مراجعة درجات القانون 101- رحت للجامعه امس

[BMC]

السلام عليكم ورحمة الله وبركاته

رحت للجامعه لاني كنت مقدم طلب مراجعة درجة القانون 101 لانهم رسبوني فيها رغم اني متاكد من الحل
انا مقدم طلب من اسبوعين ورديت بهالموضوع

بخصوص الرسوب في القانون101, هل احد راح للجامعه ؟

المهم ان السكرتير قالي عطني رقمك الجامعي ويوم عطيته قال انت ماخذ 48 قلت طيب بعد التصحيح , قال هذا رد اللجنة
قلت طيب ممكن تطبع لي رد اللجنة قال ما اقدر لانه كشف بالاسماء
قلت طيب اطبعه لي قال ما اقدر اطبعه لك لانه 4000 طالب

فما ادري وش الاجراء بحيث اني اشوف ورقة الاجابة بنفسي ؟
وهل يترتب عليها التزامات مالية ؟
لاني مازلت مصر اني متأكد من الدرجة

ارجو الاجابة وشكرا

[طالبه إداري وإنساني]

لا مايترتب عليها أي التزام مالي
أنا رحت وراجعت درجة القانون
طلبت ورقتي وطلبت نموذج الإجابه
وشفت درجتي الحمد لله

[الوثلاني]

والله حاله لازم يصرفونك ويقنوعك ان ابليس طيب وحبوب !!

زين ما تعبت نفسي وراجعت ولاكان بيحملوني المادة بالقوة لكن ما قول الا حسبنا الله ونعم الوكيل

[BMC]

السلام عليكم ورحمة الله وبركاته

المشاركة الأصلية كتبت بواسطة طالبه إداري وإنساني لا مايترتب عليها أي التزام مالي أنا رحت وراجعت درجة القانون طلبت ورقتي وطلبت نموذج الإجابه وشفت درجتي الحمد لله

ممكن يا اختي تفيديني بالاجرائات اللي سويتيها علشان تراجعين الورقة ؟
هل رحتي للعمادة والا نفس المدرس والا رئيس القسم والا وين ؟

وشكرا على الافادة مقدما :)

[عـ,,,ـل]

وانا رحت راجعت درجاتي في مادتين

وكانت الامور سهاااااااااله

اروح لاستازه الماده واطلب مراجعه الورقه وعلى طول تطلعلي ورقتي ونموزج الاجابه

[طالبه إداري وإنساني]

المشاركة الأصلية كتبت بواسطة bmc السلام عليكم ورحمة الله وبركاته ممكن يا اختي تفيديني بالاجرائات اللي سويتيها علشان تراجعين الورقة ؟ هل رحتي للعمادة والا نفس المدرس والا رئيس القسم والا وين ؟ وشكرا على الافادة مقدما :)

وعليكم السلام ورحمة الله وبركاته
أبدا مافيه أي إجراء بس
رحت لأستاذة الماده وقلت لها بأراجع ورقتي
واعطتني نموذج إجابتي ونموذج الإجابه الصحيحه
وشفتها

[aboode_sa]

نفس الوضع اخوي bmc انا رحت لهم وطلبت مراجعة درجة المادة وقالو لي انت ماخذ 48

مع اني متأكد من اجاباتي وطالع من الختبار مبسوط من كثر ماحليت لكن الشكوى لله