إسـتـفـسـار...

[AM00NA]

السلام عليكم .. كيفـكوون ؟؟
انا عندي استفسار صغنون وياليت القى اجابه ..
اولا: هل معدل 4.50 يدخلتي تخصص اشعه ؟؟
(( والله انا عارفه انو المعدلات تختلف من سنه لسنه بس اللي الدفعات اللي فاتت كم كانت معدلاتهم ))

ثانيا: كيف دراسة الاشعه الاغلب نظري او عملي ؟؟

وشكرررررراً مقدمــاً...

[لولا الامل]

مرحبـآ ياع ـسل.,

اووم سنتنـآ هذي اعتقد انهم وقفـوـآ على 4.4 بالنسبه للبناتـ بس مو اقل من كدـآ

وطبيعه الدراسه في جامعتنـآ تعتمد عـ النظري والعملي.,

سمعت من بنات السنه الماضيه انهم نزلـوـآ المستشفى من اول سنه تيرم ثـآني.,

بس عـلى دفعتنـآ اعتقد حننزل من سنه ثانيهـ >> مع اننـآ تسللنـآ خفيه هع

والدرـآسه مرـآآآ ممتعه .,!!

وربي يوفقك

[mdmr]

ياقلبي 4.6 معانا تمرييض
مب اشعه حتى يعني شدي حيلك او جيبي لك واسطه تشد ظهرك
والله يوفقك وييسر لك وتدخلي اللي تتمنينه يااارب

[AM00NA]

المشاركة الأصلية كتبت بواسطة mdmr ياقلبي 4.6 معانا تمرييض مب اشعه حتى يعني شدي حيلك او جيبي لك واسطه تشد ظهرك والله يوفقك وييسر لك وتدخلي اللي تتمنينه يااارب

انا واسطتــي ربـــي...
واللي فهمته انو الاشعه تطلب معدلات اعلى من المعدلات اللي يطلبها التمريض ولا كيف ؟؟
وشكـــرا ع الدعوات الحلوه ... الله يوفق الجميع ان شاءالله

[mdmr]

المشاركة الأصلية كتبت بواسطة am00na انا واسطتــي ربـــي... واللي فهمته انو الاشعه تطلب معدلات اعلى من المعدلات اللي يطلبها التمريض ولا كيف ؟؟ وشكـــرا ع الدعوات الحلوه ... الله يوفق الجميع ان شاءالله

تبين حلمك شدي حيلك وجيبي معدل مو بس حلو ولا حليو
جيبي 5 الا
والله يوفقك ياقلبي ...
الله معاااكي

[M!sS chocolate]

كثرت الأسأله ياآل التحضيري
بس ياللا حلو الواحد لمن يخلي له طموح ولمن يوصله يكون الوضع أحلى وأحلى

4ونص تدخلكي بالرااااحه واللي تقول 4.6 معاها تمريض يمكن هم كانوا يبغوا تمريض
أنا أعرف ناس معدلاتهم 4.6 وفي ناس أقل كمان ودخلوا أشعه..
خليني اتكلم بالنسبه الموزونه لأنو دخول التخصصات على حسبها وقفوا النسبه السنه دي
لكلية العلوم الطبيه على 89 وفي بنت اعرفها جابت 88 ودخلت علوم طبيه
كيف ماأدري بس انا قولت يمكن انها ماحققت النسبه الموزنه للكليه لكنها حققت النسبه الخاصه

مع الصوره حتفهمي بس انتي ياقلبي 4 ونص مررررررره تمام حاولي تشدي حيلك وتجيبي معدل
الترم هذا بما انك خطه أ وخطه أ ترفع المعدل وأسهل بكثييير من ب عشان لو طاح معدلكي الترم الثاني
وان شاء الله مايطيح تكوني قد اخذتي احتياطك من اول ...

وعلى فكره دخول الأشعه مايحتاج له معدل هو معدل القبول واحد للكليه لكن الأقسام أول يوم
يعطوكم ورقه تكتبي فيها اسمك واش من تخصص تبغي والكل يدخل التخصص اللي يبغاه
لأنو عددنا قليل السنه دي مافي ولا وحده دخلت كليه ماتبغاها وحتى اللي قبلها فلاتحمل هم الأشعه..

وأي سؤال انا حاضره ^_^

[MeeNo92]

مس تشووكلت.. استفسااار عن الصورة اللي حطيتيها :$

دحين "موزونة الكلية" هيا آخر نسبة قبلتها الكلية, والا كيف؟

واذا هذا صح , فـ إيش معنى النسبة الخاصة للطالب , والنسبة الخاصة للكلية ؟

سوري على الإزعااج :$ بس تعرفي الحماس الزايد :$

وسوري اموونا اقتحمت موضوعك :p

[do0ody-do]

حبيبي موزون الكلية يعني الكلية قفلت ع كم دي السنه ..

و موزونة الطالب نسبته من ١٠٠ .. نحنا تقنية مختبرات يعني فيها تغذية و علاج و أشعه وقف عند ٤.٥ او ٤.٤٥ شي زي كذا ..

انتي جدي وربي يوفقك

[do0ody-do]

النسبة الخاضع بالكلية يعني اخر نسبه ممكن توقف عندها الكلية يعني اقل من ٨٥ بالنسبة لكليتنا ما تقبل

أظن ٨٥ ما اذكر تلاقيها في الصورة

[do0ody-do]

الخاصه * و ع فكرة اذا كانو البنات مررررا شاطرات ممكن تقفل ع اعلى من دا المعدل

نحنا بكبرنا سنة ثانيه في كلية التقنية الطبيه ما نجي ٨٦ ع بعضها يعني كلاس رياضيات حق تحضيري شديلي حيلك