عزيزاتي الطالبات -تفضلوا هنا وضعوا تجاربكم مع الاستاذات -

[نسيم الحجاز]

بالنسبة لموادي رغم انها مواد فالبداية الا انو رح اقول تجربتي
أورال كان مع أستاذة ريم السائحي بصراحة الأستاذة مرره رهيبة أستاذة فالشرح ماشاء الله شرحها فيلو صبر عالبنات ومرعاة لمستواهم واستاذة في تعاملها والصراحة رغم درجتي ماكانت عجبتني لكن مااحس ظلمتني لأنو السبب مني كنت متوترة جدا فترة الاختبارات وقلقانة فأثر على آدائي كليا
رايتنق مع أستاذة حنان الطرازي بصراحة الي تحب تفهم الرايتنق وتاخذ زبدة الحديث فيه فهو هنا مع استاذة حنان لانو ماشاء الله شرحها حلو ومرتب
والحلو في شرحها إنها تعطي توضيحات وتلميحات للأخطاء الشائعة الي يغلطوا فيها البنات وتعطيك تصور للاختبار تحسي انك تدخلي ونتي متوقعة الوضع وكلامي دا للي زيي أول مرة يختبروا ويكتبوا مقال
ومع إنوا درجتي مو أرضتني << إش يرضيكي بس إنتي !
إلا إنو أتوقع راعتني كتير لأني من الناس الي كتبت كلو بالرصاص ومامداني أحبر إلا برقراف واحد بس وحتى كتابتي بالرصاص لأنها مسودة ماراعيت فيها الاملاء وعلامات الترقيم لكن أقول الحمدلله عديت .

آخر شي الفرنسي مع عبير العامري أول شي بقول عنها انسانة واستاذة تعاملها حلو وتحس بالطالبات بشكل كبيير انو المادة جديده عليهم
شرحها طيب تحاول توصل المعلومه بكل وسيلة وأسئلة الاختبار كانت سهلة قطعة من الكتاب نفسها والباقي كلو معروف أساسيات لازم تجي وتصحيحها أخدت فيه الي استحقه واتوقع راعتني لانو حتى هو درجتو مو الي كنت اتمنى والحمدلله على كل حال