بالله فهموني ايش الحل؟؟؟؟

[deep heart]

السلام عليكم ورحمة الله وبركاته
كل عام والجميع بخير

ياشباب وبنات ابغى مساعدتكم وبليز الى يعرف يجاوبني لاني ماني عارفه ايش اسوي وكل مره يطلعولنا بقوانين جديده
المهم انا كنت علوم وحولت ادارة واقتصاد والحمد لله هذا الترم تخرج إن شاء الله بس عندي مشكلة وهي في المواد الاختيارية و الحره
فتحوا مخكم كويس عشان تفهموا القصة
انا درست في العلوم كيمياء وفيزياء ورحت سألت قالولي عادلناها بالمواد الحرة ودرست قانون وسياسة بعد التحويل من العلوم وبعدها غيروا الخطة وحذفوا القانون والسياسة من الخطة ولما سألنا انا والبنات قالولنا عادلناها بالمواد الاختيارية
المشكلة الى عندي انو دحين مجموع المواد الحرة الى درستها 8ساعات والمواد الاختيارية الى درستها 6 ساعات يعني المجموع عندي 14 ساعه ومع العلم اني لو مانزلت ماده اختيارية هذا الترم رح اتخرج ب 128 ساعه ولو نزلت ماده اختيارية بحكم انو عدد ساعات المواد الاختيارية لازم يكون 9 ساعات يصير رح اتخرج ب 131 ساعه
وكل مره يطلعولي بشي جديد مره قالولي مو لازم عدد المواد الاختيارية والحره المهم تتخرجي ب128 ساعه ومره قالولي لأ لازم تخلصي عدد ساعات المواد الحره والاختيارية حتى لو تخرجتي بساعات اكثر من المطلوب
سؤالي لازم ادرس 9 ساعات مواد اختيارية حتى لو زاد عندي عدد ساعات التخرج؟؟ ولا مو شرط انزل الماده الاختيارية المهم اتخرج ب128 ساعه؟؟
بليز ساعدوني اخاف اتخرج وبعدين ينزلولي جدول جديد زي ماحصل مع بعض البنات

[nana2]

ههههههههههه والله فهمت وما فهمت
على حد علمي وزي مو ساير معايا انو انتي ماشيه بالسليم
وازا تبغي نصيحتي
في وحده مسؤلة عندنا فكلية اقتصاد وادارة مسؤلة عن المواد الي تتعادل
بس نسيت اسمها .. المهم روحي هناك واسألي وهيا تقولك ازا باقيلك
شي تدرسيه او لا..
موفقه بأدن الله

[نهر لم يجد مجرى]

والله بصراحة ما عندي رد على الموضوع بس بقول شيء


بالخليج النظام التعليمي جداً سيء بما تحمل الكلمة من معنى


قدمت على البعثات الي بوزارة التعليم العالي وبعدها أرسلت ملخص المواد" ترانس كريبت" الي درستها مقدارها 80 ساعة من الكلية التقنية لجامعة معترف فيها ... تخيلي الجامعة بأمريكا قبلت حدود 55 ساعة من المواد منها مادة ثقافة أسلامية ... وجامعة الملك عبدالعزيز قالت أبداء من جديد ... طيب ليش أنا جالس أدرس 3 سنوات وفي الأخير نتوظف على الثانوية و ما يعترف بالشهادة لا بالدوام ولا بالجامعة ...؟

حسبى الله على الظالم

نسيت شغلة أحمد ربي وافقة علي الجامعة بنظام الأنتساب بالمنه الله لا يهينهم

[الشامخة]

:)

جتني هلوسه بعد ماقريت كلامك :)


\\

طيب انا بقول وش اللي درسته ياليت احد يقولي صح او خطاء

درست مواد اختياريه

مبادئ قانون 3 ساعات
تسويق 3 ساعات
استثمار 3 ساعات

الاختياريه = 9 ساعات

\\

اما الحره قالوا لي تتعادل بالمواد اللي انحذفت وهي

الفكر الاداري في الاسلام ساعتين
مبادىء علم السياسة ساعتين
مبادىء ادارة الاعمال 3 ساعات


