أيهما أفضل؟؟

[بنت جدة المنكوبة]

أيهما افضل المشروع البحثي ام الرسالة ولماذا؟؟
لأن مرشدتي تقول المشروع البحثي أفضل
أرجو الرد
إلي عندو خبرة يجاوب بليز
والشي الثاني أبغى أسال فيه
متى يبدأ التخصيص؟؟متى أبدأ أختار تخصصي؟؟

[همس المشاعر]

مشروع او رسالة ماتفرق غير ان تعب المشروع يكون اقل وساعاته اقل وراح تدرسي مواد اكتر

التخصص يبدا بعد انهاء 50 بالمية من المقررات

[بنت جدة المنكوبة]

وطيب بإيش تنصحوني مرا محتارة

[همس المشاعر]

اختيار المشرفة او المشرف يتم بالاتفاق بين الطالبة والمشرفة شوفي مشرفة لك تحبي تخصصها وترتاحي في تعاملها

وتفهمي منها كل شي عن طبيعة الرسالة او المشروع مع اني اشوف لو انتي حابة تدرسي مواد اكتر خذي مشروع

لو حابة تشتغلي اكتر خدي رسالة طالما الشهادة وحدة في الاخر كلها ماجستير فاختاري اللي ينتهي اسرع

اشياء مثل كذا بعد استخارة الله سبحانه وتعالى شاوري اهل الاختصاص واسئلي البنات الاكبر منك بالقسم وايضا المعيدات واجمعي معلومات وافية وافهمي مميزات وعيوب كل مجال ومن ثم قرري

اعذريني ففهمي على حد تخصصي فقط

وفقك الله وسدد خطاك

[بنت جدة المنكوبة]

المشاركة الأصلية كتبت بواسطة همس المشاعر اختيار المشرفة او المشرف يتم بالاتفاق بين الطالبة والمشرفة شوفي مشرفة لك تحبي تخصصها وترتاحي في تعاملها وتفهمي منها كل شي عن طبيعة الرسالة او المشروع مع اني اشوف لو انتي حابة تدرسي مواد اكتر خذي مشروع لو حابة تشتغلي اكتر خدي رسالة طالما الشهادة وحدة في الاخر كلها ماجستير فاختاري اللي ينتهي اسرع اشياء مثل كذا بعد استخارة الله سبحانه وتعالى شاوري اهل الاختصاص واسئلي البنات الاكبر منك بالقسم وايضا المعيدات واجمعي معلومات وافية وافهمي مميزات وعيوب كل مجال ومن ثم قرري اعذريني ففهمي على حد تخصصي فقط وفقك الله وسدد خطاك

كيف يعني؟؟

[قدر ربي]

اول حاجة كل عام وانتي بخير ياعسل
ووحشاااني مرة
واول حاجة اسئل الدكاترة عندك بالقسم عن الافضل وبعدين استخيري
وربي باذن الله ينور لك مراادك وويسر لك امورك
وعن وجهتة نظري
طبعا انا افضل الرسالة عن البحث
والسبب لان سواء في البحث او الرسالة كلاهما فيها تعب واجتهاد والحرص على التميز في الطرح
ووقت المناقشة اذا كان الموضوع متميز وجديد الرسالة تنشر وتتعمم في جميع جامعات الممكلة
وهذا ما ينسيك تعبك وجهدك بل يكون فخراً لك
بينما البحث لا ينشر حتى وان كان متميز
وكمان البحث محددة اعتقد بترم واحدة او اثنين تنجزي البحث فيه وهذا ما يعيق عن التميز في الموضوع
بينما الرسالة عندك سنتين بعد انتهاء الدراسة من المقررات تشتغلي فيها برااااحتك
وهذا المعلومه من دكاترة سبق لي سوالهم عن ذلك
والله يوفقك وييسر لك ياااارب

[قدر ربي]

ممكن اعرف مين مرشدتك ؟؟
وسالتيها ليش تفضل البحث عن الرسالة ؟

ونصيحة خذي براي الاغلبية من اساتذة القسم وخصوصا ((( الدكاترة )))

وياعسل نسيت اقلك كمان عن اهم الفروقات بين الرسالة ومشروع بحثي


الكلام عن جهة موثوقة :بكلية الاقتصاد والادارة
طبعا ماشاء الله الدكتورة اللي افادتني معاها شهادتين دكتوراه بقسم الاقتصاد ..........
والتانية ماشاء الله دكتورة بمركز اللغة الانجليزية ..........

1_تحضير الماجستير بالرسالة يؤهل لمواصلة الدكتوراة لان من ضمن شروط الدكتوراة إرفاق ثلاث
نسخ من رسائل الماجستيركشرط أساسي

2_تحضير الماجستير بمشروع بحثي يكون معاه اختبار شامل لكن مايؤهل لمواصلة الدكتوراه لانة عبارة عن بروجكت .....

[همس المشاعر]

بس المشروع مايمنع انو تكمل دكتوراة والامتحان الشامل لجميع طلبة دكتوراة

وفي الجامعات برا بعضها كورسات بس مافي رسالة ولا حتى مشروع!!!!

[همس المشاعر]

طيب ايش اللي مو واضح بكلامي فوق

واضح ان شغل الرسالة اطول واكتر مو شرط يكون اصعب

شغل المشروع يكون اقل مكن لان ساعاته اقل وممكن لانو يخلص في ترم

[بنت جدة المنكوبة]

المشاركة الأصلية كتبت بواسطة قدر ربي ممكن اعرف مين مرشدتك ؟؟ وسالتيها ليش تفضل البحث عن الرسالة ؟ ونصيحة خذي براي الاغلبية من اساتذة القسم وخصوصا ((( الدكاترة ))) وياعسل نسيت اقلك كمان عن اهم الفروقات بين الرسالة ومشروع بحثي الكلام عن جهة موثوقة :بكلية الاقتصاد والادارة طبعا ماشاء الله الدكتورة اللي افادتني معاها شهادتين دكتوراه بقسم الاقتصاد .......... والتانية ماشاء الله دكتورة بمركز اللغة الانجليزية .......... 1_تحضير الماجستير بالرسالة يؤهل لمواصلة الدكتوراة لان من ضمن شروط الدكتوراة إرفاق ثلاث نسخ من رسائل الماجستيركشرط أساسي 2_تحضير الماجستير بمشروع بحثي يكون معاه اختبار شامل لكن مايؤهل لمواصلة الدكتوراه لانة عبارة عن بروجكت .....

مرشدتي أ-فاطمة حلواني
هادا الكلام إلي أبغاه من أولا الله يسعدك