الرجااء من الطلاب افادتي _ بعثات السفارة ع الجامعة

[omar.sb]

السلام عليكم ورحمة الله وبركاتة

كيفك اخوااني هذي طبعا اول مشااركة لياا واتمنى منكم تفيدوني

اخواني انا مو سعودي وقدرت اسجل وانتظام في الجامعه بس كثير

اخبروني انو لمن اخلص السنة التحضيرية لاتفتح لي الا الكليات الادارية فقط

وانا صراحة ودي في الهندسة وبطلت من التسجيل كلو وماسجلت

===============================

بس الحين سجلت عن طريق سفارة بلدي لانها تعطي بعثات ع الجامعه

ومن المميزات في التسجيل عن طريق السفارة انو تصرف ليا مكافئة من الجامعة

ولكن باقي شي وهي نفس المشكلة الاولى هل تفتح ليا الكليات العلمية ولا لأ

لأنو من الصعب انو ادرس سنة تحضيرية كاملة وفي الاخير يطلع نفس المشكلة

لانو مالي رغبة في الادارة ابداااااااااا وسعب اضيع سنة ع الفاااضي

اتمنى من الطلاب اللي وضعهم مثلي او عندهم علم افادتي بهذ الشأن

واتمنى للجميع التوفيق في اختبارتهم الحالية

[بحر الحرية]

أهلين عزيزي..
طبعاا لازم تتأكد من الكلام اللي حقولواا بنفسك انتاا..

بحسب معرفتي انوو تخصص الطب فقط هواا اللي ممنوع على غير السعوديين، لا عن طريق المنح الداخلية ولا الخارجية..
لكن الهندسة -الله أعلم- بس ما أتوقع إنه ممنوع كمان عليكم، أتوقع الهندسة عادي..

ودخولك لأي تخصص بد التحضيري يعتمد على معدكل ف التحضيري، وما فيهاا أي تفرقة ابداا..

إلا ف التخصصات الممنوعة عليكم زي الطب مثلا..

ولو تخصصت تحضيري علملي راح يكون تخصصك علمي، ولو تخصصت تحضيري اداري راح يكون تخصصك اداري وزي كداا..

الحمد لله جامعتناا مافيهاا التفرقة العنصرية دي.. الا ف المنصوص عليهاا ف الأنظمة..
وزي ما تفضلت اللي عن طريق السفارة تتمتع ببمزيات أكتر، لأنك تعتبر من طلاب التبادل الثقافي خيوو..

استفسر واستوضح أكتر من العمادة على داا الرقم: 6952222

وكمان سفارة بلادك أكيد عندهاا معرفة ف الشي داا، لأنوو بينهاا وبين وزارة التعليم العالي تواصل دايماا..

الله يوفقك ياارب؛؛

[jody 66]

لا الهندسسه مو ممنوعه .

صحبتي اخوها يدرس هندسه وهوا اجنبي ..

[omar.sb]

اخوي بحر الحرية الله يعطيك العافيه

صراحة اعجز عن شكرك

ولكــ،،،،ـــن !!

انتا مافهمت قصدي

اخوي الهندسة مو ممنوعه بس الهندسة معدلها السنة اللي راحت كان 3.5 تماام

وانا اعرف واحد جاب 4 بس ماسجلوه قالو انتا مو سعودي واذا تبغى الهندسة لازم معدلك فوق 4.8

بس طبعا هذا تسجيلو مو عن طريق سفاره ولا شي بالواسطة مسجل

=====================

جودي يعطيكي الف عافية كمااان

[بحر الحرية]

المشاركة الأصلية كتبت بواسطة omar.sb اخوي بحر الحرية الله يعطيك العافيه صراحة اعجز عن شكرك ولكــ،،،،ـــن !! انتا مافهمت قصدي اخوي الهندسة مو ممنوعه بس الهندسة معدلها السنة اللي راحت كان 3.5 تماام وانا اعرف واحد جاب 4 بس ماسجلوه قالو انتا مو سعودي واذا تبغى الهندسة لازم معدلك فوق 4.8 بس طبعا هذا تسجيلو مو عن طريق سفاره ولا شي بالواسطة مسجل ===================== جودي يعطيكي الف عافية كمااان

أهلين عزيزي..
مني متوقع إنوو الهندسة 3.5 ..
إذا القانون عندناا من 3.5 تقريباا.. فما بالك بالهندسة!!
من باب أولى يكون المطلوب أعلى..

بعدين أنا أكلمك عن جامعة الملك عبد العزيز.. بعد النظام الجديد من 2009م..
اللي يدخل فيهاا ويحقق المعدل المطلوب للقسم بشروطه.. يدخل زيه زي أي طالب جامعي..
وقلتلك أول:
جامعة الملك عبد العزيز ما عندهاا عنصرية الجنسيات في التخصصات إلا ما كان ممنوع بالنظام..

وما اعرف إيش أقلك:
الدخول بالواسطة تقريباا لحد كبير ما عاد موجود في الجامعة، والوضع تحسن فيها أكتر وأكتر..
صاحبك داا ما أعرف هل هواا من الملك عبد العزيز ولا لا؟؟

وهل لحق نظام السنة التحضيرية الجديد ولا قبله؟؟

عموماا..
انتاا اذاا دخلت ف الجامعة وحققت النسبة المطلوبة بإذن الله راح تدخل التخصصات المسموح فيهاا زيك زي أي طالب ف الجامعة..

الله يوفقك ياارب؛؛