قرفان من التحضيري ؟! ( نبطحها على صفيح ساخن )

[خالد9921]

- السلام عليكم ورحمة الله وبركاته -

أشين شي لا ضربت بالفطور يوم الأربعاء حد الإنتفاخ
ولا قدرت تسوي شي بعدها
قلنا يا ولد يُوجد المنتدى ندخلّه ونغيّر جو
ومره وحده نكتب موضوع ينال إعجابهم
خاصة وانا انتظر تسكين جامعتنا ,, و بالهندسة عل وعسى تسكنّا ,, !
^
^

كل هالمقدّمة علشان تسكنّا

نقول بسم الله ..

ربي بلاني باللّقافة < لا أحد يحتك فيه
ومن خلال تجاربي بالحياة مرّيت بمواقف يفز لها القلب
ويندى لها الجبين ويطير منها المخ من زود الدلاخة !

وفي يوم من الأيام
وبينما أنا بحالي مالي من الشيطان طاري وبألحق على مواعيدي وأشغالي .. رن بمسج جوالي
طرت من الفرح وقلت أكيد مسج حلو وأنا أقول يا لالي يا لالي !
ولكن بمجرد قريت اسم المرسل حسّيت بإحباط شديد
كان المسج من صديقي الدفش وهو دفش أعرفه من 5 سنوات للأسف
ولا عمره تعامل معي عالموبايل بمكالمة أو مسج حلو بس يرسل لي call me
أكيد عرفتم الحين ليه حسّيت بإحباط شديد يوم شفت اسمه
ما أخفيكم فكرت أعرض عليه إني أخطبه من أهله
علّ وعسى يفرح بالخطوبة ويصير يصرف عليّ من جوّاله بدل الـ Call me اللي ذبحني بها 5 سنوات من المرارة ويا ليت على سنع :/

الا فيه منتدى للجامعه ادخله يمكن يعجبك ,, !

نرجع للـ Call me تبع الدفش واللي خلّتني ألبّق موتري بسرعة الصاروخ
عند أقرب صحراء ممكن إني ألقى فيها DSL
> هذا اللي فاهم الشبكة مشغولة غلط :p ,, !
واطقطق من لابي اللعين ماسك خط للمنتدى
فجأه لقيت واحد من الهنود ( عضويته مرصّعه بمعدلي مرره عالي يا ناسو عليه )
يفتي بواحد من المواضيع
واسمعه معصّب : ماما يلا سرعة سرعة بابا كلام تسكين طب واجد مستحيل
طبعا أًصابتني الحسرة وأنا أشوف هالهندي يتلسف بأدنى معرفه
: انتا سوي سوا بكا دعا واجد كلو مافي فايده التسكين هازا واسته
مما جعلّني بنهاية المطاف اتجّه للرعص ع أيقونة سجّل يا سنايدي ,, !
وأنا منثبر بالحسرة ولا ادري شنهو أحسن لي < يقاله طربان

دخلت المنتدى
وكان في نيتي أقول السلام عليكم إنّما تغيرت النيّة لــ هاي و ( يارب سامحني )
تغيّرت النيّة يوم إني لقيت نك في قمة النعومة والدلال
النك الذي أقشعرّ له بدني وكبست له عيوني وتطايرت له سموعي وطلعت معه قروني
يحلفون لو رميت عليه جبل كله كالكوليكس ,, قالت / آه ونص
وإن أصبعك لو حطّيته بمواضيعها بيطلع من الجهة الثانية لا محالة
كل هذا من زود النعومة والدفرة اللي شفته فيها
كان هالنك يرد عالهندي: طيّب كُمار قول لـ بابا حصّة بتشد حيلها وتدخل طب :)
أنا قلت بنفسي: كل هالدفرة والمعدل واسمها بالأخير حصّة ؟!
يالله ما عليه أهم شي المضمون ,, !

ما أخفيكم إني نسيت موضوع المنتدى اللي جاي علشانه
وجلست أناظر هالمنظر الطبيعي الخلّاب
> ويقولون السعودية مافيها أماكن سياحية ؟!
كانت البنيّة فاكّه موضوع وانها خايفه وقلقانه ورغم دفرتها تشوف دراكولا بالتيست بانك

مّما جعلني ابطح رد أقول فيه بكل دلاخة :
هاي .. بكم اشارك معكم ؟! < يبي يفتح موضوع بس مو عارف :o
ولكن البنت طناش ولا كأن أحد يكلّمها ولا عطتني وجه
تهئ لأنه كان يبان على عضويتي
اني طالب اغبى من جحا ومظلوم دايما :/ ولكني حقيقة اشطر انسان بالدونيا !

