مشكله يعاني منها الكثير . . ادخل وناقشنا !

[kikiwiwi]

الحمد لله أختصرت المشوار و سكنا قريب من الجامعة و على كده برضو في زحمة..

كله كوووم و بوابة غربية 2 كوم تاني..كل سنة تزداد زحمتها لكن هذه السنة قربت تنفجر.. ما أدري السنة الجاية إيش بيصير. << يا دوب اللي يوصلني ينزلني عند الاشارة عشان يلحق مشاويره

ما أدري متى بتتعدل الأوضاع..
أحيانا أتمنى لو إني ساكنة بسكن الجامعة عشان ما أشيل هم المواصلات << برضو حل ^^

[اكابر]

انا في المحمديه والله قمه المعااااااااااااااااااااناه

غير الحفريات اللي بكل جهه وغير الكبري اللي مدري ايش اسمه اللي مو راضي يخلص يا كثر الزحمه اللي عنده
اطلع من البيت الساعه 8 واوصل على 10 لاني عندي اخواتي لازم من طريق المدينه ولا الخط السريع اقرب وراحم ....

ان شاء الله تعدي الايام على خير ونتخرج ونفتك ......

[Ned]

أنا في شمال جده .. بس أروح من طريق الملك الين دوار السفن واخذ يسار ..وأمشي ألين تجيني الجامعه على يميني ..

نص ساعه أو ساعه إلا ربع بالكثير .. هذا وزحمة قرف .. لو ما في زحمة في نص ساعه بالراحة ..

الاشارات في طريق الملك متى يحولوها أنفاق ولا كباري ؟ زي شارع ولي العهد صار شارع مستحيل يوقف فيه الخط

لما شالوا الاشارات وخلوها أنفاق ..