الحره = 7 ساعات

\\

وكذا يكون مجموع الساعات 16 ساعه
الساعه الزايده هذي الساعه تبع الخطه اللي ناقصه قلت اغطيها بدل ما اخذ مادة اخلاقيات العمل

------------

تكفون طمنوني صح كذا والا بسنتر بالجامعه :( :(

[خالد للكل]

اختي ...مو مهم تكملي عدد ساعات الاختيارية المهم انك تكملي 128 ساعة لانه هذة الساعات هي نصاب التخرج بعدين انتي درستي 8ساعات ايش فرقت ساعة وبعدين هي مواد اختياريه ماهي من ضمن التخصص عشان يركزوا عليها ويجلسولك فيها اهم شي انك خلصتي 128 ساعة وربنا يوفقك انشالله عقبالنا .......

[موت وميلآد]

انا رحت مره سألت قالوا الي تتخرجي بـ 128 سآعه عالاقل
ولازم تدرسي كل المواد الموجوده بالخطه ولو زدتي عن ساعات الخطه عادي
المهم تغطي كل المواد ..

[ظل الياسمين]

أهم شيء الحين تكونين مخلصة المواد إلي بخطتك كلها
راجعيها مرة ومرتين وألف ,,
وما أتوقع نظام زيادة عدد الساعات يشمل الخريجين ذا الترم

انتي ومنعاً لحدوث أي مشاكل مالها داعي
نطي أول يوم للجامعة واسألي ^_^

والله يوفقك يارب

[العلم والعالم]

بالنسبة للخطة القديمة التي 128 ساعة

لكي يتخرج الطالب هناك شرطين أساسيين

الأول : أن ينهي الطالب أو الطالبه جميع المواد المحدده عنده بالخطة

الثاني : أن لا تقل الساعات عن 128 ساعة

فمجرد توفر هذين الشرطين يكون الطالب متخرج

فلو نفرض أن طالب خلص 140 ساعة لكن يوجد لديه مادة من المواد المقررة في خطته لم يخلصها ففي مثل هذه الحالة الطالب ليس خريج حتى يدرس المادة المتبقية له حتى لو كانت ساعاته أكثر من 128

وعلى العكس من ذلك لو نفرض أن طالب درس جميع المواد المحدده عنده بخطته ووصل مجموع ساعاته 120 ساعة مثلا ففي هذه الحالة على الطالب دراسة مواد حرة وإختيارية حتى يصل الى 128 ساعة

حيث لا يمكن أن يتخرج الطالب إذا كان مخلص جميع المواد المحدده عنده ولم يصل الى 128 ساعة

وبالنسبة للأخت التي تقول أن مجموع ساعات المواد الحرة والأختيارية 14 ساعة نقول لها إذا كنتي مخلصه جميع المقررات الأجبارية أي المحدده في خطتك ومجموع الساعات المكتسبة لديكي لا تقل عن 128 ساعة فأنتي في هذه الحالة خريجه إن شاء الله

والطالبه الشامخه نقول لها إذا كانت مادة أخلاقيات العمل من المواد الألزامية الموجودة في خطتك فلابد من دراستها


أتمنى أنكم فهمتو كلامي

[الشامخة]

المشاركة الأصلية كتبت بواسطة العلم والعالم والطالبه الشامخه نقول لها إذا كانت مادة أخلاقيات العمل من المواد الألزامية الموجودة في خطتك فلابد من دراستها

يعطيك العافيه اخوي على التوضيح

لكن مادة اخلاقيات العمل مو اجباريه مادة لاكمال الساعات فقط

اصلا الخطه لقسمنا 127 ساعه والمفروض اتخرج بـ 128 هذا طبعا سابقا

قلت اغطي هذي الساعه بهذي الطريقه

[لحن الفرح]

السلام عليكم

والله معرف اختى كنت اتمنى اقدر افيدك

بس يا الشامخة مادة اخلاقيات عمل هي الفكر الاداري في الاسلام بس تغير الاسم لان كنت اخذ اخلاقيات عمل

وبالجامعة في مبنى الادارة والاقتصاد كانوا كاتبين ان الفكر هي الاخلاقيات فربطت
بس على العموم انتى تأكدي اكثر