معادلات الدرجه التانيه ..<<بليز احد يساعدني ..

[بقايا شتات]

شوفي يا حلوه انا بحاول اكتبلك شرح مبسط عشان تفهمي
بس ان شاءالله تفهميني لان ما اعرف اكتب بالمنتدى رموز بصراحه
دحين معادلات الدرجه التانيه في مجهول واحد
هي لها قانون عام ولازم تحفظي زي اسمك
X=-bموجب او سالب جذرbتربيع -4ac قسمه 2a
راح تلاقي القانون واضح في ص 193
ماتحت الجذر الي هو bتربيع -4ac (يسمى المميز )
وله ثلاثه حالات
1/ اذا كان bتربيع -4ac اكبر من الصفر فان للمعادله جذرات حقيقيان مختلفان يعني للمعادله لها حلين بيطلع معاكي بالنهايه
2/اذا كان bتربيع -4ac يساوي الصفر فان للمعادله جذران حقيقيان متساويان يعني بنهايه الحل لما تعوضي بالقانون بيطلع لكي حلين متساوين
3/اذا كان bتربيع -4acاصغر من الصفر فليس للمعادله جذور حقيقيه
بيتضح كلامي لما احللك مسئله
مثال 1 ص 193
حل المعادله xتربيع -3x+2=0
والمعادله واضحه في الكتاب
اول شيء تطلعي a=1 .b=-3 .c=2
ثاني شيء تحسبي المميز الي هو تحت الجذر بالتعويض باaوbوc
المميز اتفقنا انه bتربيع -4ac
هنعوض بمعنى اننا نشيل b ونحط مكانها-3
ونشيل aونحط 1 ونشيل cونحط 2
وتحسبيها بيطلع الناتج 1 والواحد اكبر من الصفر واحنا عندنا في القاعده اذا كان العدد اكبر من 1 اذا للمعادله جذران حقيقيان مختلفان
يله دحين راح نعوض في القانون طبعا القانون موجب او سالب
يعني مره راح تعوضي بالموجب
ومره بسالب
X=-(-3)+جذر1 قسمه 2ضرب1
بيطلع الناتج 2
نعوض مره بالسالب
=-(-3)-جذر1قسمه 2ضرب1
الناتج طلع 1
اذا احنا حققنا القاعده الاولى بيطلع جذران حقيقيان مختلفان هما 2.1
وعليه باقي المسائل احفظي القاعده وطبقي ان شاءالله بتفهمي
مادري احس شرحي مو قد كده بس ان شاءالله اكون افدتك