اغرب قصة حب في الرياض !!

[سمية السلمي]

أغرب قصه حب بالرياض

يقول بطل القصة
رحت لمحل بيع الكتب المستعمله المكتبة ذي تبيع الكتب الرخيصه
رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب
فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام اللي هو ::
( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..
ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء
وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت
عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما
تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي
أشتريه في تاريخ كذا كذا )
ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي)..
وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر


ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..

وفعلا رجعته وشراه الزوووول مني بنص السعر
اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت
.بنت وشالته !!

.وانا اللي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..
لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..
مررررررت الأيام وجيت مرة قلت للـزوول وين الكتاب؟ قال: ما أدري امبارح
جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي
.عليك الله أخدوه الزول الكتاب الأصفر ..
المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو

أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!
لقيت الزول ابن الذين ماسك كتابي الأحمر وقاعد يكتب الرسالة اللي أنتظرها في

.صفحة من الصفحاااات طلع اللئيم هو اللي انا خاق معه من مده
ومسحبني على وجهي عشان يستفيد


انتظر تعليقاتكم حول القصة

هل الشعب السعودي ينضحك عليه ؟

[العالمي]

خخخخخخخخخخخخخخخخخخخخخخخخخخخخ


مسوي رومانسي المسكين ..بس والله قهر شكله حب من قلب

لكن ودي انك كملتي ..ودي اعرف ايش سوا بالزول ..

وبالنسبه للشباب السعودي ..هناك الكثير ممن ينضحك عليه

ولكم في بطاقات الشحن عبره ..فكم من بطاقة شحن اهداها شاب لفتاة ..

اقصد لشاب آخر بس يقلد صوت فتاة

مشكووووره مسهر على القصه

[سمية السلمي]

لكن ودي انك كملتي ..ودي اعرف ايش سوا بالزول ..

ههههههههه وش تبي اكبر من هيك فضيحه

سوداني يضحك عليييييييه ههههههه

اما البطايق هههههههههههههه لاتعليق

[عباطة]

هههههههههههههههههههههههههههههههههههههههههههههههههه هههههههههههههههههه
هههههههههههههههههههههههههههههههههههههههههههههههههه هههههههههههههههههه

أي تعليقات .... والله يالسعوديين انا مساكين .... نروح وطي بسرعه

أشوى انك قلتي نهاية الزول ولا ودي اروح المكتبة يمكن أطب في وحدة تحبني خخخخخخخخخخخ

<<<<< أهجد بس خلك مستور

[سمية السلمي]

أشوى انك قلتي نهاية الزول ولا ودي اروح المكتبة يمكن أطب في وحدة تحبني خخخخخخخخخخخ

ههههههههههههه هيا ذا اكبر دليل ههههههههه

شاكرة لك عباطة

[سعود المهندس]

هههه
يا كثر اللي ينضحك عليهم
مشكور على القصة

[سمر]

مشكوورر على هذه قصه الغريبه ...............
والله انا احزن على هذا رومانسي المسكين ...................
الله على يبلينا بالحب ....................

[vague]

قصه رااااااااااااااااااائعه للدلوخ الي مالين البلد
بقولكم شي بصراحه ولا تزعلون مني لاني اعرف الحقيقه مره مو اي شخص يتقبلها بصدر رحب
من يوم يجي طاري الجنس الناعم عندنا ناس سعابيلهم تقوم تقوطر
بس خليه الي زي هذا يستاااااااااااااااااهل
عموما الحياة مدرسة راح تعلمة الي ما تعلمة فالمدرسة او الجامعة

تقبل مروري vague

[كريستيانو]

هل الشعب السعودي ينضحك عليه ؟

نعم وبقوه

[سمية السلمي]

اسعدني مروركم