ممكن دقايق من وقتكم ابغى اسوى معكم زي interview عن لبس العباءة داخل الجامعة مساعدتكم

[ملكة الليل]

حبيباتي عندي مادة رايتنق 2 خلاص فالموضوع اللي راح نتناولة هو تأييد او رفض لبس العباءة داخل الحرم الجامعي ففي كم سؤال جاوبولي عليه عشان اعرف رايكم وعلى اساسة ابدء موضوعي فبليز اللي تأيد هذي القضية تقول انا اايد ولا ارفض وليه اوكي
-هل توافقي على مبدء لبس العباءة داخل الحرم الجامعي ؟ نعم او لاء ؟مع ذكر السبب؟
-للاشخاص الغير مؤيدين مالحل في نظرك للتخلص من هذة الظاهرة ؟وما الأجاءات الازم اتخاذها مع الطالبات اللاتي يرتدين العباءة في الفصول الدراسيه وخارجها ؟
-هل فعلا لبس العباءة يسبب الإكتاب للطالبات الأخريات وللاستاذة ام لاء ؟
اللي تعرف متى بدأت هذة الظاهره في جامعتنا تقول
-هل اتباعالموضة والتنويع في اللبس سبب في ذالك ؟ وهل في طالبات مستواهم المادي مايسمحلهم يغيروا في اللبس كل يوم فبالتالي يريحو نفسهم بلبس العباية ؟ اذا في اسباب اخرى اكتبوها
الله يسعدكم ابغ شرح تفصيلي بليز وابغ اللي تكتب عالاقل تكتب الكليه اللي هي منها لان الاستاذة تبغ اسم الطالبه اللي عملت معها المقابله وكليتها والمستوى الدراسي مستجدة او متخرجة فياليت اي معلومه من هذي اذا بامكانكم تزودوني بيها لا تقصروا

[beautiful soso]

-هل توافقي على مبدء لبس العباءة داخل الحرم الجامعي ؟ نعم او لاء ؟مع ذكر السبب؟
نعم في داخل الحرم الجامعي
ولا في قاعات المحاضراتوووووووووووين احط عبايتي مافي ااماكن مخصصه للعبايات عشان كدا خليني لابستها احسن:)
-للاشخاص الغير مؤيدين مالحل في نظرك للتخلص من هذة الظاهرة ؟وما الأجاءات الازم اتخاذها مع الطالبات اللاتي يرتدين العباءة في الفصول الدراسيه وخارجها ؟


-هل فعلا لبس العباءة يسبب الإكتاب للطالبات الأخريات وللاستاذة ام لاء ؟

ما اتوقع يسبب مشاكل من هادا النوع>>>>>> اكتئاب <<<<<<< :)

اللي تعرف متى بدأت هذة الظاهره في جامعتنا تقول

ما اعرف بس انا لما دخلت شفت كل البنات لابسينهاااااااااااااا<<<<<< علطووووووووول مشيت معاهم

-هل اتباعالموضة والتنويع في اللبس سبب في ذالك ؟
لا ما اتوقع
وهل في طالبات مستواهم المادي مايسمحلهم يغيروا في اللبس كل يوم فبالتالي يريحو نفسهم بلبس العباية ؟ اذا في اسباب اخرى اكتبوها

ممكن صح كلامك

الله يسعدكم ابغ شرح تفصيلي بليز وابغ اللي تكتب عالاقل تكتب الكليه اللي هي منها لان الاستاذة تبغ اسم الطالبه اللي عملت معها المقابله وكليتها والمستوى الدراسي مستجدة او متخرجة فياليت اي معلومه من هذي اذا بامكانكم تزودوني بيها لا تقصروا

[queen angel]

-هل توافقي على مبدء لبس العباءة داخل الحرم الجامعي ؟ نعم او لاء ؟مع ذكر السبب؟
نعم ,, أوافق

