استفسار

the elegant · #1 31-01-2011, 03:47 AM

السلام عليكم ورحمة الله وبركآته

حآبه أسأل هل بإمكاني مراجعة ورقة الاختبار

أنا ناجحه في الليسنينق ع الحآفه مع إني متأكده إني حليت
يمكن الأورال ارتبكت فيه كثير
بس مااتوقعت الدرجه *_*

مين قد اخذته عند مس ايمان بوترعه
وكيف تحسوا إنها ممكن تراجع معايا الاختبار
ولا ماتتقبل وربي مصدووومه ع الآخر

وعندي بكره ريدنق خايفه منه
هذا وأنا حاله في الليسننق كذه صار

الله يهونها يآرب عليا وعليكم

#VIP# · 31-01-2011, 07:05 AM

نفس وضعك بالضبط وعندي بكرة اختبار ريدنق ومصدوووووووووووووومة على الآخر

بودي بكرة اروح لها واراجعها في ورقة الاختبار بس مترددة حاسة انه ماراح استفيد شي

ام حمدان · 31-01-2011, 10:40 AM

وعليكم السلام ورحمة الله وبركاته

نعم بإمكانك تراجعي ورقتك والخطوات كالتالي :
تروحي لسكرتارية القسم وتقوليلهم ابغى اراجع ورقتي وراح يعطونك ورقة تعبي بياناتك فيها واسم الماده والاستاذه وسبب طلبك لمراجعة الورقه وراح تتقدم كمعامله وراح يحددولك موعد مع استاذتك ويعلقونه عالبورد تبع السكرتاريه الي برى المكتب يااما قبل الدورة التأهيليله تبعكم بكم يوم او اول يوم او ثاني يوم في الدوره وطبعا الموعد يكون محدد اثناء الدوره وساعتها تتفاهمي مع استاذتك وتشوفي ورقتك

بالتوفيق

toofey · 31-01-2011, 12:12 PM

سوري ع المداخلة وانا كمان حليت بس حسيت ان الاستاذة مرة ماتراعي في التصحيح انا مع ريم سائحي
وبصراحة ام حمدان المشوار مرة طويل عشان اراجع ورقتي يعني ماني حمل البهذلة وفي النهاية الاستاذة يطلع معاها الحق وتقولي انتي حلك غلط ياليت في حل ثاني
الله يعوض علينا

استفسار

قسم اللغات الأوروبية و آدابها