الواقع المُرّ ,, كان الهندي طالب كل درجاته ( رسوب بلس ) بالتحضيري
وكان يفتي بالموضوع ( بتحطيم ودجّه ما بعدها دجّه )
ممّا جعلني أفكر رويدا رويدا وأقول بس يا ولد هاذي فرصتك لمساعدة حصّه
طبعا قمت أناظر الموضوع بكل لقافة وظرافة مني
ومدري شلون زلت إيدي وحبيت أفقع أي كذبة المهم إني أسوي بلبلة واطمّن حصّة
نطقت وقلت حصّه كذاااااب ترى الهندي بيغى دراكولا حق التيست يمص من كتفك ,, !
ردّت علي حصّة
وهي تصيح : واااااي الميس حقتنا موزعه علينا بودي لوشن أليييم يشرّد دراكولا
بس الهندي قال : أيوه ماما مافي دراكولا إنتا مافي جوا طب لو موت دراكولا ,, !

عاد سبحان الله أنا ما ارتحت للهندي من يوم شفته
وكان عندي الحدس الأنثوي في إني بأخقق نفسية حصّه على ردودي !
وتمر الدقايق ,,,, مرة أخرى قمت أناظر الموضوع بلقافة أخرى
لأن الهندي كان يحطم بتحطيم اكثر من الماضي وبديت اعرفه من اسلوبه المفضوح !
فعلا كفشت الهندي بيوم من الأيام
هابق من إحدى المحاضرات
+ نصاااااب مسوي انا الشاطر وهو ما يعدي هووم ورك التدبير والخياطة !
+ حدّه كلية السباكه وتخب على عضويته الكذابه وانا الواد الشاطر بعد !

هالمرة صدق ..- بعيني ما أحد قالّي - :)
عاد أنا ما صدّقت وقلت : حصّة الحين وربي ينصب عليك نصبه جديده
ودليل صدقي إنّ في وحده من صديقاتك معك بكل الكلاسات ودايما درجاتها A
شعرها قابل للإشتعال وينفع نخلّيه مكنسة وقت العزايم
الخصوصي حقتها اللي هيا جارتي تقولي عندي طالبه ما اخذ منها فلوس
بس شعرها علشان اكنس بلاط بيتي وبضعة ريالات لملخصات الباشا بركات ,, !
هنا حصّة تأكدت إني صادق بدلالة شعر خويتها اللي كنّه مكنسة جدّتي ;)

ممّا أصابها بإغمائه مُفاجئة وطاحت علينا وسط المنتدى فاقدة للوعي
خذيت يد حصّة وقمت أسوي لها تنفس صناعي واحل لها اسئلة هوم وورك الماث
حسيت وقتها إني تيس في لحظة حنان غير طبيعية :o
وما أنكر رصّيت خشتي بمخّها
وجلست أنفخ وأنفخ وأنفخ وانصح وادفها ملخصات وانواع الآمال ,, الخ !
لين تركت الخوف واليأس الحمدلله
وأنا مازالت أنفخ وأنفخ وأنفخ
وهي خلاص سلّمت الهووم ورك وبدأت تجيب درجات عالية وتحسّن الحال !
حيث قلت بنفسي يا ولد عيش هاللحظة الحلوة اللي ما راح تتكرر بحياتك أبد
ثم مسكت بإيد حصّة وشبكتها بأيقونة تسكين ( حطي طب بسهوله راح يجيك )
وبالإيد الثانية امسكي احسن الملخصات واشتغلي يوم بيوم ولا تيأسي ربك كريم ,,
كانت حصّة دايخة كثير كثير من فرحة تسكينها بالطب وما تدري وين الله حاطّها
يعني بالعربي دلّيتني ع طريق الطب السهل وجزاك الله خير
هنا ارتحت و آن لقروني العزيزة ان تستكن قليلا ,, !

