الي اخذت مادة اختيارية تتفضل ( كيمياء حيوي )

[NoNa al7ellwa]

بنات حبايبي

ابغى اسأل عن اسهل المواد الاختيارية و مين يديها و طريقة الاسئلة

لاني صراحة اخذت ايض عقاقير بدون ما اسأل و ندمت مادة جدااا صعبة و كريمة كمان ما تقصر تزيدها

انا عن نفسي اخذت تقارير مع مونزا الحمدلله ماشيه المادة مو صعبة و الدرجات كانت اعلى مما اتوقعنا الحمدلله

و اخذت ايض عقاقير و صراحة مررره ما انصح فيها

و زيدوني من علمكم

[heba almosa]

انا اخدت مصطلحات >> المادة مرة حلوة وسهلة وتفيدك كتير

بس اتوقع كانت الترم دا مقفلة عشان د. هالة غانم سافرت ..

كمان اخدت تطبيقية مع مونزا بصراحة اللاب مرة يجنن لكن المادة سيئة نوعا ما كلامها دش ما كانت كدا مع د. نجلاء

[كتكوته؟؟؟]

طيب بنااااات افيدونا وياليت تحطون لنا كمان رموز المواد الاختيااريه
وكم سااعه الاختياااري
وهل خلاص نزلت الشعب >>طوولت بالاسئله اعذروني

[BUTTERFLY.2009]

انا كمان الترم الجي ان شاء الله ابغى احذ مواد اختياريه وسمعت
مناعه مع د سوسن محاسني مره حلو
سرطانيه مع ارشنا
وبفكر اخد تقارير مع مونزا بس ابغى اعرف عن ايش تتكلم

[معالي]

انا جربت موضوعات والحمد لله كانت حلوة واما ايض عقاقير ما انصح بها
الله يسامح الدكتورة كريمة

[بيو كيميائية ^_^]

موضوعات مرة حلوة بساعة وحدة

هرمون بساعتين مرة حلوة دسمة تحتاج حفظ لكن حلوة وممتعة والدرجات جدًا حلوة

مصطلحات مافيه الحين أحد يمسكه

[شقاوهـ حلا]

تبغى درجات وشرح حلوة ومنهج اروع
سرطااااااااااانيه مع منزا وخذي الاسئله من البنات نفسها تجيب
مصطلحات حلوة تستفيدي منها
هرمون درجات حلوة بس منهج شويا دسم
تطبيقيه مرررررررررة سيئه المنهج مرة مرة مو حلو ومعقد
سموم مررررررررهـ حلوة
حاسبويه حلوة لو لك مود للحاسب

[معالي]

بنات ياليت تكتبوا الرموز

[NoNa al7ellwa]

http://sciences.kau.edu.sa/Files/130/files/5035_Study%20Plan%20Bioc.pdf

هذا الرابط فيلوو كل المواد الاختيارية و رموزهااا

بس بنات ابغى اسأل مادة موضوعات تتكلم عن ايش ؟؟

[lula_aa]

طيب سؤال ياحلوين هل صحيح ان سرطانيه ما تديها غير ارشينا؟؟؟
وترا بالمناسبه ابشر البنات اللي يبغو ياخدو تنظيم ايض السمستر الجاي ترا ارشينا حتمسكه هيا قالتلي بنفسها بس انا للاسف لسه ما اقدر اخده لاني لسه ما اخدت ايض2