهج الاستثمار وبالنسبة لبحوث عمليات ان شاءالله بضيفها هيا او النظام السياسي السعودي وترا شعبة النظام السياسي السعودي اكيد راح يفتحوها لنا لانو في بنات كتير يبو يضيفوها كإختياري موفقه اختي عسل وترا مالنا إلا بعض بعد الله وانا موجوده وقت ما تحتاجي شي أدعولي السخونه وحلقي والزكام بهدلوني

يسلموو قلبوو على النصيحه بشووف شعبة نسمه اذا مع الجدول ولآ :)

النظام السياسي لازم يفتحوو الشعبه غريبه مقفله


سلاااااااامتك ماتشوفي شر .. مآجوره بإذن الله