اول يوم في الفيصليه

[المقبلة على الجامعة]

السلام عليكم
انا اليوم رحت كليه الفيصليه اتمرطت تمرمط فضيييع شوفو دخلت من البوابه لقيت تلاتة حريم عساكر امن يعني المهم سالتهم عن الشوؤن التعليمية قالتلي روحي عمادة القبول والتسجيل قلتلها ابغى اتخصص قالتلي روحي العمادة ورحت العمادة وهناك ادمية طلعتلي من شباك قالتلي هنا العلمي ورجعت عند الامن قالتلي ارجعي قوليلها ابغى اتسكن رحت وبعدين اللي عند العمادة وصفلتلي مبنى الادبي ورحت طبعا البنات هناك زي العسل سالت سالت الين ماوصلت لمن وصلت طبعا دخلت طبعا دخلت كل الاقسام وسالت شوية بنات قالولي مدري فين رحت ومعايا بنوتة تدور زي الموهم رحنا كل وحدة تقول ماادري واخر شي في وحدة قالت استنو هنا قدام غرف مدري ايش الدراسات العليا الموهم اتجمعو بنات ودخلت بعد ماخلصو بنات جو بعدي ياياناس انا عندي حركة لااراديه في رجلي فااتحرك وانا واقفة اتهز بس هيا الحمدلله مشكلة بسيطة بس مااقدر اتحكم فيها دخلت عند وحدة احتفظ بااسمها لنفسي سالتني بقرف ايش تبغي قلتلها بتخصص الموهم وريتها البطاقة تقولي اركزي ماتقدر تركزي حززت في نفسي بس ايش نسوي اصحاب العقول مرتاحين ماابغى اقول انشاء تشوفها في احد قريب لانو ادعي لعدوك بالسلامة تسلم <<<حكيمة >> الموهم من اللي قالتو انا اتشوشت وقالتلي ايش تبغي تخصص قلتها اعلام قالتلي مااافي قلتها علم نفس قالتلي مافي هنا واعطتني ورقة وانا مكسور خاطري منها بس عبيت الورقة حطيت اول رغبة الدراسات وتاني رغبه عربي لانو ابغى ارفع المعدل وانقل السليمانية عشان اعلااام
معليش طولت عليكم بس هادا ملخص اليووم الاول في التخصص....

[C H E E R Y]

الله يسهلكـ ياااااارب
والله الكل لازم يأخذ نصيبوو من البهذلة
وأعتقد الكثييييير من البنات ماتخصصوا في التخصصات اللي يبغوها
وأنا وحدا منهم يااااارب نحول السنة الجاية يياااااارب
وكفاية ماشاء الله الأخلاق الحلوة
مدري ع ايش شايفين نفسهم

بس ربي يسهل وتنقلي للتخصص اللي تبغيه ياااارب

[calla lily]

الله يستر انا بكره اول يوم ليا هناك
والله اكتئاااااااااب ماابغى اروح بس اش اسوي
المهم انا دحين ابغى ارفع معدلي هناك وانقل للجامعه
اش اسوي يعني اتخصص تخصص سهل زي دراسات مثلا والا كيف ؟؟؟
ردوووو قبل لاموت نفسي

[الســ زهرة ــوســن]

calla lily ياخيتوو من قال ان الدراسات ولا العربي مواد سهله لاتضحكوا على انفسسكم ترى مواااد سم هالمادتيين
مرره صعبه

ربي يسسهلكم ويوفقنا ويـــآكم يــــآرب

[calla lily]

^
طيب اش الي سهل
انا فكرت قلت تقريبا الدراسات كلها حفض والا اش رايك؟؟
انا مااعرف بس احنا حالتنا غير مانبغى ولا شي هناك هي مسألة ترم ونحول ان شالله
طيب انا ابغى ارفع المعدل اش تنصحيني او اي احد ينصحني

[رجه]

لبى قلبك يالمقبله ع الجامعه حسييييت بمعاناااااااااتك انا بعد اليووووم رحت
وربي اسلوووووووب مو ذااااااك الزووود يعني من حقنا نساااااال لا الاخت في الله
تقووووولي مطالبك كثرت هههههههههههه << ع ايش بس سالت ع البطاقه والمعدل $$