لأنو مافي اي سبب يؤدي للرفض ,, وغير كذا مافي مكان نحطها فيه غير انو نشيلها طول الوقت في يدنا ,,

-هل فعلا لبس العباءة يسبب الإكتاب للطالبات الأخريات وللاستاذة ام لاء ؟

ممكن يسبب للبعض لكن مو الكل ,,

-هل اتباعالموضة والتنويع في اللبس سبب في ذالك ؟ وهل في طالبات مستواهم المادي مايسمحلهم يغيروا في اللبس كل يوم فبالتالي يريحو نفسهم بلبس العباية ؟

نعم اعتقد هذا من احد الاسباب اللي تخلي الطالبه تلبس عبايتها ,, وممكن الماده كمان تكون سبب ثاني ,,

وغير كذا انا عن نفسي اكون لابسه عبايه عشان مامداني مثلا اجهز نفسي من قبل وحتأخر عن الجامعه فـ العبايه

الحل الاسرع لمشكله زي كذا ,,لانو اللبس ياخذ من وقتي كثير ,,

مافهمت قصدك ايش بالكليه بس ع حسب فهمي انا من كلية الآداب ,,

أتمنى اكون افدتك ولو بشي بسيط ,,

موفقه خيتو ,,

[شيري الحيرانه]

انا عن نفسي اكون لابسه العبايه لانو مافي مكان احطها فيه ومو من قلة الاشياء اللي معايا وبشنطتي عشان اوسع مكان لعبايتي
بعدين فيه بنات الله يهديهم ما يهتموا بأي شي وممكن تطيح عبايتي لو كانت محطوطه بمكان معين عشان ببساطه تحط شنطتها دقايق
وتجي التانيه تدعسها بكل لا مبالاه
وهادا شي يخلي عبايات او طرح كتير من البنات تضيع او تتوسخ

فعشان كدا انا اشوف الموضوع حرية شخصيه
اللي راح تشيل عبايتها تشيلها
واللي مرتاحه فيها ليش البقيه يزعلو
الاستاذات والاداريات عندهم بدون شك اماكن آمنه لعباياتهم عشان كدا هما مو مضطرين يلبسوها

الموضوع مالو علاقه بالموضة او أي شي تاني
الموضوع ببساطه لو فسخت عبايتي فين أحطها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[شيري الحيرانه]

وكمان صح كلام كوين انجل
احيانا الوحده تكون متأخره ومافي وقت أجهز نفسي

[ملكة الليل]

عن جد شكرا شيري وكوين انجل و بيوتيفل سوسو ارائكم متفقة كثير مع راي عن جد مرسي والله يوفقكم

[طالب جامعي 90]

السلام عليكم

ملكة الليل...


سؤال واحد الله يحفظك فقط وارجوالاجابه بنعم اولافقط؟!

وهل الاصول فى الشرع تنقاش؟

وشكرا لكــــــــــــــــــــــــــ

[ملكة الليل]

عزيزي طالب جامعي الحديث يدور ليس على مبدا لبس العباء في الشارع بل في حرم الجامعة امام الاناث اصبحت الطالبات بدل ان ترتدي الطالبه تنوره وبلوزه مثل اي طالبه جامعية اصبحن يرتدين العباءة طوال الوقت في حرم الجامعة مع ان الجميع اناث وليس من الضروري لبسها والاستاذات والمسؤلات اصبحن يتضايقن من هذا المنظر للطالبات هذا الموضوع اللذي يدور حوله الحوار عزيزي

[هذآآآ انا]

دع الخلق للخالق ....
ونصيحه اخويه دوري لك موضوع غير هذآ لآنو حريه شخصيه والنقاش فيه اشبه بالوقت الضائع ..

دمتي .

[DyA]

الصراحة عن نفسي احس عدم ارتداء العباية داخل الجامعة احسن واريح لان جونا مايساعد على انه نلبس عباية سوداء ونمشي تحت الشمس "مجرد راي شخصي" ^^