رايكمـ يابنات (( اداره سكن ومؤسسات )) <<بليز ساعدوني بالي تقدرو.,~

[°» Dior«°]

السلامـ عليكمـ

حابه اعرف رايكمـ بكــــــــــل صراااااحه :-

1. المواد الي نزلت في الجدول مع مين اخذها(( افضل استاذه اخذها معاه والاسوء < لانو جد يهمني ))؟.,’~

2. الماده الاختياريه ايش اخذ(( تكون مناسبه مع الجدول تبعي , وسهله مو دسمه وما تحتاج تكاليف كثير وياليت تقولولي كل ماده عن ايش تتكلم < مو عارفه المواد عن ايش تتكلم فصعب عليا الاختيار ))؟.,’~

3.هل الجدول بشكل عام(( ضغط ؟ احذف او اضيف ؟ اقترحو عليا ))؟.,’~

__________________________________________

المواد هيا :-

*اسس تغذيه
*صحه فرد
* اداره الموارد الاسريه 2
*اسكان الفئات الخاصة
*ماده اختياريه((( ع رايكم انا حمشي ))
* نباتات زينه وتنسيق زهور

ومشكـــــوووووورين .,’~

[Twix~}..]

*اسس تغذيه *صحه فرد *اسكان الفئات الخاصة ..

يؤؤؤؤؤؤؤؤؤؤ مرآآآ ضغط عليكي .. مرآ ما ينفع .. آختاري من هنا اتنين من ثلاثهـ ..

كلهم دششش كلام والمحاضرات تكوووون ممله لانو الكلام كتير ..

بالنسبه لإسكان المحاضرهـ ممله جدآ بسبب انو الكلام كتير كنت اطفش وبقوهـ .. الاختبارات مقالية 1 اختبار نصفي من 20 والنهائي من 40 .. باقي الدرجات تتقسم على البحث والزيارة والحضور .. الي ماسكه المادة طول الترمين الي راحت دكتورهـ سماح سعيد بس أسئلتها سهله وواضحه ومن الاوراق الي تعطيني هيا الدكتورهـ آخلاق وحبوبه وتعاملها عسل مع البنات رغم انها تقهر احيانا بس يكفي طيبتها .. التكاليف المطلوبه بالمادهـ 1 بحث + زيارة ميدانيه بتقريرها وبس ..

أسس تغذيه .. آخذتها مع دكتوره منى سامي .. الدكتوره طيوبه ولزيزهـ وعليها حركآآت بس مرآآ عسل وتعطي المعلومه من قلبها وتخرجك من المادهـ وانتي عندك معلومات حلوه عن التغذيه .. الاختبارات دوري اول وثاني من 15 كل واحد فيهم .. 30 تقسمها 10 حضور وغياب 10 بحث مرآآ بسيط 10 موضوع سهل وخفيف وتكتبو عنو ..40 فاينل .. الاختبارات اختياري كلها بالدوريات والنهائي ..

صحة فرد .. آخذتها مع دكتوره هدى جلال .. عسسسل الدكتوره تكاليفها شوية كتير بس سهله وتتعمل بسهوله ومرآآ ما تدقق يعني اي شي يعجبها بعكس د. منى (( تغذية)) ود. سماح (( إسكان )) .. اختباراتها نصفي من 30 ونهائي من 4- والباقي يتوزع على التكاليف والحضور والغياب .. خلي ببالك نقطة مع دكتوره هدى اكتبي كل شي تقولو الاختبار من كلامها ومو من الكتاب تجيب شغلات من الكتاب بس تعتمد على شرحها اكتر .. الماده حلوووهـ وسهله بس كلامها كتير واختباراتها اختياري وواضحه ..

رآي آنا تاخذي أسس تغذية & إسكان فئات خاصه .. أو صحة فرد & إسكان فئات خاصة .. أو صحة فرد & أسس تغذية ..
يعني لازم تحذفي وحده من الثلاثه عشاااان مرآآ لا تتطفشي يكفي تتطفشي من اثنين بس ..