وجينا طالعين من الموضوع اللي باطحته بالمنتدى وانا مرره كيذا > (:

ونلقى الناس بالمنتدى ملتمّة علينا ومتجمّعة أمّة محمد وحوسة
أنا قلت بس ميّت ميّت اليوم يا ويلي :(

أثر إن الناس متجمّعه تصفّق لي وتحييني على العمل البطولي في إنقاذي لـ مستقبل حصّة بعد الإغمائة والكذبة اللي تعرّضت لها ..!
ومن بكرة بتجي الجريدة تصّورني على هالعمل الإنساني اللي سويته وصرت البطل القومي وما أحد قدّي وكل البنات والعيال يحبّوني ..!

- إنتهى -

.
.
.

أكيد إن البعض منلحس منكم .. لكن الشكوى لله
لا شك أنّ هذه قصّة بأسلوب ساخر تتحدّث عن مشكلة واقعية بالتحضيري
رأينا في القصّة كيف أنّ طالب ماخذها بسهالة
أصبح بقدرة قادر العون لنفسه ولغيره والذكي والشجاع ,,,
بمجرد صدفة عابرة جعلته ينقذ حصّة ويصبح البطل المغوار في أعين الجميع
وتمنحه الفتاة بعد التسكين كتبها يسلمها لعيال الحاره الطفرانين ض1
في حين كادت حصّة بسبب سذاجتها أن تصبح رهينة للهندي المُصطنع للدفرة بكل ما يحمله من تحطيم
وبكل ما تحمل هي من عدم ثقة بالنفس ولخبطه لنفسها بمواضيع .. ساعدوني .. الحقوني ... كم الموزونه وكم وكم .. وهي توها اول اسبوع تحضيري !

- المعاناة بالسنة التحضيرية -

موضوع كبير أشغل فكرنا بالأيام الأخيرة
طالب يعاني من مشكلة اللغة مثلا ولا يأسس لها من بدري
ولا حتى يفكر يدخل بعد الثانوية - معهد - وينقذ ما يمكن إنقاذه
وينصدم في بيئة كلها باللغة الانجليزية ويحط اللوم والشتم بالجامعة ,, !

او شخص داج طول الترم ومستحيل عنده يذاكر يوم بيومه اسبوع الاختبار فقط !
ولما تسأل هالشخص يا روح أمّك ليش تارك امورك لمّا نهاية الترم؟!
قال ياربّيييه ما اقدر احوووب افلّها واريح نفسيتي ياااي مره انتا عنييييف !
وشخص آخر متخرّج من ثانوية ( زعبوووله للنسب العالية )
ويقولك يؤؤؤؤ كيف كذا يا ظالمين ياللي بالجامعه كش عليكم الثانويه احلى !
فقط اشترى لك كتب للجامعة ببضعة ريالات قد لا تتجاوز الــ 200
وضحك على نفسه إنه راح يبدع ويدخل أعلى كلية بنفس مجهود ثانويته الطاحسة ,, !

طبعا من يوم انه ما يؤمن بالفروقات بين ثانويته والجامعة
تغسل إيدك منه وتعرف إنّه فيه طريق ادنى بطموحه بكثيير
والمصيبة لا قام يفتي ويحطم نفسيات غيره مو بس هو
ودّك تسوي فيه خير :/

في الجانب الآخر ليه من البداية ما تتدارك الوضع ؟!
وتعالج أي قصور عندك
وتوضّح الأمور لنفسك وإنك غير قادر على جهد كلية معيّنة بقدراتك الحالية ؟
وان المسألة سهلة للغايه ولا يبغالها فريق طب نفسي
بقدر ما يبغالها قدرات عقلية وجسدية تسخر نفسها لعيون التحضيري يوميا !

وإنك لازم تطور قدراتك وتعوّد نفسك تذاكر كل نقطة من بدري
بإختصار تعرف ان الطموح محتاج تعب مو شات بي بي والطقة السعيدة !
تكفى لا تستذكي وتقولي خويي يغششني بالقاعه راح افنيك من الوجود ,, !

عموما الموضوع لكم وتحت أمركم للنقاش - للقرمشة - للفرفشة- لأي شي تبونه
يشرفني نقاشكم في أي جانب تحبّون وترغبون

OVER

[فتى تثليث]

من جد لحست مخي .. اسلوب رائع ومواهب تظهر كل يوم بهالمنتدى ..الله يوفقك وبـ انتظار جديدك

[rano00nah]

ههههههههههههههههههههههههههههههههههههههـ

ما شا الله كلآمكـ حلو ^.^

و تعبت و انا أقرآ =$ ,,

ربي يوفقكـ وين مآ تروح =) ,.,


RaNo <_< !

