نزلت اسماء استاذات بحث وتدريب

[snsoma]

المشاركة الأصلية كتبت بواسطة شموخ السندباد هلا وغلا حبيبتي انا مع بثينه جمجوم ورحت لها اليوم الاستاذه باين عليها متعاونه بالنسبه لمكان التدريب قالت ما عندي مشكله في اي مكان بسس المهم يكون قطاع خاص واكدّت علينا نبدأ من الحين ندوّر مكان لان الوقت ضييق خصوصا دورتنا متأخره هالسمستر ~~ اعطتنا ورقه لخطة البحث قالت راح تنزلها في موقعها على الاوديس اعطتنا الحريه في اختيار المكان ولما تلاقي احد وافق يدربك تراجعيها عشان تأكد عليك مهم عندها تراجعيها خلال خطوات البحث وتمشّي معاك في المسوده عشان تعدل لك لو لقيت عندك نقص وبعد قالت لو تحبوا بنات الانتساب مسستعده تحدد يوم عشان تسوي لنا محاضره توضح لنا فيها كل شيء وتشرح لنا كيف تسوي البحث بالخطوات ~~ ساعاتها المكتبيه s.m.w من 10.30 الى 1 ومن 3 الى 3.30 اتمنى اكون قدرت افيدك واي شيء يخص بثينه جمجوم انا مسستعدهـ بالتوفيق للجميع

والله مااعرف كيف اشكرك انتي مو بس افدتيني.. نفعتيني كتيييير
الله يوفقك ويعطيكي الف عافيه

بس انا سالت بنات كتير امس وقالولي خدي مع الجني ولا مع بثينه لانها تدقق وتحب الاشياء الزايده وقالولي انها تطلب بوربوينت وتشرحيلها هوا وتطلب بحث وتقرير
مع العلم انو مو كل الدكاتره يطلبو بوربوينت ويطلبو يا بحث يا تقرير
بس من ناحية التعامل هيا مرررره طيبه
لكن في الدراسه تخوفني شويه
ويقولو حقانيه لاتزيد في الدرجات ولا تنقص
وان حابه احد يساعدنا

ومدحوووولي حياة الصوفي يقولو كويسه
والعلم عند ربك
كنت بفكر اروح اغير الشعبه
لكن شكلي بكرا بروح اقابل حياة وبقابل بثينه واشوف مين اللي حتريحني باسلوبها وبطلباتها

ربي يجزاكي الخير .. وبجد ماقصرتي
وياريت تبقيني على اطلاع معاكي وانا اذا ربنا اراد اخبرك باللي يصير معايا
ولنا لقاء باذن الله مدامنا عند بثينه سوا
وموفقين ..

[شموخ السندباد]

المشاركة الأصلية كتبت بواسطة snsoma والله مااعرف كيف اشكرك انتي مو بس افدتيني.. نفعتيني كتيييير الله يوفقك ويعطيكي الف عافيه بس انا سالت بنات كتير امس وقالولي خدي مع الجني ولا مع بثينه لانها تدقق وتحب الاشياء الزايده وقالولي انها تطلب بوربوينت وتشرحيلها هوا وتطلب بحث وتقرير مع العلم انو مو كل الدكاتره يطلبو بوربوينت ويطلبو يا بحث يا تقرير بس من ناحية التعامل هيا مرررره طيبه لكن في الدراسه تخوفني شويه ويقولو حقانيه لاتزيد في الدرجات ولا تنقص وان حابه احد يساعدنا ومدحوووولي حياة الصوفي يقولو كويسه والعلم عند ربك كنت بفكر اروح اغير الشعبه لكن شكلي بكرا بروح اقابل حياة وبقابل بثينه واشوف مين اللي حتريحني باسلوبها وبطلباتها ربي يجزاكي الخير .. وبجد ماقصرتي وياريت تبقيني على اطلاع معاكي وانا اذا ربنا اراد اخبرك باللي يصير معايا ولنا لقاء باذن الله مدامنا عند بثينه سوا وموفقين ..

ولو حبيبتي
كلنا لبعض
وما سويت شيء
باجاوب باللي اعرف واقدر عليه
~~


بالنسسبه لحكايه البوربوينت
قالت مجرد رؤوس اقلام
زي اهم شيء في البحث حقك بس عناوين
بدون شرح للفقرات

اما التقرير سألتها عن هالموضوع
قالت اصلا البحث اسمه تقرير البحث
يعني بيكون واحد
هو نفس البحث حقك
مو تسوي تقرير
وبعدها بحث
كل واحد منفصل لا
وعلى المناقشه قالت ايوه راح اناقشكم
احدد لكم يوم وتجوا تعرضوا العرض البور وتناقشوا


