ويا شينها .. أصلا بقى شي ما شـان ..؟ .......... هذي الليالي طبعها مدلهمهـ

[Al-general]

ياشينها لا صرت معجب و ( خجـلان )
............... خوف المصـارح لا يجيـب المطمّـهـ
اخاف اصارح بالغلا ( ذاك الإنسـان)
............... و ينقلـب ( جـوو المصـارح مذمّـهـ )
ويا شينها لا صرت مغرم و ( زعلان )
............... محد ٍ يراضـي قلبـك و ( محـد يمّـهـ)
وان رحت محد ٍ قال لك: (وين يافلان)؟
............... روحتك مع جيّتك .. ماهـي مهمّـهـ
ويا شينها لا صـرت عايـش بحرمـان
............... مثـل اليتيـم اللـي فقـد شوفـة أمّـهـ
ماخوذ حقّه وانظلـم شـوف الأعيـان
............... واللي اظلموه (عيـال لحمـه و دمّـهـ )
ويا شين صاحب دربك (ان صار ثعبـان)
............... لا هو تركـك و لا نفـث فيـك سمّـهـ
كنّـا خويّـا وانتسمّـى (بـالأخــوان)
............... واليـوم أسمـه بأخبـث النـاس سـمّـهـ
ويا شينها لا صـرت ناجـح و ندمـان
............... وصلت قمّه ( وغيرك بأعـلاا قمّـهـ )
مثـل الإمـام .. العالـم بفقْـه الأديـان
............... يومه نجح .. والكـل صـاروا ( أئمّـهـ )
ويا شينهـا لا صـرت تايـه وحيـران
............... وسط الطريق .. و باقي ٍ فيك همّـهـ
ودّك ترووح .. وآخر الـدرب مـا بـان
............... تخاف تمشـي .. ( ثـم تغشـاك غمّـهـ )
ويا شينهـا لا صـرت مبلـي ومنهـان
............... و العلـم كلّـهـ .. مـن اكاذيـب نـمّـهـ
مـا فيـه ضـدّك لا دلايـل وبرهـاان
............... ودخّـان نـارك (مستحـيـل) ٍ تشـمّـهـ
ويا شينها لا صرت مـن روس الاعيـان
............... ثـم تنقلـب فـي نظـرة النـاس رمّـهـ
(ويلااااهـ) يا وقـت ٍ نـوى لـي بعصيـااان
............... أثـر الزمـن يـا نـاس مـا فيـهـ ذمّـهـ
ويا شين طرد المقفْي لـو كنـت ولهـان
............... ياخـذه شيطـان الغـرور و يخمّـه
يظـن انّـك هايـم ٍ بـه وشفـقـااان
............... ما يدري انّه لـو (فطـس) ... مـا تهمّـهـ
وياااشين مـن معاشـر قليليـن الإيمـان
............... درب الهداية .. لا .. أبـد ... مـا تتمّـهـ
الخلْق سجـن وصاحبـك فيـه سجّـان
............... والعلم خال العز .... ( والجـود عمّـهـ )
ويا شينها .. أصلا بقى شي ما شـان ..؟
............... هـذي الليـالـي طبعـهـا مدلهـمّـهـ
الشيـن والله شيـن غاليـن الأثـمـاان
............... لا قام كـل ٍ رافـع ٍ فـوق فمّـهـ
( ويا زينها ) لا صرت لاهـي و طربـان
............... وحبـل القصايـد يرتجيـك و تلـمّـهـ
يا ليل دانه .. ليل دانـه .. لا لا .. دان
............... ما فيه ثـوب ٍ يستـر أطـراف كمّـهـ
يا زينها لا صرت معجـب و خجلان
............... تنثـر علومـك لـو تجيـب المطـمّـهـ

[سكاكر]

روووووووووووووووووووعه جنراااااااااااااااااااااال تسلم على هالقصيده وياشين اللي مايرد عليك بالردووود في هالقصيده ^_^

[Al-general]

وياشين اللي مايرد عليك بالردووود في هالقصيده

والله حلوة . نسيت اكتبها في القصيدة
وبعد .. يازينها لو يردون على هالقصيدة
بصيغة اخرى
ههههه
مشكووووورة سكاكر .. لك مني اجمل تحية

[الراسي]

وياشينها لاجيت هايم و ولهان
مستعجلٍ تبغي تجيد المهمّـــــه

وتسجِل بلقيا الأحبه وخــــلان
ما تحمله من شوق حدر الاعمّه

ويصدّ عنك والوجه غـــضــبان
ولا حصل منك علوم تغمّـــــــــه

شكراً اخوي الجنرال911 على الإبداع

[Al-general]

مشكور اخ الراسي يعطيك العافية

[سمية السلمي]

قصيدة جميلة جدا

يعطيك العافية جنرال

تحياتي

[Al-general]

الاجمل مرورك مسهر اجفاني
يعطيك العافية