استفسار عن التحويل من الطب للقانون (عنوان معدل)

[eshraq]

باختصار انا طالة طب توي مستوى ثالث وابغى احول للقانون لاني تعبت من الدراسه بالانجلش والمناهج كثير والدوام طويل وضروري احد يرد لي بخصوص التحويل وابغى تقولولي اي مبنى وغرفه اقدر اروح لهم واسألهم في كلية الاقتصاد والاداره في شطر الطالبات
رجاء رجاء رجاء رجاء ردوا
والله اللي ترد لادعيلها بالتوفيق دنيا واخره وادعيلها بالزواج اذا تبغي بس ابغى كلام مضمون الله يعافيكم

[بحر الحرية]

أهلين أختي..
لو تروحي بنفسك لعمادة القبول والتسجيل وتسألي يكون أحسن..
ومشاا الله بما إنك دخلتي الطب، فـ معدلك إنشاا الله يخليكي تقدري تحولي للقانون..

وأحس كلامك مرة متوترة من الشي داا.. بس تراا عادي مرررة، وإنشاا الله راح تحولي للتخصص اللي تبغيه، وإنشاا الله اللي لهم خبرة ف التحويل يجوو ويفيدوكي..

بس مقدماا روحي لنفس العمادة واستفسري من هناك احسن، عشان تعرفي الشروط، لانهاا غالباا تتعدل كل سنة من ناحية المعدل والاشياء دي..

بس كون إنك دخلتي الطب، إنشاا الله معدلك بالراحة يدخلك للقانون، لأنوو عند البنات المعدل غالبا من 4 وفوق..

شوفي كماان تابعي موعد التحويل الداخلي بين الكليات على داا الرابط:
http://admission.kau.edu.sa/AccessPa...ng=AR&SYS_ID=9

طبعاا الموجود دحين حق السنة الماضية، وحق السنة دي لساا ما نزل الموعد، بس إنشاا الله انوو مع بداية عام 1432هـ زي اللي حتشوفيه ف الرابط..
او بفرق بسيط بينهااا يعني..

الله يوفقك ويسهل عليكي ويخترلك اللي فيه الخير ياارب؛؛

[eshraq]

المشكله العماده قالولي قدمي طلب الترم الجاي
فاكيد معدلي راح يتزل وماحقدر احول

[كنق الغربيه]

وعليكم السلام

هلا بيك في قسم القانون

عادي تقدري تدخلي

يوم 12/28

على الاودوس وتختاري تحويل وتختاري كليه الاقتصاد والاداره

http://admission.kau.edu.sa/AccessPa...ng=AR&SYS_ID=7

[بحر الحرية]

^^

الأخت من كلية الطب عزيزي كنق، والتحويل داا ما يشملهاا..
موفق يارب؛؛
ـــــــــــــــــــــــــــــــــــــــــــــ

وأختي: بالنسبة لمعدلك بإذن الله ما راح يصير فيه شي، اجتهدي كتير وربناا إنشاا الله يوفقك..

المهم انتي قدمي واعملي وربناا ما حيضيع تعبك إنشاا الله..

بالتوفيق يارب للجميع؛؛