ممكن طالبه تتكرم وتفهمني !؟؟

[Class g!rl]

حسب لو تخصصك المفروض تتدربي في بنوك , يصير تروحي بنوك
لو تخصصك اداره خدمات صحية ومستشفيات يصير تروحي اي مستشفى بس بشرط يكون حكومي
القانون بالنسبة للبنات الترم قبل الي فات ماكانو يتدربو ولا في مكان !! لان مكاتب المحاميين صعب يستقبلوهم اعتقد مو مسموح او شي زي كدا الا لو تغير الوضع دا الترم , كانو ياخدوها محاضرة عادية لوول
اممم اش كمان

الساعات المفروض 60 ساعة , بس صحبتي اخدتها في الصيف وتقول ماوصلت ولا حتى 30 ساعه مررررة كان قليل , بس ماادري عشان صيفي دا استثناء ولا دايما كدا

طبعا لازم تدوري على دكتورتك الين ما تلاقيها عشان هيا تقولك كل التفاصيل بالنسبة لهيا اش تبغا منكم في البحث حق المادة , وعن اي شي تحبي تسألي عنو وتاخدي المعلومات من مصدرها الصحيح بدل كلام البنات الي نصه صح ونصه مدري من فين جاي

انا اخده المادة دا الترم , ورحت لدكتورتي بس ماقالتلي شي مهم ولا سألتها لانها حتقولنا في المحاضرة , والمحاضرة هيا ماراح تجيها على الموعد حق الجدول قالت راح تعلن لنا متى نجيها , في وحدة مسؤولة عن اوراق التدريب الي تختمي من عندها وزي كدا يممممكن تديكي وجه وتقولك حاولي تروحيها اسمها نادية , مكتبها في التاني تحت مقابل لمكتب وكيلة الكلية