انا ارتحت اكثر لما تناقشت معاها
احس مقدره لوضع البنات وان دورتنا متأخره وبنات تخرج
حابه تساعدنا وما تعقّد الماده زي غيرها


حياه صوفي صحبتي اخذت عنها السمستر اللي فات
ومو مره في الدرجه
تقول احس ما اخذت حقي في الدرجه رغم البنت من ججد تعبت في البحث اللي سوته



حكايه انك تغيري الشعبه انسسيها
كثير بنات جايين اليوم يبغوا يغيروا الشعبه
او يختاروا الاستاذه وما رضيوا لهم
البحث والتدريب ما تغيري شعبتك ولا تختاريها




وانتي روحي تكلمي معاها
لو حابه تعرفي اكثر عنها
بسس روحي لها الاربعاء
لانها بكره مالها ساعات مكتبيه
فـ ما راح تلاقيها اصلا
وحرام تاخذي مشوار ولا تلاقيها

توكلي على الله
وسوي اللي عليك



بالتوفيييق يا عسسل

[snsoma]

المشاركة الأصلية كتبت بواسطة شموخ السندباد ولو حبيبتي كلنا لبعض وما سويت شيء باجاوب باللي اعرف واقدر عليه ~~ بالنسسبه لحكايه البوربوينت قالت مجرد رؤوس اقلام زي اهم شيء في البحث حقك بس عناوين بدون شرح للفقرات اما التقرير سألتها عن هالموضوع قالت اصلا البحث اسمه تقرير البحث يعني بيكون واحد هو نفس البحث حقك مو تسوي تقرير وبعدها بحث كل واحد منفصل لا وعلى المناقشه قالت ايوه راح اناقشكم احدد لكم يوم وتجوا تعرضوا العرض البور وتناقشوا انا ارتحت اكثر لما تناقشت معاها احس مقدره لوضع البنات وان دورتنا متأخره وبنات تخرج حابه تساعدنا وما تعقّد الماده زي غيرها حياه صوفي صحبتي اخذت عنها السمستر اللي فات ومو مره في الدرجه تقول احس ما اخذت حقي في الدرجه رغم البنت من ججد تعبت في البحث اللي سوته حكايه انك تغيري الشعبه انسسيها كثير بنات جايين اليوم يبغوا يغيروا الشعبه او يختاروا الاستاذه وما رضيوا لهم البحث والتدريب ما تغيري شعبتك ولا تختاريها وانتي روحي تكلمي معاها لو حابه تعرفي اكثر عنها بسس روحي لها الاربعاء لانها بكره مالها ساعات مكتبيه فـ ما راح تلاقيها اصلا وحرام تاخذي مشوار ولا تلاقيها توكلي على الله وسوي اللي عليك بالتوفيييق يا عسسل

الله يوفقك ..



بس عارفه شي يقهر انو مو كل الاستاذات يطلبو بور بوينت

طيب الحمدلله انو التقرير هوا البحث لانو ماكنت اعرف

وكمان عالمناقشه تقهرررررر والله استاذات كتييييير مايناقشو
يستلمو منك البحث والبور بوينت ازا كان فيه اصلا وهما يقراوه ويشوفوه وخلاص

طيب المناقشه دي ايش هيا بالزبط !! يعني تسال واحنا نجاوب ولا كيف ؟؟


هدا كلو وماتبغى تعقد الماده والله كدا معقده ونص .. الله يعيننا بس

وحياة مررررره كتير كاتبين عنها في المنتديات وسالت صحبتي برضو اخدت الماده معاها الترم اللي راح تقول من افضل الموجودين ..


وعالتغيير اقدر احذف الماده واروحلهم واقلهم ضيفولي هيا
وهما بيعبو الشعب بالترتيب ودحين واقفين على حياة .. ولو رحت الصبح حكون من اول اللي ضافو


ان شاء الله حروح ويارب تتيسر لانو بجد مو حابه دي الانسانه

بالتوفيق لينا كلنا يابطه (=

[LOODI]

بنات موارد بشرية
اللي حابة تضيف وتحذف من البيت من دون ما تجي الجامعة
اسم مشرفة المسار سلمى الكيال
ايميلها salkayal-kau@hotmail.com

تسوي جدول وتكتبي المواد المضافة والمواد المحذوفة وترسلي على ايميل المشرفة

[LOODI]

بنات بحث وتدريب اللي عند وفاء اليافي
انا رحت اليوم الجامعة وقابلت الاستاذة وكانت جدا طيبة وشكلها متعاونة جدا وماهي متشددة الحمد لله
اعطتنا اوراق خطة المادة ووقعتلنا على اوراق التدريب وطلبت اننا ندور مكان نتدرب فيه ونبدا نكتب تقرير يومي عن التدريب ومن ثم بحيث على قولها يعني بحث صغير يلخص الموضوع اللي بحثني عنه
بس لازم تقابلوها توقعلكم على نماذج التدريب و تعطيكم خطة البحث عشان تعرفو توزيع الدرجات وايش المطلوب والمهام اللي لازم تسوها
موفقين ان شاء الله

