من اهل الخبرة ساعدوني قبل موعد الاختبار بلييييز

[سعودية طموووحة]

انا اختباري الانجليزي كفايات بيوم29-12 نهاية الشهر والتقديم على الماجستير شهر3
واختبار القدرات بشهر4......
السؤااااال: كيف اقدر اقدم على الماجستير وانا اصلا ماختبرت القدرات؟
واذا لا قدر الله ماتوفقت باختبار الانجليزي اقدر اقدم مرة ثانية بشهر4 بس الاهم كيف اقدر اقدم عالماجستير شهر3 وانا اصلا ماختبرت القدرات واحتمال اعيد الانجليزي!!!.

ياريت احد يقدر يفيدني قبل موعد الاختبار مابغا يروح التقديم علي بشهر3 للماجستير .

ساعدوني اش اسوي بالضبط.


مشكورين الله يعطيكم العافية.

[فندام]

عشان تتضح الأمور عندك ياسعودية طموحة لازم تعرفي التالي
انو التقديم بشهر 3 وحيمتد لغاية شهر 5 وبكدا ماحيكون عندك اي مشكله بالنسبة لاختبار القدرات الي حيكون بتاريخ 19/4/1431 وحتى بالنسبة لاختبار step الي حيكون بتاريخ 20/4/1432 لوحبيتي تعيديه مره ثانية يعني تقدري تقدمي للماستر بشهر 3 والتقديم حيكون بتاريخ 1/3/1432 وبعد كدا تسجلي باختباار القدرات العامة الي حيعقد يوم 19/4/1432 وتقدري كمان تسجلي باختبار step الي حيعقد يوم 20/4/1432 اذا كانت درجة الاختبار الي حققتيها بالاختبار الي حتدخليه ان شاء الله يوم 29/12/1431 مو مقنعه بالنسبة لكي ماعندك اي مشكلة
اتمنى كدا تكون الصورة وضحت بالنسبة لكي وشدي حيلك اختبار step على الأبواب ابذلي قصارى حهدك وشيلي من بالك حاجة اسمها اختبار للمرة الثانية عشان تكوني جادة اعقدي العزيمة على تحقيق درجة عاليه بأول اختبار ولايكو دخولك لاختبار step يوم 29/12/1431 من باب التجربة او الاستكشاف خليه يكون من احل تحقيق درجة عالية عشان تنتهي من هدا الاختبار للأبد وتستعدي بعدها لاختبار القدرات العامة وبالتوفيق يا اختي

[سعودية طموووحة]

مشكوووووووووووووور والله ماقصرت ويعطيك الف عافية.