الموهييييييم الحمد الله تخصصت دراساااااات وربي احسوو احسن قصم ولا الباقيه
مرررررره ماعجبتني الله يوفقنا يااااااااااااااارب ونعدي ع خييييييير @_@

يلاا عنووووني ان شاء الله تكووني معاياا في الشعب الدرااساات نهبل سواا << اؤؤت ^^

[الســ زهرة ــوســن]

المشاركة الأصلية كتبت بواسطة calla lily ^ طيب اش الي سهل انا فكرت قلت تقريبا الدراسات كلها حفض والا اش رايك؟؟ انا مااعرف بس احنا حالتنا غير مانبغى ولا شي هناك هي مسألة ترم ونحول ان شالله طيب انا ابغى ارفع المعدل اش تنصحيني او اي احد ينصحني

ربي يسهل لك يااارب .. صراحه ما دري بشو انصحك لانو مادري انتي ادبي ولا علمي
بس اتوقعك ادبي .. اختاري لك قسم عادي يعني انتي ممكن تتقبلينه لترم واحد وتكون الماده العلميه المدروسه بسيطه لانو بصراحه الدين والعربي اصعب ثنتين والله بنات دخلوها طلعت عيونهم منها وانا عمتي دخلتها تقول من اللي ضحك علينا وقال العربي سهل والله صعب مره
بس انتي ع قولتك هي مسألة ترم واحد واضيفي لها مطلوب معدل ممتاز عشان لمن تحولي تضمني بعد الله سبحانه وتعالى انهم يقبلونك
فانتي شوفي اش هي المواد واش الخطه تبع كل قسم واسهل قسم شفتي مواده اللي بالمستوى اللي حتدرسيه هالترم مناسبه ليكي وتحسي انك بتجيبي معدل مضبووووط توكلي على الله وسمي وادخليها وان شاء الله ربي يسسهل لك ويوفقك والجميع يارب << ترى انا مثلكم داخله تخصص مو حابته بس المواد اللي فيه حق هالترم كويسه تنفع اجيب فيها معدل حلوو ان شاء الله


اختي المقبله على الجامعه .. والله مالهم حق يمرمطونك هالمرمطه بس انتي تحملي اش نسوي هم كذا يستمتعوا بالحركات هذي
تخيلي انا في مكتب واحد في الشؤون بالجامعه الموهيم دخلت سالت وحده من الجالسين عن اللي ابغاه قالت روحي لهذيك البنت اللي لابسه فيروزي رحت للي لابسه فيروزي واعيد الشرح قالت روحي للاستاذه اللي عند الجهاز رحت للاستاذه اللي عند الجهاز وعدت الشرح وقالت راجعي بعد شهر << لعلمك هم بغرفه وحده وهالغرفه مره صغيره يمكن ثلاثه في اربعه او اصغر مادري المهم والله خطوتين بين كل وحده هههههههههههه الحمدلله بس على كل حال


تحيتي للجميع اختكم زهرة السوسن

[calla lily]

^
شكراا حبيبتي الله يوفقك ياارب
انا ادبي
انا اصلا مايفرق معايا التخصص لاني حاخد مواد عامه ومواد حره بس
بس ماادري لو تعرفي المواد العامه والحره لازم تكون تبع الاداب الفيصليه
والا عادي من كليات الجامعه ؟؟

[عسير فراولة]

--------------------------------------------------------------------------------------------

[الســ زهرة ــوســن]

المشاركة الأصلية كتبت بواسطة calla lily ^ شكراا حبيبتي الله يوفقك ياارب انا ادبي انا اصلا مايفرق معايا التخصص لاني حاخد مواد عامه ومواد حره بس بس ماادري لو تعرفي المواد العامه والحره لازم تكون تبع الاداب الفيصليه والا عادي من كليات الجامعه ؟؟

العفو حبيبتي ولو ماسويت الا الواجب ..
بصراحه والله ما اعرف ان شاء الله حد غيري يقدر يساعدك ان شاء الله
تقبلي تحيتي اختك زهرة السوسن