[(" الغلا ")]

المشاركة الأصلية كتبت بواسطة loodi بنات بحث وتدريب اللي عند وفاء اليافي انا رحت اليوم الجامعة وقابلت الاستاذة وكانت جدا طيبة وشكلها متعاونة جدا وماهي متشددة الحمد لله اعطتنا اوراق خطة المادة ووقعتلنا على اوراق التدريب وطلبت اننا ندور مكان نتدرب فيه ونبدا نكتب تقرير يومي عن التدريب ومن ثم بحيث على قولها يعني بحث صغير يلخص الموضوع اللي بحثني عنه بس لازم تقابلوها توقعلكم على نماذج التدريب و تعطيكم خطة البحث عشان تعرفو توزيع الدرجات وايش المطلوب والمهام اللي لازم تسوها موفقين ان شاء الله

و أنا كنت معك
الحمدلله مبدئياً أرتحت للدكتورة شكلها طيبة
بس الله يستر لا تكون هذي البداية << أمزح
صحيح إنها ما قصرت و تكلمت بس حسيت إني ما طلعت اليوم بنتيجة
أحس لأزم نبدأ عشان نعرف وش المطلوب صح
طبعاً هي لمن قالت التقرير اليومي قالت عشان يساعدك بالبحث ما تنسين شئ
و التدريب ما أشترطت مكان بس قالت أهم شئ يكون عندهم
تخصص للموارد البشرية بحكم تخصصكم ،،
موفقات يا بنات و ربي يسهل لنا الآمور

[قلبي الصغير]

المشاركة الأصلية كتبت بواسطة snsoma الله يوفقك .. بس عارفه شي يقهر انو مو كل الاستاذات يطلبو بور بوينت طيب الحمدلله انو التقرير هوا البحث لانو ماكنت اعرف وكمان عالمناقشه تقهرررررر والله استاذات كتييييير مايناقشو يستلمو منك البحث والبور بوينت ازا كان فيه اصلا وهما يقراوه ويشوفوه وخلاص طيب المناقشه دي ايش هيا بالزبط !! يعني تسال واحنا نجاوب ولا كيف ؟؟ هدا كلو وماتبغى تعقد الماده والله كدا معقده ونص .. الله يعيننا بس وحياة مررررره كتير كاتبين عنها في المنتديات وسالت صحبتي برضو اخدت الماده معاها الترم اللي راح تقول من افضل الموجودين .. وعالتغيير اقدر احذف الماده واروحلهم واقلهم ضيفولي هيا وهما بيعبو الشعب بالترتيب ودحين واقفين على حياة .. ولو رحت الصبح حكون من اول اللي ضافو ان شاء الله حروح ويارب تتيسر لانو بجد مو حابه دي الانسانه بالتوفيق لينا كلنا يابطه (=

انا عارفه انك تاخذي عند استاذه ثانيه لكن اذا ممكن ياريت تسألي حياه الصوفي
عن اماكن التدريب خصوصا للي خارج جده وهل تبغى بحث و بور بوينت
مع بعض وهل فيه مناقشه ولا لا ؟
اسفه اني تقلت عليكي لكن والله موقادرة اجي الجامعه واليوم انضافت ليا المادة معاها
وبصراحه خفت من كلام البنات يقولوا ماتنصف في الدرجات

[snsoma]

المشاركة الأصلية كتبت بواسطة قلبي الصغير انا عارفه انك تاخذي عند استاذه ثانيه لكن اذا ممكن ياريت تسألي حياه الصوفي عن اماكن التدريب خصوصا للي خارج جده وهل تبغى بحث و بور بوينت مع بعض وهل فيه مناقشه ولا لا ؟ اسفه اني تقلت عليكي لكن والله موقادرة اجي الجامعه واليوم انضافت ليا المادة معاها وبصراحه خفت من كلام البنات يقولوا ماتنصف في الدرجات

اهلا ..

ايوا صح انا عند بثينه جمجوم

والله اليوم صحبتي راحت تدورها ومالقتها ومره داخت عليها السبع دوخات

حكاية بحث وبوربوينت ومناقشه كلهم كدا بدووووون استثناء
بس اذا عرفت شي تاني من صحبتي حديكي خبر (=

لا والله مافيها تقاله ولاشي بس ياريت قدرت انفعك ):

انا اعرف بنات كتير بيموتو ويدخلو عندها .. اتوكلي على ربك وان شاء الله خير ..

وبالتوفيق ..