التحويل .. و الفيصلية

[B.S]

بسم الله الرحمن الرحيم

السلام عليكم و رحمة الله و بركاته

الله يسعد اوقاتكم بكل خير
حابه اسأل البنات اللي في الفيصلية .. اذا كنت اريد اطلب تحويل لتخصص في الجامعه
اروح لمين بالضبط
لا تقولو الاوديس لان لي اسبوعين و كل ما رحت قالو انتظري النتايج في الاوديس !
و لما رحت الجامعه قالت لي حقت التحويل انو اللي معدلاتهم عاليه ما ينتظرو الاوديس .. يجيو بانفسهم و يحولو .

الخلاصة من الكلام
فين بالزبط التحويل عند العمادة في الفيصلية ؟

و شكرًا مقدما
و بالتوفيق للجميع

[Acacia]

انا اعرف انو النتايج في الاودس بس تاكدي من عماده الفيصليه
موفقه

[N O R E T A]

وعليكم السلام ورحمه الله وبركاته

والله ما اعرف انا رحت لهم بدايه الترم الاول وقت الحذف والاضافه

قلتلهم ابغى انقل ... قالولي للجامعه ؟ قلتلهم ايوا قالولي نقل للجامعه من الجامعه روحيلهم

طبعا ما رحت لانو عرفت بما اني ما طلبت تحويل بالاوديس محا يقبلوني

اخذت الترم اللي فات مواد عامه و دحين استنى النقل

اذا تبي تجربي روحي الله يعينك عماده القبول والتسجيل

وجربي حظك وياليت تكتبيلنا بعدين ايش صارلك ^^

[B.S]

الله يسهل لي و إياكم

ان شاء الله اليوم بروح و ان شاء الله خير

مشكورات ع المرور

[N O R E T A]

اوكي شوفي وقوليلنا ايش صار معاكي ^^

[B.S]

الي وم رحت العمادة في الفيصلية
و قالت النتائج في الاودس تطلع الاثنين .. قلت لها و النتائج اللي طلعت اليوم قالت هذا بس الالفرع الرئيس << ع حسب كلامها
و سألتها اني سمعت انو اللي معدلاتهم عاليه يروحو يحولو ما يستنو الاوديس
قالت مو صحيح
وبس
الله يعين و بناظر بكرى اذا ربي كتب لي حولت

بالتوفيق للجميع

[N O R E T A]

ايش صار معاكي .. نقلوكي ؟؟

[جروح الزمن]

يابنات الفيصليه وربي وربي هما مايبغو يحولو حسبي الله فيهم حتى الاداب اللي فيها اماكن قالو مافي فيصليه مافي معدلاتنا عالية وكل شي بس هما مايبغو غير بنات الجامعة
حسبي الله فيهم ورطونا في الفيصليه ويوم رحنا ودرسنا ترم قالو مافي