فيه أمل ؟؟

[naif almaliki]

للاسف هالايام اي شي بالواسطة (فيتامين واو) يمشي حتى وان كان مستحيييييييييل

يعني لامستحيل مع الواسطة

[Dina-s-b]

يب في امل..
شوفي انا اقولك السنة اللي فاتت كانو كتير بنات على الترم التاني انصدمو بدرجاتهم فالترم الاول وراحو يطلبو انو يحولو من علمي لادبي..الجامعه رفضت فالبداية قالتلهم لاااا ماينفع وانتو اختبرتو ونزلكم معدل فالاودس..ما اعرف ايش صار بعدين وصارو يعملو للبنات اخلاء طرف..يعني يسحبو ملفهم من الجامعه وسجلوهم مرة تانية على انهم مسار ادبي..ودا كلو يحصل فواحد يوم بالكتير اتنين انا سويتها بس كنت العكس حولت من ادبي لعلمي فنفس اليوم استلمت بطاقتي :)
انتي على بداية الترم التاني تعالي للفرع حقنا السليمانية
وقوليلهم ابا احول ادبي هما حيزبطوكي وازا قالولك لا قوليلهم ليه ما تعملولي اخلاء طرف وتسجلوني مرة جديدة على اني ادبي..!!
وعموما اتوقع انا انو زي العام حيكونو كتير اللي يبغو يحولو فما راح تلاقي مشاكل :)
بس حاولي تروحي من بدررررررررررري عشان تلحقي تلاقي مكان..لانو السنة اللي راحت كتير بنات ماقدرو يحولو لانو الجامعه قالتلهم انو الادبي اكتفى وصعب يسجلوهم :) فروحي من بدري وكلميهم من بداية الترم :)

[آحم p:]

خلاص مايمديكي تسحبي للاسف

[نعنآعـه]

naif almaliki ...

واللي ماعنده فيتامين وآآآو يقشر بصل ؟؟

Dina-s-b ..

الله يسعدك رفعتي معنوياتي بس انا اعتبر شايله ماده عادي برضو يسولوولي اخلاء طرف ؟؟


آحم p:
شكراااا على التحطيييييم

[Dina-s-b]

ايوة بالعكس المفروض انتي اكتر وحدة يسوولك لانك حاملة مادة يعني ابدا وضعك مو ماشي..
هما لمن يسوولك اخلاء الطرف يسحبو ملفك ويرجعو يسجلوه..ببطاقة جديدة يعني وكل شي جديد حتى المواد المشتركة بين العلمي والادبي حتعيديها زي الانجليزي والاتصال والحاسب :)
الله يوفقك ياحلوة وقبل لا تعملي اي حاجة استخيري :)