طالب انتساب ولدي عدة استفسارات

[iBOSS]

السلام عليكم

اخباركم ..

عندي عدة استفسارات وبصراحة ما لقيت وقت وعارف اني متأخر ..

عموما ..

اول استفسار : الحين دورات الحاسب كيف اسجل فيها .. ووين حيكون مقرها ؟؟

يا ريت تعطوني روابط ..

ثاني استفسار : انا طالب انتساب سنة تحضيرية اداري وانساني .. وابغى أحضر محاضرات مع طلاب الانتضام .. بس مني عارف ايش من قاعة أحضر وهل يدخلوني معاهم .. وهل أحضر الاختبارات ولا لأ ؟؟

يا ريت تفهموني الوضع لاني مني عارف ولا شي ..

استفسار 3 : هل ستكون هناك دورات لطلاب الانتساب مثل الدورات التي نفذت في شهر 11 ؟؟

شباب والله اني في امس الحاجة اليكم .

يا ريت تردون علي ..

[iBOSS]

شباب للعلم انا تسجلت في دورة الحاسب ..

والحين ادخل رقمي ويقلي في فرع المنطقة الغربية .. لكن ما ادري وين بالزبط ؟؟

ممكن أحد يقلي ..

[دمعتي غاليه]

يارب احد يفيدك

[iBOSS]

شباب يا ريت تفيدوني بأي طريقة ..

[iBOSS]

شباب طلبتكم ..

وين الردود ؟؟

[صمت المشآعر]

صباح الخيرات

اخوي استفسارك الأول حتلاقيه بـ هالرابط ،، موضوع أمس نزلته بخصوص هالموضوع

ان شاءالله تستفيد منه واي استفسار انا بالخدمه ..

http://www.skaau.com/vb/showthread.php?t=288980

،

وبخصوص استفسارك الثاني

ماتوقع يمديك تحضر مع الانتظام لاأنك كذا بتشتت نفسك

لان بنفس المواد فيه اشياء معهم داخله بالاختبار ،، واحنا محذوفه من عندنآ

فاختصر الموضوع وخليك على نظام سنترا اريح لك ..

وبالنسبه للاختبارات احنآ بنبدآ بـ2/2 ان شاءالله ،،واتمنى منك تشيك على التقويم الجامعي بموقع الجامعه

حتى تكون عارف كل شي ..

استفسار 3 : هل ستكون هناك دورات لطلاب الانتساب مثل الدورات التي نفذت في شهر 11

دورات مثل ايش تقصد بالضبط ؟؟!

اتمنى اكون ساعدتك ولو بالشي القليل .. بالتوفيق أخوي ..

[M A S]

أتعتقد انه بالجامعه نفسها وفي بمعهد نيورهايزن

والحضور مع الانتظام يمديك بس لازم تستأذن من الاستاذ نفسه أو الدكتور وتحضر عادي ولا تنسى تاخذ جدول الانتظام عشان ماتضيع

أخوك m a s

[iBOSS]

يعطيكم الف عافية ... ما قصرتو ..

وبالنسبه للسؤال اللي ما فهمتيه ..

كانت في دورات في شهر 11 .. مدتها اسبوعين يشرحون لنا المقرر ... ما ادري هل ستكون في دورة مرة ثانية ولا خلاص .. لان الرياضيات مني فاهمه -__-