[خالد9921]

فتى تثليث

حياك الله ... مخك طعمه سكر وعسل (: !
تشكرات

رنا
ولااااكم

و تعبت و انا أقرآ =$ ,,

يعني كوب الكوفي اللي بأول الموضوع مجاني مثلا ض1 ؟
تُشكرين عالمرور .. ربنا يحقق مرادك ويوفقك وين ما كنتي (:

[Hamsa }~]

كلآم رآئع وموهبــة متميزة ..

شكل السيل صنفر الموآهب << دع’ــآآبة ..

دمت بألف خ’ـــير..

[miss doody]

بصراااااحة .. مبددددع واسلوبك اكثر من رائع
وكل اللي قلته صح .. لازم نتدارك القصور اللي فينا سواء في اللغة او المناهج قبل لايفوت الفوت

مشكووور >>

[azo0oz 111]

ههههههههههههه وربي انلللللللللللللحست لاكن كلامك الي بالاخير(باللون الازرق)

سليييييييم 100% مووووفق خيووو

[m0o0na]

،’
وعليكُم السلآم..؛

مآشآءالله ..؛ وش هآلآبدآع..!
نصآئح مفيدة جدآ..بآسلوب رآئع ..

قصه جميلة ولو ان فيهآ بعض الكلجآت بس مشي حآلك..
اهم شي المضمون والهدف منهآ..

وفعلآ اللي يآخذ السنه انهآ سهلة ومآفي شي صعب وانه قدهآ..
رآح يعديهآ بسهآلة ويوصل للي يبغآه..
امآ اللي يتحطم ويحطم غيره حتى لو الشي سهل قدآمه .. رآح يشوفه صعب بآلتآلي مآيقدر يوصل لهدفه بسهوله..؛

::

يعطيك العـآفيه خـآلد ع’ـآلآسلوب المُشوٍق ..
وان شـآءالله الكُل يآخُذ فِكرة و يتعلم منهآ..؛

،’

* اتمنى مآ تُخرج الردود عن صُلب الموضوع ..

والله يوفقكُم جميعآ ويحقق رغبآتكُم..؛
=)

[الصقر 02]

المشاركة الأصلية كتبت بواسطة خالد9921 - المعاناة بالسنة التحضيرية - موضوع كبير أشغل فكرنا بالأيام الأخيرة طالب يعاني من مشكلة اللغة مثلا ولا يأسس لها من بدري ولا حتى يفكر يدخل بعد الثانوية - معهد - وينقذ ما يمكن إنقاذه وينصدم في بيئة كلها باللغة الانجليزية ويحط اللوم والشتم بالجامعة ,, ! او شخص داج طول الترم ومستحيل عنده يذاكر يوم بيومه اسبوع الاختبار فقط ! ولما تسأل هالشخص يا روح أمّك ليش تارك امورك لمّا نهاية الترم؟! قال ياربّيييه ما اقدر احوووب افلّها واريح نفسيتي ياااي مره انتا عنييييف ! وشخص آخر متخرّج من ثانوية ( زعبوووله للنسب العالية ) ويقولك يؤؤؤؤ كيف كذا يا ظالمين ياللي بالجامعه كش عليكم الثانويه احلى ! فقط اشترى لك كتب للجامعة ببضعة ريالات قد لا تتجاوز الــ 200 وضحك على نفسه إنه راح يبدع ويدخل أعلى كلية بنفس مجهود ثانويته الطاحسة ,, ! طبعا من يوم انه ما يؤمن بالفروقات بين ثانويته والجامعة تغسل إيدك منه وتعرف إنّه فيه طريق ادنى بطموحه بكثيير والمصيبة لا قام يفتي ويحطم نفسيات غيره مو بس هو ودّك تسوي فيه خير :/

في الصميم

ارفع القبعة لفكر شخص مثلك

ولا عدما مثل هالعقول بيننا في المنتدى <<<< مافيني شدة ارجع واعدل الكلمة

[الســــاامر]

قمة الابدااع أخوي خالد

كل الاحترام لك ولقلمك المبدع

فعلا موضوع يستحق الاشادة وأقل مايقال عنه أنه " مميز "

بارك الله فيك يالغالي

وموفق باذن الله