تسديد الرسوم؟؟؟؟

[miss ro_ro]

سلاااااااااام
ابغا مساعدتكم
الللحين عاملين مدة للتسديد اللي يبغى يسدد
طيب انا خطة ب ومحاضرات سنترا راح تكون تاريخ 30 في هذا الشهر ابغا اعرف اقدر احضرالمحاضرات ولا لازم اسدد ؟؟؟

وترا جدولي مانزل ومكتوب في الاودس حقي" طالب غير مسدد"

[ndosh]

سبحان الله نفسسسس سؤالي واللهي زيك انا خطه ب

وبادر الي ذهني نفس السؤال معقول نحضر سنترا بدون ما نسدد ؟؟؟؟؟؟؟

احسن لنا نسسد دحين عبال كمان ما يننزل الجدول

[solaaa]

انا زيكم بس مشكلتي بابا مايمديه يسدد الشهر دا يادوب على الشهر الجاي او اللي بعدو

اللي عندو فكره يقووووووووول بنستناكم

[miss ro_ro]

انا بستنى اسبوع واذا ما ارسلو لي رسالة ع الجوال بروح اسدد

solaa ترا محاضرات سنترا تنحفظ يعني يمديكي تحضريها

[ndosh]

يب تنحفظ صح بس مو زي المباشر كدا تسالي في
شي منتى فاهمتو مثلا على طول تسالي الاستاده
الله يعين الجميع بسسس

[solaaa]

مشكورين بنوتات

ادري انها تنحفظ بس مو كلها على حسب في بعضهم مايعرفوا يسجلوا<< الدكتورات

الترم اللي فات كونت احضر ولما اجي ابا اراجع الاقي المحاضرات ماتفتح او مي مسجله

كلكم عارفين جامعتنا وعباطاتها مايحتاج اتكلم اكتر من كدا عنها

الله يسهلنا

^_^

[TOP SECRET]

يا حبايب قلبي انتوو

كل حاجه راح تنزل والمحاضرات راح تنزل ويمديك تحضري كل شي عادي

بس سمعت ان الجداول ما تنزل الا للي مسددين اتمنى الي يعرف شي يفيدنا

وعن السداد حاولو تسددو الي ما تقدر الشهر هذا الي بعده ما فيه اي مشكله بس قبل انتهاء مدت السداد

والله يوفق الجميع .. :)

[سحايب خير]

كيف ما فيه مشكله المشكله في اللي هم خطه ب لازم نسدد هذا الشهر والا ما نقدر نحضر السنترا وبالنسبه للتسجيل زي قلتها اكترها ماتشتغل والله اعلم

[منتسبه جامعيه]

وش معنى ب يعني أ مالهم سنترا

[يحلمون...~]

التسديد راح ينتهي في نص شهر خمسه ..
الله يعين حتى أنا زيكم خطة ( ب ) ..
الله يعين ..




يا منتسبه جامعية الا أكيد لكم ..
بس على ما اعتقد انتو مو ذحين انتو في النهااية ..