* اداره الموارد الاسريه 2

مادهـ حلووهـ وسهله .. دآ الترم شوفت أسم دكتوره زينب حقي هيا الي تعطيها بدون تردد خلي الماده وانبسطي .. انا اخذتها معاها .. مرآ عسسسل وطيبه واخلاق .. اسئلتها مقاليه بس سهله ومن الاسئله الي تحددها لنا .. تكاليفها كتيره بس سهله وتتعمل بسهوله وما تدقق اي شي ترضى بيه .. عسسسل مرآآ الدكتورهـ .. خلي الماده مرآ تحسي بيها في الجدول وخصوصا مع دكتوره زينب ..

*ماده اختياريه((( ع رايكم انا حمشي ))

اخذت اثنين انا .. علاقات عامه مع دكتورهـ سماح حمدان .. ورعاية مسنين مع دكتورهـ زينب عبد الصمد ..
علاقات عامه مع دكتوره سماح حمدان .. حلوهـ المادة تتعملي منها ايش العلاقات العامه وفين تكون وايش دور العلاقات العامه بالمؤسسات ومن دا الكلام ..
انا بالنسبه ليا أخذت فيها الـ +A ماشاء الله عليا .. بس كتير من الي معايا ما حبوووالمادهـ ولا حبو الدكتوره مع انها عسسسل وطيووبه مرآآ .. بس تكاليفها كتير تقريبا كل اسبوع كنا نسلم شغله معينه .. اذا اخذتيها مع دكتوره سماح اكتبي كل الي تقولو واشيري على الكلام الي بتقولو في الملازمه واضمني انك راح تسهلي على نفسك بالمذاكره وتجيبي علامهـ حلوهـ ..

رعاية مسنين اخذتها الترم الي راح مع دكتورهـ زينب عبد الصمد وآخذت الـ +a معاها رغم السب والشتائم الي سمعتها من البنات يوم ما نزلت الماده ..
الدكتورهـ عسسسل رغم آنها مزاجيه نوع ما بس كل دا بسبب كبر سنها يعني الحال يمشي معاها بالتكاليف والمواضيع لانها تموت بدي الاشياء ..
آسئلتها مقاليه بسسسسسسس سهله ومن الاوراق الي اعطتنا هيا .. آول دكتورهـ تعطينا بكل اختبار من 6 إلى 7 مصطلحات بس .. الاجزاء تخففها بالاختبارات الدورية وكمان النهائي .. بالنهائي حذفت اغلب المنهج وبس ذاكرنا من 4 ملازم ..
الشي الوحيد الي يطفش انها تتطلب بكل محاضرة شغله بس اشياء سهله ومن النت تنزليها على طول .. والشي التاني انها ما بتقولنا كلام وتقول انا قلت وهيا الله يهديها ما قالت بس والله محاضرتها تعجبني شرح مبسط باسلوووبها تعطي المعلومات بخلاصه بسيطه ..
حبيت الماده وحبيت الدكتورهـ بصراحه ,,

وفي صيانه مرافق سكنيه البنات برضو بيقولو حلووهـ مع أستاذه نادية ..

* نباتات زينه وتنسيق زهور

ماده عملية وفيها جزء نظري .. العملي مع استاذهـ منال طيبه الاستاذهـ وبحالها والماده اصلا حلوه وتنبسطي فيها رغم انها مكلفه نوعا ما بس يمشي الحال ..

الجزء النظري مع دكتوره سماح سعيد كان ممل وخاصه اني اكره محاضرات بعد الظهر .. التكاليف بحث من المنهج وبحث عن انواع الزهور .. الاختبارات واحد نصفي والثاني نهائي ,, اسئلتها مقاليه بس واضحه وسهله ..

كدا انا قلت رآآي باقي انتي تشوفي وتختاري .. وموفقه ياعسسسل ..