مابـه جديد

[مو عادى]

مابه جديد!!

كل الوجوه بلوحة الذكرى تشابه

حتى أنا مثلي أنا

اخرج من المألوف وادخل فالرتابه

والحبيب اللي جرحني

ماجرحني لين علمني بضمير

كيف اقطف يانع الجمر من سدرة غيابه

واحرث عيوني مواسم للخريف

وكل ماشفت الفرح ابيض مثل ذيك السحابه

ابتسم واقول صدقني سحابة صيف

كوّنها بخار الدمع من بحر الكآبه

مابه جديد!!

الأسئله شذّت عن الفطره

وقامت في عتيم الليل تنكح بعضها

والسما تمطر بفكره

والخيال الخصب ينبت ارضها

والاجابه بكر فالعشرين

تلمس نهدها شهوه وتسرح ربع ساعه

ربع ساعه لين تشهق بارتعاشه

مبروك يانار الشذوذ

هذي هي ماتت على شانك فراشه

مابه جديد!!

العيد

شباك السنه الموصود

وخلفه صبايا والف عطر وشال

متى تجي وتفتحلهم

ياسيدهم شوال

مابه جديد!!

ملتقى الاسمنت والجدران

ياذيك الزوايا

بس احيانا تكوني

منفى للانسان او مرمى هدايا

مابه جديد!!

من رتّب حروف الهجا

مافيه خير

من جلّس الهمزه هناك

ورحّل اليا للاخير

مافيه خير

لانويت تناجي ربك قلت: يــــــا

ولا بغيت تنادي خلك قلت: يــــــا

ولاطغيت وصرت تملك كل حاجه احتجت يــــا

شفت ياخي وش كثر حنّا اوفيــــا؟!

مابه جديد!!

ياوطن هذي جروحي

قوم غنّ

والله مــ اخونك ياارضي

حتى لو بعتيني بابخس ثمن

هجّري ضلوعي قرى

ابني من دمي مدن

نصفي لك وقت الرخا

كلي لك وقت المحن

مابه جديد!!

دين

حريه

حداثه

انا واحد واعتنق فكر الثلاثه

مابه جديد!!

__________________

[northstar]

غريب هو ذلك الشعر


ومافهمت مغزاه ممكن توضح لي؟؟

وسلمت يمناك

[.+. LaMa .+.]

/


..


سلمـت يداكـ

[شــفــافـــة]

حــقــا انت لست عادياً

وليس ماتقوله عادياً

اسلوبك الرمزي العذب يحث الفكر والوجدان

يسلبنا منّـا برهة ثم يعيدنا ... ولابه جديد!



((الأسئله شذّت عن الفطره

وقامت في عتيم الليل تنكح بعضها

والسما تمطر بفكره

والخيال الخصب ينبت ارضها

والاجابه بكر فالعشرين)) <<<لم استطع فك رموز هذا المقطع

ليتك توضح لي مغزاه

حقاً بكل المقاييس ... لست عادي


تقبل مروري

[عزوز-111]

صح لســـــــــآنك

[مو عادى]

مشكوره أختي شفافه

أسف جدا على التأخير

(الأسئله شذّت عن الفطره

وقامت في عتيم الليل تنكح بعضها)
تكون الأسئلة شاذه بكونها تنكح بعضها

والمفروض تنكح الأجوبه


تقبلو تحياتي
مو عادى

[AbO FahaD]

مابه جديد!! ياوطن هذي جروحي قوم غنّ والله مــ اخونك ياارضي حتى لو بعتيني بابخس ثمن هجّري ضلوعي قرى ابني من دمي مدن نصفي لك وقت الرخا كلي لك وقت المحن مابه جديد!!

ابداع ابداع ابداع

كل ماقرأت سطرا شدني لاقرا الذي يليه


بصراحه انت مانت عادي

[هذيان]

لا جديد ...!

الجديد أنت ...!

نص مفعم .. روح تنقلت بين أجسادنا لتحاكيها ...!

بودي لو جدد الكاتب في سياق نصه الجميل أحداث أمور أشياء ... جديده يواصل بها روعة النص ويخلص إلي سرد للواقع المعاش و طرح أفكار جديده لعيش أفضل ... !

في الأخير لكل شخص فلسفته في استحداث و تجديد نفسه ... لكني أمؤمن بفلسفة الكاتب هنا ... !

أثرت أحرفي ... !

لا فض فوك ... !

[مو عادى]

مشكورين على المتابعه
والتعليقات الأجمل


مو عادى

[قد ايش طشت ومانفعني طيش]

هنا ثورة الشعر

ومابه جديد