لمتخصصين تقنية معلومات ( it ) ..أهلاً بكم

[أحً ـآسيسـﮱ كـﮱـرومـﮱ]

السلام عليكم ورحمة الله وبركاته
وأسعد الله مسأكم بكل خير ..
وأتمنى أنكم في أتم صحتكم ، وعسى الله أن يديم عليكم ذلك ..
" كُل عام وأنتم بخير "
سنةُ جديده عسى الله أن يكتب لنا ولكم كل خير ومسرةُ ُ فيها ، وأن يجعلها لنا دائمةً بالصحة ِ والعافية
.
فالحقيقة لا أعرف من أين سأبدا ، لأنني في حالة من الأضطراب الدراسي سأضع لكم شي من سيرتي الجامعيه
أنآ من تخرجة من الثانوية العام الماضي وسجلت في الجامعة
وأنقبلت في أحدى الكليات التابعه لـ : جامعة الملك عبدالعزيز ، ودرست سنه تحضيرية والحمد لله كان معدلي .. ما يقارب للأربعة من خمسه فبدأ هاجوس التخصص يدؤر في مخيلتي ، فكانت التخصصات العلمية شاغره جميعها الأ أنني لاقيت نفسي في مجال الحاسب مدمن والحاسب هي وسيلة الترفية عن النفس والأستفادة الثقافية والتواصل العائلي
وحسب ما سمعت أن هالتخصص مطلوب جداً ونادر متخصصينه حيث : كان شبكات أو برمجه حبيته هالتخصص فكنت مفعم بالأجتهاد فيه بداية الترم الأول ألا وهو هذه السنه ولاكن " كيف سأفهم " وهناك مشكلتين .. الأ وهي :
1 / شرح الدكتور الغير مفهوم .
2 / والمصطلحات الأنجليزية .
فبدأت أُعاني من هذه المشكلتين إلى أن أنتصفت في هذا الترم ولله الحمد الأختبارات الماضية كنت مأخذ نصف الدرجه الكامله في مادة الحوسبة ومادة البرمجه ، مع العلم أني نزلة مواد قليله خوف أني أنصدم في صعوبات ويطيح معدلي فكانت خطة أنا أعتمدتها لأعرف ماهو تخصصي وماهو المطلوب فيه ، عموماً أتمنى من هالشرح الموجز أنكم فهمتوني وأفتهمتوا ما في بالي ، أنا أبي أنسان/ـه . أٍتفيد منها أستفيد عن اي معلومه في هذا التخصص ويا ليت من يقراء موضوع يحط نفسه مكاني ، لا تنسوني من دعاءكم ومساعداتكم . < بأنتظار الجميع ..
.
.
.
أخوكم العزيزين في قلبه ( abdalkareem alotaibi)

[it boy]

اي خدمة انا تحت امرك

[أحً ـآسيسـﮱ كـﮱـرومـﮱ]

المشاركة الأصلية كتبت بواسطة it boy اي خدمة انا تحت امرك

بعد ترقب مني وبعد أنتظار وبعد النظر إلى عدد المشاهدين للموضوع
وقلبي يتحرق : يقول وين الناس المتمرسين والفاهمين واللي لهم خبره
ومعرفه أدراكيه في هذا القسم ، ووين المراقب له والمجتهدين من الطلبه
والطالبات .. ولاكن لا ادري ماذا يحدث في هذا القسم ( it ) ..

عموماً شاكر لك ومقدر أهتمامك أخوي يا غالي وأن أفدىىى راسك
على ردك لي ويعلم الله أني فرحت فرحه شديده بكم وبردك اللذي أفتخر فيه
مني لك الشكر والأمتنان ، فمساعدتك لي سأحاول جاهداً أن أرد جميلها
أما بالدعاء أو أي أمر تطلبه مني ، لا أدري ماذا يدور بخاطري من أسئيلة
حول أي موضوع لانني في هذه الأيام ع استعداد لأختبارات الأسبوع القادم ..
الا وهي ..
( الحوسبه = مقدمه الحوسبه )
( والبرمجه = برمجه واحد في لغة الجافا ) ..
علماً بأني أول ترم لي في هذا التخصص ..
وسأطرح بعض ألأسئيلة لك يالغالي لتُجيب عليها ..
أنتظرني ..



تقبل ودي وأحترامي

[شكولا]

::

وعليكم السلام ورحمة الله وبركآته..

بالنسبة للمشكلتين اللي تواجهك حاليا.. واجهت معظم الطلاب قبلك..

أي قسم جديد عليك تواجه صعوبات في البداية شد حيلك شوي وبتمشي فيه ان شالله.. :)

* شرح الدكتور الغير مفهوم.. حاول تقرا السلايدات والكتاب وروح في الساعات المكتبية واساله..أو خلي واحد من الشطار يفهمك..

* المصطلحات الانقليزيه .. هذي بس في البداية وبعدين تتعود عليها كلها كم مصطلح في كل مادة وتتكرر معاك طول درآستك ..

حاول تفهم معناها بالانقليزي لانك اذا ترجمت كل كلمة بتضيع وقتك ومارح تفهم شي اصلا :)

المشاركة الأصلية كتبت بواسطة أحً ـآسيسـﮱ كـﮱـرومـﮱ [/size][/font] بعد ترقب مني وبعد أنتظار وبعد النظر إلى عدد المشاهدين للموضوع وقلبي يتحرق : يقول وين الناس المتمرسين والفاهمين واللي لهم خبره ومعرفه أدراكيه في هذا القسم ، ووين المراقب له والمجتهدين من الطلبه والطالبات .. ولاكن لا ادري ماذا يحدث في هذا القسم ( it ) ..

الحين الكل مشغول باختباراته وتسليم المشاريع ولا كان ماقصروا معاك الأخوان..





