هل يحق لي حذف جميع مواد التخصص

[ام حمدان]

واااااااااااااااو قمة التهور

ماقصروا الاخوه والاخوات معك لكن حابه اقولك شي

عجبني تفكيرك رغم تهوره

انت تبي تعتذر عشان تطور نفسك وتدخل التخصص بقلب جامد ---تفكير سليم

لكن مااتوقع تحتاج اكثر من سنه ---كحد اقصى
انا كأنه فهمت انك تبي ثلاث اترام --راحه لتعلم الانقلش صح ؟
عموما انا اشوف سنه كفايه ادخل معهد كويس يأسسك صح واختار لتدريسك اهل اللغه الاصليين افضل لك

وانا متأكده بإذن الله انك راح تمشي فالتخصص زي الفل

تدري انا اكثر شي ندمت عليه من وقت مادخلت الجامعه اني مادخلت معهد يقوي لغتي زياده ---كان بذلت مجهود اقل من مجهودي الحالي :(
الحمدلله على كل حال

كلامي مو معناه انك فقط تحتاج لغه قويه عشان تمشي في القسم
انت ممكن تعدي المستوى الاول والثاني فالتخصص بأمتياز بالراحه اذا لغتك قويه
لكن من المستوى الخامس وفوق راح تبدا تاخذ مواد جديده عليك حتى لو كنت من اهل اللغه الاصليين
لكن الفرق انه لغتك القويه الي راح تكتسبها إن شاء الله خلال اجازتك راح تسهل عليك دراستها وتبذل فيها مجهود اقل من الي تكون لغته نص نص

يعني مثل كأنك تذاكر علم نفس او تاريخ او اي ماده اخرى تحتاج تبذل فيها مجهود طبعا لكن لو كنت ماتعرف العربي كويس راح يكون مجهودك فيها دبل تشتغل على لغتك وتتعب في ترجمة الماده +تحفظها وتفهمها

لكن لو كنت تعرف عربي راح تبدا تمسك الماده مباشره وتفهمها وتحفظها وماراح تحتاج تترجم الا نادرا

هذا مثال للتوضيح
اتمنى انك فهمت علي

بالتوفيق