مارأيكم بالسنه التحضيريه

[ro0o0da]

من الاخر وبكل اختصار هاذي السنة ما سواها لمصلحة الطلاب او عشين يشوفو قدرات الطلاب او يوزعو الطلاب على الاقسام بطريقة صحية القصد واضح الجكاية كلها انو الجامعة قبلت عدد كبير جدا من الطلاب والطالبات عشين تجامل وزارة التربية والتعليم بانهم قبلو الطلاب وبعد كدا الطلاب ما سار لهم اماكن في التخصصات لانو العدد هائل فا اضطرو للسنة ذي عشين يمسحو الطلاب من الجامعة.
بس صراحة الحل ذكي بالنسبة للجامعة لانو اعتقد انو ماراح تنتهي هاذي السنة الا والجامعة مصفية الطلاب بدرجة70%يعني ما بيبقى الا ثلاثين بالمية بس وامكن بالكثير.
بالعقل واضح انو في خطأ بالنسبة ليا اعتقد انو الخطا من الجامعة لانها قبلت هاذا العدد من الطلاب
لكن ايش ذمب الطلاب ؟ ليش الجامعة تحاسب الطالب على غلطها؟ليش الجامعة تفاجا الطالب بمستوى الصعوبة ؟ليش ما بينت من البداية للطالب هاذا الشي زي جامعة البترول مبينة للطلاب مستوى الصعوبة عشين لحد يدخل ويلومها طيب ليش جامعتنا ما بينت لنا هذا المستوى من البداية؟ليش بتضيع على كل طالب سنة كاملة من حياتوه؟وفي الاخير السؤال اللي نفسي اعرف جوابوه والاهم
ليش الجامعة بتحاسبني على غلطها؟
واتمنى محد يقول الجامعة تبا مصلحتنا او تبا توزع الطلاب او تبا تعرف مستوياتهم لانو كل منسوب فيها يالله نفسي نفسي من اصغرها لاكبرها للي جاب فكرة السنة ذي يعني ما في احد يبا مصلحة غيروه
طولت معا الحماس
حسبي الله