فالك التوفيق ان شالله..

[Shining Dragon]

سمعت عن الهيلب ديسك في الكلية Help Desk؟ في طلاب هناك لو سألتهم عن المواد والدكاتره والتخصصات راح يفيدوك ويعطونك من وقتهم الكثير بس أنت وريهم جدولك وقول لهم إيش تحتاج وإيش بتواجه من مشاكل وإن شاء الله ما يقصروا معك لأنهم ساعدوني كثير قبل كذا سواء في اختبارات أو شرح لمشاكل في البرمجة والله يجزاهم خير..

[الـجـلادMaLeK]

بالإضافة لما قالوه الاخوان

لا تقلق من الانجليزي والمصطلحات اللي فيه

ومثل ما قالت اختنا حاول تفهم المعلومة ولا تدور ورا الكلمة

اذا كان الدرس مفهوم عندك لا تددق على الكلمة

وغير كذا لا تقلق من التخصص او عدم فهمك فيه لإننا مثلك كلنا كذا

عادي انت خذ الدراسة وخذ الجامعة فصل فصل ومادة مادة

انسى اللي راح و ركز باللي معك الحين .. ولا تفكر كثير بالقاادم

وعيش اللحظة !!>> ؟ مو كأنه اعلان لحاجة ؟ هههه

بالنسبة للحوسبة والبرمجة دور لها اسئلة سابقة اتوقع موجود هنا بالمنتدى وتحصل موضوع مستر احمد عن البرمجة 202 جدا جميل ومفيد ما شاء الله واغلب الاسئلة مجاوب عنها

ما يبغالك الا شدة حيل

وبالتوفيق

[GirlDream]

اخوي ماده الحوسبه جد رائعه لاتفوتها عليك لان هيا اذا فهمتها كل شي جاي حيكون سهل بعدين الانقلش عمره ماكان مشكله كم مصطلح احفضها وبس واعرف بالزبط ايش هي بالكومبيوتر وايش وظيفتها ..
لا تفكر انه صعب ورح تمشي وتحبه بعد وإن شاء الله ربي ييسر لك الخير حيث كان ويوفقك

[أحً ـآسيسـﮱ كـﮱـرومـﮱ]

المشاركة الأصلية كتبت بواسطة shining dragon سمعت عن الهيلب ديسك في الكلية help desk؟ في طلاب هناك لو سألتهم عن المواد والدكاتره والتخصصات راح يفيدوك ويعطونك من وقتهم الكثير بس أنت وريهم جدولك وقول لهم إيش تحتاج وإيش بتواجه من مشاكل وإن شاء الله ما يقصروا معك لأنهم ساعدوني كثير قبل كذا سواء في اختبارات أو شرح لمشاكل في البرمجة والله يجزاهم خير..

بس وأنا أخوك ماني في جده ..
أنا في كلية العلوم والأداب بخليص ..
يعني : هالشباب ما يكون لي تواصل معهم ، أنا حاط أتكاليتي في معرفتكم
لأني عن جد أعاني من بداية هالتخصص أنا ودي أعرف كل شي فيه حاضراً ومستقبلاً
لاكن ما قصرتوا حَ : أغض الطرف عن الأشكالية فالأنجليزي ..
مشكور ومقدر حضورك وردك يا غالي تحياتي الخالصه لك ..

[أحً ـآسيسـﮱ كـﮱـرومـﮱ]

المشاركة الأصلية كتبت بواسطة الـجـلادmalek بالإضافة لما قالوه الاخوان لا تقلق من الانجليزي والمصطلحات اللي فيه ومثل ما قالت اختنا حاول تفهم المعلومة ولا تدور ورا الكلمة اذا كان الدرس مفهوم عندك لا تددق على الكلمة وغير كذا لا تقلق من التخصص او عدم فهمك فيه لإننا مثلك كلنا كذا عادي انت خذ الدراسة وخذ الجامعة فصل فصل ومادة مادة انسى اللي راح و ركز باللي معك الحين .. ولا تفكر كثير بالقاادم وعيش اللحظة !!>> ؟ مو كأنه اعلان لحاجة ؟ هههه بالنسبة للحوسبة والبرمجة دور لها اسئلة سابقة اتوقع موجود هنا بالمنتدى وتحصل موضوع مستر احمد عن البرمجة 202 جدا جميل ومفيد ما شاء الله واغلب الاسئلة مجاوب عنها ما يبغالك الا شدة حيل وبالتوفيق

يعطيك الف الف عافية على الإضافة يا بعدي ، ومشكور وكلام جميل وفي محله
لاكن بمجرد أني أخذ على روحي حبه حبه في هالتخصص أحس أن الدكتور يعطي
شي بدائي أحسه بداية الأمؤر : مع أن شرحه ممل أحس ما أخذنا شي بالبرمجه ومقدمة الحوسبة .
ومشكور لك على اللفته منك عن الأسئيلة المتواجده هُنا ..
ودي وتقديري لك ..

[أحً ـآسيسـﮱ كـﮱـرومـﮱ]

المشاركة الأصلية كتبت بواسطة girldream اخوي ماده الحوسبه جد رائعه لاتفوتها عليك لان هيا اذا فهمتها كل شي جاي حيكون سهل بعدين الانقلش عمره ماكان مشكله كم مصطلح احفضها وبس واعرف بالزبط ايش هي بالكومبيوتر وايش وظيفتها .. لا تفكر انه صعب ورح تمشي وتحبه بعد وإن شاء الله ربي ييسر لك الخير حيث كان ويوفقك

كلام ( نصوح ) وأحساسك فيه عن تجربة .. مشكوره وما قصرتي يا غاليه
وأن شاء الله ح : كون متقيد في كلامك ومساعدتكم مني لكم ألف شكر حبايبي